موضوع خدماتي || لكلّ استفاراتكم المتعلّقة بالدّهان .

[yakota]

السلام عليك
اهلي بناو سكن جديد والان راهم في مرحلة الدهان لكن بعض الناس قالولهم ماتدهنوش في الشتاء لانو الدهان بعد مدة راح يتقشر
هل هدا صحيح
والهول دارو الدال دوصول ابيض واسود والفايونس رمادي فماهي نصيحتك في لون الدهان الذي يدهنون به الهول
وكذلك ماهو اللون المودرن بالنسبة للصالونات
وجزاك الله كل خير على هده المبادرة وجعلها في ميزان حسناتك

[Maria dadi]

تعيشي حبيبتي
شوفي هاذي تاع الدهان يتقشر بعدة مدة لا مكانش منها مايتقشرش بصح نصيحة
اذا راكم حابين تدهنو البيت ضرك لازم يكون في كل مكان مدفأة شاعلة والدهان لازم يستنى
في كل مرة حتى تنشف الطبقة لي حطها باه يزيد الطبقة الاخرى
نصيحتي لك حبيبتي في لون الهول الفضي ماشي فاتح بزاف وماشي غامق بزاف بين وبين
الألوان الدارجة لهاذا الموسم الخاصة بالصالونات هي الذهبي وروج بريكي والباج وبني شوكولا او ديري لونين مع
بعض

[hilou]

السلام عليكم
للاسف تم دهن الغرف و الهول هناك من عملت لهم كو ش 1 وهناك من عملت لهم 2 كوش
للاسف بدات الكثير من الاماكن بهم تتقشر لا ادري ما السبب ؟ وكيف يتم معالجتها ؟
وهل تصدق ؟ وهل هذا الامر وراد وممكن يحدث ؟

[Maria dadi]

السلام عليكم اخي هيلو
اولا راكم علبالك بلي رانا في فصل الشتاء والدهان مايزربش ينشف ولازم في كل غرفة تكون مدفأة
وانت عليك الانتظار بين كل مرة تدهن فيها اولا دير 2 كوش اوندوي ومن بعد زيد فوقهم الفيكساتير
وخليها تنشف مليح ومن بعد ادهن كيما حبيت و هاذي الطريقة ناجحة في فصل الشتاء ماتخليهاش
تتقشر بالتوفيق اخي وكاش سؤال راني هنا

[جيجلية]

انا حابة نصبغ الصالون باش نعاود الديكور

تنصحيني نخير المابل قبل والا نصبغ قبل

وواش من دهان تقترحيه علي اريد الاسم واللون انا نحب البساطة ولو تكرمت بالصور احسن

مع العلم ان صالوني الآن مصبوغ بلالاك بلون كاسي عندو 10سنين

انا من محبات اللون الذهبي بصح راني صابغة الكولوار به والدرج تاني

[Maria dadi]

أهلين أختي جيلية وسامحيني على التأخر
أختي نصيحتي ليك هي انك تصبغي الصالون نتاعك اولا من بعد تختاري الأثاث
اذا ارت حبيبتي البساطة اقترح عليك دهان ساتيني ولون هو باج روج بريكي او لونيين
مع بعض والصور والله صعيب باه نحطهم راني غير بالهاتف بصح اذا اردت رؤية
عمل زوجي نعطيك الفايس بوك نتاعو وشوفي الصور والعمل
لا زم تنحي صبيغة نتاع لالاك باه تحطي صبيغة جديدة
انا أيضاً أحب اللون الذهبي والفضي كثير مافيها والو تزيدي تكملي وتصبغي بيه الصالون
يخرج هايل

[lakhhdar]

السلام عليكم الاخت الكريمة على المجهود ودمت في الخدمة
امابعد الرجاء افادتي في كيفية التخلص من دهان الموشتي وهل هناك منتوج صالح لذلك؟

[sousoufati]

مساء الخير maria nadi حبيت نعرف هل يوجد دهانات خاصة بالرطوبة افيديني بكل المعلومات النوعية والسعر وكل شيء وشكرا

[Maria dadi]

لي عودة للإجابة سامحوني رجاءا راني طولت عليكم

[بنت لبحر]

مساء الخير سلطان

يعطيك الصحة على الموضوع

انتهينا من بناء بيت جديد و حابين ندهنوه او ل مرة وحابين حاجة مليحة

بواش تنصحونا

[أم اشراق]

السلام عليكم .اريد اعادة دهن غرفة نومي بعدما كانت وردي فاتح فباي لون تنصحونني وشكرا

[Maria dadi]

أختي الألوان لي راهي دارجة هاذا الموسم لغرف النوم هي روج بريك بكل درجاته
او موف بكل درجاته

[أم اشراق]

المشاركة الأصلية كتبت بواسطة maria dadi

أختي الألوان لي راهي دارجة هاذا الموسم لغرف النوم هي روج بريك بكل درجاته
او موف بكل درجاته

شكرا .بارك الله فيك

[ziaya]

اشكرك لدي سؤال ماهو الطلاء المناسب للحوش الواسع وماذا يتناسب مع الورديà

[هندة 74]

شكراً لكِ أختي ماريا على تقديم المساعدة في موازين حسناتك أختي .

حبيت نسقسيك عندي الحائط تاع السلالم مين ينزل المطر يتشمخ كامل من الداخل واش هو الدهان المناسب لهذه المشكلة ؟؟؟؟؟؟ الرطوبة العالية واش هو الحل تعها مع العلم الحائط ملبس من الداخل والخارج


بارك الله لزوجك اختي في الخدمة الزينة الي يعملها وهذا الشي ماهوش غريب على ناس سطيف لانكم ديتوا العلامة الكاملة في الصبيغة والديكور ةكل مايتعلق بالبيت واشغال