الإحتكاك بين الجنسين في الحافلة.

[سليم المبتسم]

بارك الله فيك على هذا الموضوع
انا اقول رربي يهدينا

[mhd]

البشر صنفان

صنف يحشم
وصنف ما يحشمش

[lalib40]

صنف متربي وصنف ماهوش متربي

[قنون المربي والأستاذ]

موضوع للنقاش.
أنا غالبا مالا أستقل الحافلةولكن:إذا نهض كل واحدمناجالس لامرأةواقفة لتخلصنا من الوضع،ومن تأبى الجلوس يظهرعنها أنهاتحب الاحتكاك بالرجال!!!!،فالنضعهن أمام الأمرالواقع.

[أبو معاذ محمد رضا]

المشاركة الأصلية كتبت بواسطة العربي مروة

موضوع للنقاش.
أنا غالبا مالا أستقل الحافلةولكن:إذا نهض كل واحدمناجالس لامرأةواقفة لتخلصنا من الوضع،ومن تأبى الجلوس يظهرعنها أنهاتحب الاحتكاك بالرجال!!!!،فالنضعهن أمام الأمرالواقع.

وهل كل شيء أخذته النساء حتى الجلوس في الحافلة؟

[ibtissembiti]

كيما يقولو مسيت فالجرح
اكره الحافلات كرها شديداا
لوكان غير يديروا حافلات لنساء واخرى لرجال
ومن هذي كامل الاخلاق وتربية هي كل شي لوكان كل طفلة تحكم بلاصتها وتحاول تقعد فبلاصة باش تتحشى اي ازعاج وباش توسع على رجال باش يقعدوا
وكل طفل يعامل بناة ناس كيما يحي ختوا تتعامل ولا مرتوا والله لوكان رانى في القمة
ولزوج معلابالهمش كما تديت تذان الرجل كيما دار لبنات ناس يديروا لمرتوا ولا ختوا
وطفلة كيف كيف تلقى طفلة تلعب براجلها ولا خوها واظن انه لا توجد اي وحدة تنعدم فيها الغيرة
والله الموضوع يتطلب الالتزام من طرفين لأنه من طرف واحد وكانه لا شيء
عن نفسي احوال قدر المستطاع ان ابحث عن مقعد مع مرأة مام لوكان منلقاش بلاصة مع مرأة منقعدش مع الرجال غير إلا كان رجل كبيييير في السن وكيفرغ نبدل بلاصة
ومحير في امر انه في عض الاحيان يكون الواحد قاعد وبلاصة فارغة قداموا يعرض عليك تقعد مع شطوا !!!!!!!!!!!
سرالي موقف كلما نخمم نركب فالحافلة نتفكرواا لأنة جامعة شوية بعيدة خاصة في الحر الشديد ولا المطر الغزير
ركبت في حافلة للعودة للبيت كانت فارغة شوية ومبعد كطلعت وطلعوا ناس تعمروا بلايص قعدت وحدة
في الصف الأخير وهو فيه 4 أماكن قاعدين فيهم 3 شبان من مظهرهم عمال البناء
المهم انا وقفت وكنت غير انا وقفت مشينا مقطع ومبعد نلقى في احدهم عرض علية نقعد وين بناتهم وزيد لقيت صاحب الحافلة يلح عليا على جلوس وجايهم الامر عادي
تعجبت كثيرااااااا زعما يرداوها لخياتهم مشكيتش
والمحزن انه كقلتلهم لالا شكرا
انارجعت ممليحاش وقعدوا يخسرا فالهدرة على اساس انا لموش مليحة ويقولو لصاحبهم لهدر داعش ووووووووووووو
والله قمة في الانحطاط
ربي يهدينا ويهديهم ويهدي الامة الاسلامية كامل
ومع هذا كاين ولاد فامليا وبنات لفاميليا ربي يكثر من مثالهم

[bmlsy]

ركوب الحافلة هو امر جديد للبعض
الاحتكاك لابد منه 5 سنتمتر بين الشخص والشخص كن واقعي
اللباس الشرعي للمراة امر مفروض على المراة وبالنسبة للرجل امر فيه نظر وخاصة من هم في سن بين 10 و 24 حتى 30
لازالت تنقصنا ثقافة الاختلاط ولو انك تقول لايجب تالاختلاط لكنه امر حتمي
االمراةة كانت عند الطبيب او هي راجعة لبتها لتكمل طبخ غذاء اولادها من الاحراء ان يركب الاول هي ام زوجها كن واقعي
قضية الجلوس بين الجنسين ليست عامة تحدث احيانا ولو ان لكل واحد نية فلا تستطيع معرفة نوايا الناس المهن ان تزين نيتك
اعتبر من هم ركاب معك من عائلتك او ان فيهم من يراقبك وزد ان الله يراقبك ةانت وحدك فما بالك في الاختلاط
نحن نيتنا ما فيها خبث مندس انما الله يراقبهنا في كل وقت وحين فلنستحي ونخجل حتى من انفسنا
اللهم اهدنا جميعا لما تحب وترضى سلام

[رشيد بوعافية]

الاستعمال العمومي للحافلة الجماعيّة من نوازل العصر ، ولا إشكالَ فيه في حدّ ذاته لأنه من مقتضيات الحياة المدنيّة النامية المتسارعة ، إنّما يتحكّمُ في الاستعمالِ و المآل ثقافَةُ المجتمع و تربيّتُهُ و آدابُهُ العامّة و قوانينه ، و عليها المعوّلُ لتحقيق السلامة و السمو ، فمتى روعِيت هذه المعطيات في حياة الناس و شبُّوا عليها و تربَّوا على احترامها ؛ سلِمَ للناسِ جميعًا رجالاً و نساءً كبارًا و صغارًا أقوياء و ضعفاء الاستفادَةُ من هذه الوسيلة و عمّ النفعُ ، و اختفَى الضرر أو قلّ إلى أدنى مستوياته في الحياة الإنسانيّة . .
وهاهنا ملاحظَة و هي أنّ المقياس الواقعي الحقيقي للارتقاء و السمو و الفضيلة ليس هو اختفاء المظاهر السلبيّة تمامًا من حيالة البشريّة و الناس . . لا . . فهذا لم يحصُل في أرقَى الأزمنة و أصفاها كما هو معلوم ، إنّما هو كونها سلوكًا شاذًّا ممقوتًا محاصرًا على مستوى التصوّر كما على مستوى الممارسَة . . نسأل الله أنّ يعمّ الخير العبادَ و البلاد و أن يحفظَ اللهُ رجالنا و نساءنا من كل سوء .

[راجية الرحمان]

أريد أن أحكي لكم عن تجربتي خاصة لأولائك الذين يلومون المرأة
كنت أدرس على الثامنة صباحا ، بحيث الجامعة بعيدة على وين نسكن و سيارات النقل تبدأ على سابعة إلا ربع ، نخرج سادسة و نصف من البيت نوصل سابعة و نصف لمدينة نركب الحافلة نلقاها ممتلئة في أغلب الأحيان يعني بسيف عليا نركب فيها الله غالبة ، عامي الأول من داك كنت بهلولة ،كنت كي نلقا مقعد و نكون جالسة كي نشوف عجوزة نوض عليها نخليها في بلاصتي . من بعد صراتلي مشكلة فالحافلة مع وحد الحيوان مع العلم حجابي فضفاض و خاطيني جذب الإنتباه و توزيع الإبتسامات ، قعد هاذاك الحيوان يقرب يقرب و أنا ساكتة حتى مين فضح قلت للسائق ينزلني و راح عليا الدرس ، و المرة الثانية و لي عليها حلفت يا لوكان نبطل قرايتي ما نزيدش نوقف فالحافلة ، و هذي المرة صراتلي مع روسوفير الحقير ، و الله والله لحتى قعدت نبكي حتى وحد المرأة سكتتني و ما بغيتش التبهديلة لروحي خاطرش المجتمع تاعنا حقار و كان سبيت هذا الحيوان يقولو هي جبداتو من داك النهار و الله العجايز يبقو غير يعايرو و يمعنو مين نكون جالسة و هوما واقفين و يبقو الرجال يقولو أيا لبنات صغار ينوضو يخلو العجايز يجلسو ، أنا راني حالفة ما نزيدش نركب الحافلة واقفة ، و حتى لو كان الإزدحام في الحافلة الانسان المحترم ما يقربش للمرأة و حتى إذا تقدرت علىه و قرب لازم يحترم نفسه و يحكم قدره

[the little bird]

لما لا تكون حافلات مخصصة للنساء و اخري للرجال و السائق يكون رجل للرجال و امراة للنساء

[toulay]

سلام عليكم
محسوب الاغلبية قالت النساء هوما السبب
الله يبارك الرجال ملائكة واش نقولك
وفيها اختلاط ثاني اشرف الاماكن ولهو الحج وفيه اختلاط جات على bus
يعني اذا طلعت مراة في bus وبقات غير بلاصة وحدة وقاعد فيها رجل متقعدش ولا كيفاش
النساء تزاحم الرجال فالعمل فالرزق ودرك قفزوا les bus عجب
كل واحد واخلاقو وتربيتو المهم كل شخص يحكم قدرو وخلاص وكل شخص راح يتحاسب وحدو
والحمد الله ربي سبحانه وتعالى هو لراح يحاسبنا
مالا قبل مانحاسبوا غيرنا نحاسبوا انفسنا اولا
شكرا

[toulay]

المشاركة الأصلية كتبت بواسطة راجية الرحمان

أريد أن أحكي لكم عن تجربتي خاصة لأولائك الذين يلومون المرأة
كنت أدرس على الثامنة صباحا ، بحيث الجامعة بعيدة على وين نسكن و سيارات النقل تبدأ على سابعة إلا ربع ، نخرج سادسة و نصف من البيت نوصل سابعة و نصف لمدينة نركب الحافلة نلقاها ممتلئة في أغلب الأحيان يعني بسيف عليا نركب فيها الله غالبة ، عامي الأول من داك كنت بهلولة ،كنت كي نلقا مقعد و نكون جالسة كي نشوف عجوزة نوض عليها نخليها في بلاصتي . من بعد صراتلي مشكلة فالحافلة مع وحد الحيوان مع العلم حجابي فضفاض و خاطيني جذب الإنتباه و توزيع الإبتسامات ، قعد هاذاك الحيوان يقرب يقرب و أنا ساكتة حتى مين فضح قلت للسائق ينزلني و راح عليا الدرس ، و المرة الثانية و لي عليها حلفت يا لوكان نبطل قرايتي ما نزيدش نوقف فالحافلة ، و هذي المرة صراتلي مع روسوفير الحقير ، و الله والله لحتى قعدت نبكي حتى وحد المرأة سكتتني و ما بغيتش التبهديلة لروحي خاطرش المجتمع تاعنا حقار و كان سبيت هذا الحيوان يقولو هي جبداتو من داك النهار و الله العجايز يبقو غير يعايرو و يمعنو مين نكون جالسة و هوما واقفين و يبقو الرجال يقولو أيا لبنات صغار ينوضو يخلو العجايز يجلسو ، أنا راني حالفة ما نزيدش نركب الحافلة واقفة ، و حتى لو كان الإزدحام في الحافلة الانسان المحترم ما يقربش للمرأة و حتى إذا تقدرت علىه و قرب لازم يحترم نفسه و يحكم قدره

normalement مراة كبيرة مين تشوف bus معمر ومتقدرش توقف مكلاه تطلع وتبقى تمعني على الغاشي باش ينوضولها
واش نقولك يا اختي قلة الادب تجري فالعروق ربي يستر
مجتمعنا محصلين كل شيء فالمراة كون يلعب الكلاسيكو ويخسر واحد فيهم يقولك المراة هي السبب
والمشكل par exemple السائق يشوف receveur تاعو يظلم فالطفلة وهو باقي ساكت والرجال لتماك ساكتين
ربي يهدينا ان شاء الله

[راجية الرحمان]

المشاركة الأصلية كتبت بواسطة toulay

normalement مراة كبيرة مين تشوف bus معمر ومتقدرش توقف مكلاه تطلع وتبقى تمعني على الغاشي باش ينوضولها
واش نقولك يا اختي قلة الادب تجري فالعروق ربي يستر
مجتمعنا محصلين كل شيء فالمراة كون يلعب الكلاسيكو ويخسر واحد فيهم يقولك المراة هي السبب
والمشكل par exemple السائق يشوف receveur تاعو يظلم فالطفلة وهو باقي ساكت والرجال لتماك ساكتين
ربي يهدينا ان شاء الله

يا أختي و الله ما راهم يخافو ربي ، يغلطو الغلطة من بعد يحصلوها في النسا، تقول حنا أصلنا إبليس و هوما أصلهم آدم ، و الحقيقة لي يحشم يحشم يا لو كان كاين إختلاط ولا لا

[الفآرسُ المُلثَم]

السلام عليكم
انما الامم الاخلاق اذا ما بقيت ان همو ذهبت أخلاقهم ذهبوا
بارك الله فيك على الموضوع لكن هل من آذان صاغية وقلوب من ربها خائفة بل أصبحت عقولهم كالدواب تجري وراء شهوتها
السبب يقع على كلا الجنسين وعدم احترام كل طرف لنفسه

[shy'n]

بالطبع ان السبب الاول و الاخير هو الرجل
و كأن الشارع هو لي رباهم. تلقايهم يطيحوا و يتعافروا و يزيد مايقدروش يشدوا غرائزهم الحيوانية
صدق من قال حيوان ناطق

انا كنت ندي القطار يوميا و جامي شفت النساء تعداوا حدودهم , كلهن حجاب و لباس شرعي و ماطلقوهمش
سبحان الله
ربي يهدينا