موضوع مميز التحدي الرابع من مسابقة ابداعي في التزيين*** صنع مئزر مطبخ *** - الصفحة 12

ام مهدي 03 · 2014-03-30, 18:08

اقتباس:

المشاركة الأصلية كتبت بواسطة نسائم الصباح

السلام عليكم وصباحكم عسل .يا شطورات

أعتدر مرة أخرة على غيابي .أنا في الويكاند مانقدرش نذخل خلاص
وشراكم ووش راكم عملين فيها
أنا بكل صراحة حكمني برود مش عرفة لانقدر نكمل ولا لا .أصلا المفرش كملت بسيف .وزدت لقيت تصويت هو لخر .تشوكيت بكل صراحة .لأني درت فيه مجهود كبير .غرزة الظل مهيش سهلة والخدمة على لفوال تانيك مهيش سهلة .والخدمة هذه نادرة في الجزائر والفكرة أنك تقدري تخب فيه صولحك بش مايترموش في أي جيهة
وزاد عملي مع جميع أنواع الأثات ومودال الصالونات

المهم ميهمش البركة أني تعرفة على أحلى بنات كيما نتم

أختي جوجو وأم مهدي وسمراء ربي يشفيلكم بناتكم ويحفظهم من كل مكروه
بارك الله في كل أخت حطت مودال هنا .خاصتا نهال

فرولة الموديلات لي حطيتيهم يليقوا غوب سواري ههههههههههههه .حبه ندير وحدة كيفهم

نسائم انا حتى لليوم واحد لا صوتلى . كومام 3 اعمال ولاصوت. سيرتو العمل الاول زعما ركزت على الفكرة كيما قالونا مى كل مرة نلقا روحى غير انا لى نصوت على روحى والله شىء يفشل بصح انا بالنسبة لياالتحدى الكبير كى قهرت ظروفى القاهرة والله واحدة فى بلاصتى ما تلحقش حتى طيب لولادها. مع ولاد مراضين كيما نتاعى ما كانش ليلة رقدتها نورمال. وبزيد كى يغيب الراجل رانى ما عندى ما نقولك...............................
المهم يا اختى كى تعرفنا على بعضانا انا واش نطير من الفرحة كى نلقا واحدة سقسات عليا ولا على ولادى

نهال13 · 2014-03-30, 18:55

وشراكى ام مهدى عندك حق المهم هى المة انا كى ندخل ومنلقاكمش تسماطلى ام كوكو يدرة وين غابت عادت ما تبانش ساحفظ القراءن فاطمة موجوجو ولبنات لخرين مابنتوش

نهال13 · 2014-03-30, 19:06

اقتباس:

المشاركة الأصلية كتبت بواسطة oum 3abdou

شوفو وين وصلت راني نتعلم نفصل جبت طابلية قديمة كانت عندي و فصلت عليها واش رايكم

[img]

[/img]

[img]

[/img]

يعطيك الصحة اختى جاتك تهبل فالنص طرزتيها؟
بالتوفيق ان ؤشاء الله

farawla01 · 2014-03-30, 19:06

ام عبدو وسمو القماش الي راك تخدمي بيه راك حابة طرزيها ام مهدي عندك الحق المهم جمعتنا نهال والله غير والفتكم او عدت منستغناش عليكم راكم كالاكسجين هههههههههههههه الله لا يحرمنا من بعض

oum 3abdou · 2014-03-30, 19:56

اقتباس:

المشاركة الأصلية كتبت بواسطة farawla01

ام عبدو وسمو القماش الي راك تخدمي بيه راك حابة طرزيها ام مهدي عندك الحق المهم جمعتنا نهال والله غير والفتكم او عدت منستغناش عليكم راكم كالاكسجين هههههههههههههه الله لا يحرمنا من بعض

راني نخدم بالبوبلين اختي فراولة راح نديرلها تزيين بالكروشي ان شاء الله

لميس حواء · 2014-03-30, 20:13

السلام عليكم أخواتي دخلت نطلع المورال لقيت الجميع في نفس الحالة قلت هذي عين و صابتنا أيا كل وحدة ترقي ليها و لعايلتها
نتمنى الشفاء لكل المرضى سلام لي عودة إن شاء الله

ام حمزة22 · 2014-03-30, 20:51

السلام عليكم واش هاد المورال الحابط انا نتومة طلعتولي المورال وعطيتوني حماس كبير باش ندخل للمسابقة عجبني بزاف التحدي يوم الخميس رحت للسوق شريت القماش لعشية فصلتو يوم الجمعة كي العادة رحت الدارنا ويوم السبت ديت الدراري لحديقة الحامة واليوم كملت الطابلية ان شاء الله تعجبكم وديرو الكوراج ويقوه الحماس

ام مهدي 03 · 2014-03-30, 21:26

اقتباس:

المشاركة الأصلية كتبت بواسطة نهال13

وشراكى ام مهدى عندك حق المهم هى المة انا كى ندخل ومنلقاكمش تسماطلى ام كوكو يدرة وين غابت عادت ما تبانش ساحفظ القراءن فاطمة موجوجو ولبنات لخرين مابنتوش

الحمد لله نهال والله نحسك فى هذه المسابقة امنا الحنون. نروحو ونغيبو ونطولو وكى نرجعو ديما نلقاوك فى الدار...... يعنى المسابقة ما غبتيش وزيد موجدة كل شىء والحاجة لى نطلبوها نلقاوها يا اختى ربى يعطيك ما تتمناى

ام حمزة22 · 2014-03-30, 21:34

بسم الله الرحمان الرحيم

و أخيرا هذه المراحل الخياطة وفي أخير المؤزر جاهز أتمنا أن ينال الإعجاب

هذه المرحلة الأولا

هذه المرحلة الثانية

مرحلة التزين

و هذه المرحلة الاخيرة

[/CENTER]

بالتوفيق لي و لكن أمين يا رب و حظ سعيد

OM AYA · 2014-03-30, 21:43

هههه و الله صح هذي عوينة و صابتنا اختي فيفي اجري جيبيلنا الراقي ام مهدي ربي يعينك كامل رانا في الهوا سوا البقية مازال ما درت فيها والو كنت حابة كروشي بصح راني عيااانة نشوف بلاكك نخيط لبنتي الصغيرة وحدة ههه صغيرونة