السلام عليكم اخي انا مترشحة حرة لكن حتى النظاميين كانو يقرو من نفس المراجع تقدري تتصفح موقع ency éducation وتشوف حوارات مع المتفوقين وتختار المراجع لي يريحوك اما نصيحة من عندي ماتكثرش عليك المراجع بزاف حتى لا تختلط عليك الامور هامليك شوف :
*العلوم: احمد امين خليفة لكن شوف وحايد فالمستوى اقصد نموذج اك ماشي وحايد قصار وباكلوريات
*الفيزياء= المغني والباكلوريات وسلاسل قزوري اسم الموقع تاعو PHYSIA.NET
*الرياضيات= المشرق والباكلوريات وسلاسل مصطفاي
واذا كنت اقص شوية فالمات استعمل معاهم المغني
اول مرة ذرك تلقا صعوبة في حل التمارين لكن بعد توالف ويعودو يجوك ساهلين وماتتقلقش كي يكون تمارين تع ربع ساعة تحلو انت في 3 سوايع لا عادي هذي اول مرة برك واصلا مزال الحال تعود الان وحاول الان خير ماتبدا متاخر والوقت مزال في يديك اما قبل الباك التجريبي لازم تعود نفسك على ان تضط وقتك مثلا تمرين تع نص ساعة اذا كثرت تزيدله عشرة دقائق كحد اقصى واللله يوفقنا جميعااا