واش رايكم في هذه العادة ؟؟؟؟ - الصفحة 3

انانيس · 2012-09-03, 08:52

اقتباس:

المشاركة الأصلية كتبت بواسطة homme libre 05

تبالي يسميوها في باتنة الصباحة والله اعلم
---- خاطيني لعراس ههه
+
شكرا لك

اه اله اعلم ناس باتنة كيفاه يسميوها شكرا homme libre 05
بارك الله فيك

solimane93 · 2012-09-03, 08:52

أنا لم أسمع بهذه العادة

basmitmalek · 2012-09-03, 10:01

احنا نسموها القصعة بالصح منديروش الكسكس كاين لدير شخشوخة و لا تليتلي طبعا مع الجاري و الديسار و القاطو والمشروبات و كانت العروس الي مديرش قصعة باهية تقعد تتعاير بيها بالصح لاحظت من واحد العامين ولا ثلاثة كاين الي بطلوها

انانيس · 2012-09-03, 12:51

اقتباس:

المشاركة الأصلية كتبت بواسطة basmitmalek

احنا نسموها القصعة بالصح منديروش الكسكس كاين لدير شخشوخة و لا تليتلي طبعا مع الجاري و الديسار و القاطو والمشروبات و كانت العروس الي مديرش قصعة باهية تقعد تتعاير بيها بالصح لاحظت من واحد العامين ولا ثلاثة كاين الي بطلوها

lممكن نعرف من اي ولاية انتي ختي شكرا للمرورك العطر

basmitmalek · 2012-09-03, 14:15

انا من الوادي اختي

chirase dz · 2012-09-10, 11:51

ايه هذي اسمها القصعة نتاع العروسة كيما حنا ناس بسكرة يديرو شخشوخة باللحم و الدجاج ولازم تكون قصعة كبيــــــــــــــــــــــرة ويزينوها بالبيض والزبيب والكوجاك والشيكولا نتاع الحبات والبطاطا محمرا والحمص و...

ثمة حلم · 2012-09-11, 12:55

تعرف عندنا هذه العادة بالصباحية أو فطور العروس لكن ليس بالكسكس بل بالحلويات والقهوة والشاي
لكن أريد أن أبدي ملاحظة أو رأي لك وأتمنى أن تتقبليه بصدر رحب
1-أولا وين بانت الجفنة كما تقولين مع ماينفقه ويخرجه أهل العريس وخاصة في عباد وقتنا هذا من مغالاات في المهور والذهب وأيام العرس من ماكل ومشرب ومبيت و شروط الآخرى كالسكن أرى لي طاب جنانو و هو في الخسارة الكبيرة هي عائلة العريس وعلى كاهلها كل شئ يعني عادي هذا العرف لايقدم ولايؤخر في شئ مقارنة بالمصاريف الاخرى الكثيرة التي لاتعد ولاتحصى وبالعكس هي عادة و من التقاليد الحميدة التي يجب المحافظة عليها كإرث شعبي متنقل أب عن جد

2-الجفنة قلتي يا أختي الكريمة مكوناتها الكسكس فهل يعقل والمنطقي أهل العروس في ولاية بعيدة جدا عن ولاية أهل العريس كيف يأتون بها ويحملوها طول هذه المسافة و المدة ..!! أم الزواج عندكم داخل الولاية فقط منكم وإليكم ..!! هنا أرى أن الحلويات أفضل من منطلق المسافة والبعد يعني هي لي تساعد وتشجع النسب بين الولايات الآخرى هههههههههههههههه.

باكالورية2013 · 2012-09-11, 13:06

احنا نسموها القصعة و نديروا فيها شخشوخة البساكرة نتاع المسمن يعني و نزيدوا معاها الحلويات و الفواكه.......و انا بالنسبة ليا نحبها و تعجبني هذي العادة مع انها مكلفة بزاف

ayoub.ar · 2012-09-11, 13:09

اقتباس:

المشاركة الأصلية كتبت بواسطة basmitmalek

انا من الوادي اختي

ههه عرفت انك من الواد من ردك الاول

اها نعم هنا في الواد وكانها شرط لازم وكما قالت الاخت اذا لم تكن جيدة اقصد ليها فيها لحم كثير وهكذا فانها تتعاير عنها قليلا . ارى انها عادة لا فائدة منها بنسبة لي لكن من يريد ان يحافض على العاداة فاليعملها ومن لا يريد فلا يعملها

ayoub.ar · 2012-09-11, 13:16

اقتباس:

المشاركة الأصلية كتبت بواسطة باكالورية2013

احنا نسموها القصعة و نديروا فيها شخشوخة البساكرة نتاع المسمن يعني و نزيدوا معاها الحلويات و الفواكه.......و انا بالنسبة ليا نحبها و تعجبني هذي العادة مع انها مكلفة بزاف

ارى بانها ليست مكلفة ابدا بنسبة لمصاريف الزفاف الكبيرة

لكن المهر كم يعطى لديكم طبعا الاكثرية كم

الوادي في سنتين الاخرتين اصبحو الكثرهم يدفعون 20 مليون الى 30

fatrach · 2012-09-11, 13:19

شكرا على هذا الموضوع انا لم اسمع في حياتي عن عادة تسمى الجفنة نحن في الشرق يوم الجمعة يحضر اهل العروس و مرفقين معهم بالحلويات و المشروبات بعدها يحضر اب العريس او اخوه و يحزملها من بعد توزع هذه الحلويات و المشروبات على اهل العريس و في مناطق اخرى يوم الجمعة يوضع للعروس المسكنية قصعة من الدقيق تعمل الكسكس لاهل الدار
اما بالنسبة للعادة سيئة ام حسنة تبقى العادات عادات و انا ارى انها عادة مكليفة و سيئة و تعتبر تبدير و سلام عليكم.

*deniz* · 2012-09-11, 14:41

!!!!!!!!????????????!!!!!!!

djamelali · 2012-09-11, 15:20

ننصحكم اخوتي واخواتي =العادات هي أصنام العصر الحالي =واه ولا لا لا ان شاء الله نوضحو في مشاركة أخرئ مالمعنى

اسعى لرضى الله · 2012-09-12, 01:41

انا ارى ان مثل هذه العادات هي سبب المشاكل كلها

لان بسببها لا يستطيع الشاب الزواج في سن مبكرة بسبب التكاليف التي تنتظره

مما ادرى الى ظهور العلاقات غير الشرعية

انا باذن الله باذن الله كي نزوج منديرش العرس

نخير الدراهم اللي راح نخسرهم في التصديرة والعرس ولاصال وزيد ثاني نزيد الذنوب . نلوحهم في داري خير وندير بيهم حاجة فايدة

Dj BoBo · 2012-09-13, 14:12