موضوع مميز [ حكايتي مع الزمان... ] أسمحولي حاب نفرغ قلبي - الصفحة 3

مريم الصابرة · 2014-12-22, 19:56

السلام عليكم
اولا اخي احييك واهنئك على أخلاقك وعلى قدرة تحملك
انا وجدت فقصتك مريم لانو نسخة على حياتي الفارق اني انا المريضة
في وقت لقيت روحي كيما إنت انا وامي بابا ميت وخاوتي كل واحد شد طريق وبقيت انا وهي واختي متزوجة راحت دارت حياتها وامي بلا عمل وانا في عز مرضي راك عارف واش معناها زوج نسا وحدهم ووحدة مريضة لدرجة الحمى بال 45 وماكانش حتى حق طبيب او طاكسي او علبة دواء والحمد لله فكل وقت كنا نحمدو ربي كانت امي تبكي عليا بالتخبية وانا نبكي لاني خليتها تتعب في وقت كانت لازم تكون مرتاحة طرقت امي كل الأبواب على جالي وحوست خدمة سنتين امي بلا خدمة وانا فالسبيطار وماكانش اللي يجيني ولا يحوس عليا من غيرها عرفت المعاناة اللي راك تقول فيها ومازال لكن مع فارق الآن الحمد لله صحتي مازال في تدهور ولكن امي لقات عمل وتحسنت الاوضاع مقارنة بالماضي وتلقيت مساعدات من الأعضاء وراني نعالج وربي عندو بزاف وقت قطعت لياس من الدنيا والحياة وكل ابواب الحرام كانت قدامي لو حبيت نمشي فيها لكن لالا محال هكذا إنت خويا خلي إيمانك بربي كبير وربي مخبيلك امور بزاف تكفي دعوة الوالدة ربي يحفظها ربي يفرج صدقني هذا عن تجربة ومازالني طامعة في ربي يشفيني ولو راني في خطر لكن املي في ربي كبير
حكيتلك قصتي حتى تعرف مش وحدك وتعرف أنو المحنة هي تصنع الرجال وإنك راجل وراح تتغلب على الوضع هذا المهم ما تفرطش فيماك
وربي يفرج عليك وعلينا

mouadezzine · 2014-12-22, 20:26

اقتباس:

المشاركة الأصلية كتبت بواسطة مريم الصابرة

السلام عليكم
اولا اخي احييك واهنئك على أخلاقك وعلى قدرة تحملك
انا وجدت فقصتك مريم لانو نسخة على حياتي الفارق اني انا المريضة
في وقت لقيت روحي كيما إنت انا وامي بابا ميت وخاوتي كل واحد شد طريق وبقيت انا وهي واختي متزوجة راحت دارت حياتها وامي بلا عمل وانا في عز مرضي راك عارف واش معناها زوج نسا وحدهم ووحدة مريضة لدرجة الحمى بال 45 وماكانش حتى حق طبيب او طاكسي او علبة دواء والحمد لله فكل وقت كنا نحمدو ربي كانت امي تبكي عليا بالتخبية وانا نبكي لاني خليتها تتعب في وقت كانت لازم تكون مرتاحة طرقت امي كل الأبواب على جالي وحوست خدمة سنتين امي بلا خدمة وانا فالسبيطار وماكانش اللي يجيني ولا يحوس عليا من غيرها عرفت المعاناة اللي راك تقول فيها ومازال لكن مع فارق الآن الحمد لله صحتي مازال في تدهور ولكن امي لقات عمل وتحسنت الاوضاع مقارنة بالماضي وتلقيت مساعدات من الأعضاء وراني نعالج وربي عندو بزاف وقت قطعت لياس من الدنيا والحياة وكل ابواب الحرام كانت قدامي لو حبيت نمشي فيها لكن لالا محال هكذا إنت خويا خلي إيمانك بربي كبير وربي مخبيلك امور بزاف تكفي دعوة الوالدة ربي يحفظها ربي يفرج صدقني هذا عن تجربة ومازالني طامعة في ربي يشفيني ولو راني في خطر لكن املي في ربي كبير
حكيتلك قصتي حتى تعرف مش وحدك وتعرف أنو المحنة هي تصنع الرجال وإنك راجل وراح تتغلب على الوضع هذا المهم ما تفرطش فيماك
وربي يفرج عليك وعلينا

السلام عليكم
حكايتي أمام حكايتك ختي مريم لاشيء
وحياتي أمام حياتك بلا معاناة
والله راني نقرا في موضوعك ونخمم عليك
لأن معاناة مثل هذه يطيحو منها الرجالة فما بالك ببنت وزيدلها المرض.
سامحيني ختي مريم نرفعلك القبعة بعدما عرفت ظروفك ومعاناتك
والله نقدّر فيك نشاطك رغم مرضك ونحيي فيك أملك الكبير في ربي
ويعجبني فيك تقديرك لمجهودات والدتك -ربي يخلّيهالك-
ربي يشفيك ختي مريم ويهنيك بيمّاك، وماتنسايش تحطّيها في عينيك
بارك الله فيك على المشاركة في موضوعي وعلى كل كلمة كتبتيها هنا.
.................
سلام

مريم الصابرة · 2014-12-22, 20:34

اقتباس:

المشاركة الأصلية كتبت بواسطة mouadezzine

السلام عليكم
حكايتي أمام حكايتك ختي مريم لاشيء
وحياتي أمام حياتك بلا معاناة
والله راني نقرا في موضوعك ونخمم عليك
لأن معاناة مثل هذه يطيحو منها الرجالة فما بالك ببنت وزيدلها المرض.
سامحيني ختي مريم نرفعلك القبعة بعدما عرفت ظروفك ومعاناتك
والله نقدّر فيك نشاطك رغم مرضك ونحيي فيك أملك الكبير في ربي
ويعجبني فيك تقديرك لمجهودات والدتك -ربي يخلّيهالك-
ربي يشفيك ختي مريم ويهنيك بيمّاك، وماتنسايش تحطّيها في عينيك
بارك الله فيك على المشاركة في موضوعي وعلى كل كلمة كتبتيها هنا.
.................
سلام

السلام عليكم اخي
نحب تعرف إنو ربي خلقنا اخي وحنا ملكو واش يصرانا لازم نتقبلو اي نعم نقنطو ونبكو ونخمو فأمور بزاف ما نكذبش نقولك ما قنطتش وما بكيتش ولحد الساعة مازال بلاك ندخل هنا نكتب ونضحك ونمازح الاعضاء في وقت انا موجوعة ومريضة ومرات مشلولة وما نمشيش عانيت وشفت المر ومازال وامي هي نور عينيا حابة نبرا على جالها حتى نعوضها انا على جال نفسي خلاص كرهت فالدينا وما نخممش فيها لكن لما نلقى امي قدامي تتعب من الخدمة عند الناس تغيضني روحي ولكن نفخر بيها لانو ماكانش اسهل من الحرام والحمد لله عمرنا ولا خممنا فيه لا انا ولا هي رباتني احسن تربية وحجابي شرعي ومحترمة الحمد لله ونقدر جيراني الله غالب الصحة خاينة وكمل معاها الفقر دار معاها عقد ولكن عمرو الفقر ولا عيب العيب اني نكون مكروهة عند الناس او سارقة عندي ملاير وانا سراقة وناكل حق اليتيم او نتكبر على الناس
صدقنتي خويا عندي عموم عندهم ملاير النار ما تاكلش دراهمهم عمي لاخر فالبرلمان وولادو يقراو فالماريكان وانا عندي مرض لو ما نعالجش راح يرجع سرطان او يبترولي رجلي صدقني من مات بابا ما شفتش وجوهم وكلهم عارفين بوضعي ونورمال عندهم لكن راني خير منهم الحمد لله ربي كل ما ندعيه يستجيب لي والله وندعي لغيري نلقى ربي فرج ونفرخح بزاف نحس ربي قريب مني ويشوف فيا ويعرف وضعي وينجيني من امور بزاف نسافر وحدي بحكم علاجي وعمل امي وما عنديش شكون يجري معايا للطبيب لكن ديما ربي حاميني وراعيني
اخي حبيتك دير الكوراج ولازم تشد فربي خمم دايما فالحلال وراح تخدم وتتزوج وتولي هذي مجرد تجربة المهم امك بها تربح وبيها تخسر إما ترضى عليك وتربح طول عمرك إما والله وتكسب مال قارون راح تخسرو لو سمحت فيها
خويا ربي يفرج عليك وعليا ويعطيلك كل الخير ويشدلك فالوالدة سلامي ليها
شكرا

mouadezzine · 2014-12-22, 20:54

اقتباس:

المشاركة الأصلية كتبت بواسطة مريم الصابرة

السلام عليكم اخي
نحب تعرف إنو ربي خلقنا اخي وحنا ملكو واش يصرانا لازم نتقبلو اي نعم نقنطو ونبكو ونخمو فأمور بزاف ما نكذبش نقولك ما قنطتش وما بكيتش ولحد الساعة مازال بلاك ندخل هنا نكتب ونضحك ونمازح الاعضاء في وقت انا موجوعة ومريضة ومرات مشلولة وما نمشيش عانيت وشفت المر ومازال وامي هي نور عينيا حابة نبرا على جالها حتى نعوضها انا على جال نفسي خلاص كرهت فالدينا وما نخممش فيها لكن لما نلقى امي قدامي تتعب من الخدمة عند الناس تغيضني روحي ولكن نفخر بيها لانو ماكانش اسهل من الحرام والحمد لله عمرنا ولا خممنا فيه لا انا ولا هي رباتني احسن تربية وحجابي شرعي ومحترمة الحمد لله ونقدر جيراني الله غالب الصحة خاينة وكمل معاها الفقر دار معاها عقد ولكن عمرو الفقر ولا عيب العيب اني نكون مكروهة عند الناس او سارقة عندي ملاير وانا سراقة وناكل حق اليتيم او نتكبر على الناس
صدقنتي خويا عندي عموم عندهم ملاير النار ما تاكلش دراهمهم عمي لاخر فالبرلمان وولادو يقراو فالماريكان وانا عندي مرض لو ما نعالجش راح يرجع سرطان او يبترولي رجلي صدقني من مات بابا ما شفتش وجوهم وكلهم عارفين بوضعي ونورمال عندهم لكن راني خير منهم الحمد لله ربي كل ما ندعيه يستجيب لي والله وندعي لغيري نلقى ربي فرج ونفرخح بزاف نحس ربي قريب مني ويشوف فيا ويعرف وضعي وينجيني من امور بزاف نسافر وحدي بحكم علاجي وعمل امي وما عنديش شكون يجري معايا للطبيب لكن ديما ربي حاميني وراعيني
اخي حبيتك دير الكوراج ولازم تشد فربي خمم دايما فالحلال وراح تخدم وتتزوج وتولي هذي مجرد تجربة المهم امك بها تربح وبيها تخسر إما ترضى عليك وتربح طول عمرك إما والله وتكسب مال قارون راح تخسرو لو سمحت فيها
خويا ربي يفرج عليك وعليا ويعطيلك كل الخير ويشدلك فالوالدة سلامي ليها
شكرا

السلام عليكم
سامحيني مريم ماقدرتش نعلّق على كلامك
خليتيني نحس أني كنت في غيبوبة بعدما قريت ردك
الآن حسيت أني مارانيش وحدي في الدنيا اللي قاستو الحيوط
الحمد لله كاين ناس ومنهم انتي قدرو يتغلبو على ظروفهم بصبرهم وبإيمانهم وبأملهم في ربي.
الحمد لله أنك معانا نسمعو وناخذو منك
ربي يعطيك صحتك ويسهل عليك وعلى والدتك ويجعل الجنة مثواكما.
بارك الله فيك.
.........
سلام

مريم الصابرة · 2014-12-22, 21:09

اقتباس:

المشاركة الأصلية كتبت بواسطة mouadezzine

السلام عليكم
سامحيني مريم ماقدرتش نعلّق على كلامك
خليتيني نحس أني كنت في غيبوبة بعدما قريت ردك
الآن حسيت أني مارانيش وحدي في الدنيا اللي قاستو الحيوط
الحمد لله كاين ناس ومنهم انتي قدرو يتغلبو على ظروفهم بصبرهم وبإيمانهم وبأملهم في ربي.
الحمد لله أنك معانا نسمعو وناخذو منك
ربي يعطيك صحتك ويسهل عليك وعلى والدتك ويجعل الجنة مثواكما.
بارك الله فيك.
.........
سلام

والله اخي مش حاباتك تقنط لأنك راجل عكسي مهما نقنط نبقى فالدار لكنك قادر تخرج للزنقة تلقى صاجب سوء ويعرف وضعك يستغلو ويديك لطريق الحرام وآفات اخرى رد بالك هوما الخاسرين ماذا بيك اللي يديك لجامع وينبهك و ينصحك ويوريلك صلاحك يقولك هذا إمتحان من رب ورد بالك اي واحد يستغل وضعك لانو راك احسن الناس مش خدام معليش ربي يفرج وكل شي يبدا بالعقل احسن من يكون عندك المال وترمي يماك فدار العجزة ما عندكش لكنك تصلي وتخاف ربي في حين كاين اللي ما يعرفش القبلة وين راهي
خويا كثر الدعاء والإستغفار والله عن تجربتي فيه فرج كبير بزاف وين تقعد ضيع وقتك فالإستغفار وتعاونك سبحة صغيرة إشريها نتاع اليد توالف بيها صدقني فيه فرج كبير
ربي معاك ويوفقك واعتبرني اختك هنا ننصحك وقت مانقدر لو كنت اهل ليها
ربي يفرج على كل مومن موفق وشكرا

ام محمد امير · 2014-12-23, 19:34

اقتباس:

المشاركة الأصلية كتبت بواسطة مريم الصابرة

السلام عليكم
اولا اخي احييك واهنئك على أخلاقك وعلى قدرة تحملك
انا وجدت فقصتك مريم لانو نسخة على حياتي الفارق اني انا المريضة
في وقت لقيت روحي كيما إنت انا وامي بابا ميت وخاوتي كل واحد شد طريق وبقيت انا وهي واختي متزوجة راحت دارت حياتها وامي بلا عمل وانا في عز مرضي راك عارف واش معناها زوج نسا وحدهم ووحدة مريضة لدرجة الحمى بال 45 وماكانش حتى حق طبيب او طاكسي او علبة دواء والحمد لله فكل وقت كنا نحمدو ربي كانت امي تبكي عليا بالتخبية وانا نبكي لاني خليتها تتعب في وقت كانت لازم تكون مرتاحة طرقت امي كل الأبواب على جالي وحوست خدمة سنتين امي بلا خدمة وانا فالسبيطار وماكانش اللي يجيني ولا يحوس عليا من غيرها عرفت المعاناة اللي راك تقول فيها ومازال لكن مع فارق الآن الحمد لله صحتي مازال في تدهور ولكن امي لقات عمل وتحسنت الاوضاع مقارنة بالماضي وتلقيت مساعدات من الأعضاء وراني نعالج وربي عندو بزاف وقت قطعت لياس من الدنيا والحياة وكل ابواب الحرام كانت قدامي لو حبيت نمشي فيها لكن لالا محال هكذا إنت خويا خلي إيمانك بربي كبير وربي مخبيلك امور بزاف تكفي دعوة الوالدة ربي يحفظها ربي يفرج صدقني هذا عن تجربة ومازالني طامعة في ربي يشفيني ولو راني في خطر لكن املي في ربي كبير
حكيتلك قصتي حتى تعرف مش وحدك وتعرف أنو المحنة هي تصنع الرجال وإنك راجل وراح تتغلب على الوضع هذا المهم ما تفرطش فيماك
وربي يفرج عليك وعلينا

سلام اختي مريم والله عندي مدة وانا حابة نبعثلك رسالة فالخاص بالصح نقاطي ماتكفيش قريت شحال من مواضيعك وحبيت نساعدك اذا تقدري تخليلي رقم هاتفك فالخاص او اي وسيلة اتصال نقدر نهدر معاك.

ادرة مكنونة · 2014-12-22, 22:11

لا تحزن يا ابني فكيف ياتيك الحزن ومعك امك وتخدم فيها هذه نعمة يتمناها الكثير ناتخافش ستفرج ان شاء الله اقرا القران تصفح اوراقه صلي اكثر من ذكر الله واخدم امك بالصفا والنية وخلي الرزق على الرزاق فوالله لا يخزيك الله ابدا فبشرى وبشرى لك

mouadezzine · 2014-12-22, 22:53

اقتباس:

المشاركة الأصلية كتبت بواسطة ادرة مكنونة

لا تحزن يا ابني فكيف ياتيك الحزن ومعك امك وتخدم فيها هذه نعمة يتمناها الكثير ناتخافش ستفرج ان شاء الله اقرا القران تصفح اوراقه صلي اكثر من ذكر الله واخدم امك بالصفا والنية وخلي الرزق على الرزاق فوالله لا يخزيك الله ابدا فبشرى وبشرى لك

السلام عليكم
معاك حق ختي لكريمة
مادام والدتي معاي ماعندي مانخاف منه
رايح نعمل بنصايحك نشالله
بارك الله فيك على التشجيع
...........
سلام

بيلسان91 · 2014-12-22, 22:12

اقتباس:

المشاركة الأصلية كتبت بواسطة mouadezzine

السلام عليكم
قبل ما نبدا في حكايتي وتفاصيلها نحب نخبركم أن الموضوع متجدد
في كل مرّة نحط فصل من فصول حياتي
فانتظروني

هاذي مدّة من نهار خرجت من الليسي lycée وانا قلبي معمّر وراسي مدمّر، وما صبتش لمّن نبكي أو نشتكي. والحمدلله لقيت هذا المنتدى، ولقيت ناس ضراف ومتفهمين كيفكم، علابيها حاب نفتحلكم قلبي، ونحكيلكم عن يومياتي وروتينها. في الحقيقة أنا أيامي كلها تتشابه، و tellement عايش نفس الروتين أصبحتْ ما نفرقش بين الجمعة والسبت وبين نوفمبر وديسمبر...نفس البرنامج نطبقو يوميا وبشكل دقيق. شحال من مرة نفكّر في الحرقة، ونبدّل رايي في آخر مرة، علاه؟ لأن الوالدة عجوز كبيرة وغير أنا وليدها الوحيد اللّي خدّام عليها. يمّا مريضة ونخاف نحرق للطاليان يزيد عليها الحال وتروح فيها، ونبقى حياتي قاع وانا نادم.
Donc راني صابر، ونستنى كاش نهار ينوب عليّ ربّي بخديمة، ونبني مستقبلي وندير التاويل مثل قاع الناس. حاب نتزوج ولكن ماعندي والو، ماعندي خدمة كي الناس، ماعندي لوطو، ماعندي avenir. أوقات نقول ربي يعاقب فيّ لأني كنت في صغري مهبّل والدتي، وكانت دايما تدعي عليّ وتقولّي "الله لا يربّحك".
الله غالب يا خاوتي، على بالي كثّرت عليكم .
رايح بتوقف على الكتابة ونوعدكم نكمللكم حكايتي مع الزمان.
سلام

ملاحظة
كتبت هذا الموضوع بمناسبة مشاركتي المائة في هذا المنتدى

.................................................. ..................................................
السلام عليكم
كنت نقرا مليح وكانوا الأساتذة بزاف يشكروني على الجهد اللي كنت نبذله من أجل تحسين مستواي. صح ما كنتش أحسن تلميذ، ولكن كنت نبذل جهد كبير في البيت وفي الثانوية باش نبقى دايما à jour. رغم الظروف اللي جوّزتها مع المرض تاع يمّا بقيت مليح في الدراسة وبقات نتائجي مليحة. ولكن الله غالب ... دوام الحال من المحال
بدات مشاكلي وهمومي تزيد منذ مرضت يمّا وما لقيتلهاش من يخدم عليّ بالمناسبة أنا وحيد يمّا وبابا متوفي منذ زمن طويل وما عندناش على من نسندوا لأن خوالي بعاد علينا وقليل وين نتشاوفو..
المهم
فقدت تركيزي بالشوية وعدت مانهتمش بالقراية كيف زمان و les notes تاعي طاحو في كل المواد وخاصة المواد الأساسية كالرياضيات والفيزياء، وين صرت ندّي في الامتحان فقط01 من 20. حاولو الأساتذة معي باش يعرفو وين المشكلوهكذا يقدرو يساعدوني، وكانت أستاذة ما زلت نعقل عليها، كانت تهتم بيّ وتحاول تقرّبني منها باش نتجاوز مشاكلي. كنت دايما يبقى في آخر الدرس عندها ونحكيلها على ظروفي ونبكيلها لأني ما لقيتش لمّن نحكي ونبكي.. كانت دايما تقولّي : علاش تفكر وتخمّم بزاف وربي كاين. والله يا خاوتي كانت دايما تواسيني وتعطيني نصائح قيّمة وكنت نحاول نعمل بيها، ولكن ماقدرتش. وبدا مستواي في انخفاض وتدهور وبديت نكره القراية، لأنّي ماقدرتش نوفّق بينها وبين خدمة يمّا. يمّا كانت محتاجتني بزاف، كانت عاجزة كليا، ماتقدرش تنوض من بلاصتها تشرب مثلا، أنا اللي كنت نجيبلها تشرب والله لا يكثّرلي خير، بلا مزية منّي، هذي يمّا اللي ولدتني وما نقدرش نفرّط فيها. كان وقتي كامل معاها، ماكنتش نقدر نروح نراجع دروسي ونخلّيها. كانت تأمرني باش نروح نراجع دروسي وتنصحني ديما باش مانفرّطش في قرايتين ولكن الظروف قهرتني وغلبتني وماعطاتنيش فرصة باش نستدرك ما فاتني...
خايف نكون طوّلت عليكم خاوتي.
رايح نحبّس هنا ونعاود نكتبلكم ما تبقى من قصتي وحكايتي مع الزمان
نتمنى فقط أنكم تقراو قصتي وتحسو بيّ فقط
إلى الملتقى
سلام

مساء الخير اخي
كي قريت حكايتك تفكرت وحدة قرات معايا ماستر فالجامعة معلاباليش وش هي الاسباب اللي خلاتها تحبس قرايتها فالتارمينال
المهم فاتت اكتر من 15 سنة ظهرلها تعاود الباك عاودت عقبت
دات الباك قرات ليسانس ومباعد ماستر ودرك راهي سنة اولى دوكتوراه
شوف ناس كانو فالمستويات تاع الابتدائي المتوسط التانوي احسن منها فالدراسة درك مكملوش الدوكتوراه كما هي
يعني بالارادة اللي عندها تحدات سنها وتحدات كل الظروف المحيطة بها وهاي الدنيا ابتسمتلها
نشالله متياسش برك وخود قصتها عبرة ليك بش تبدا من جديد

mouadezzine · 2014-12-22, 22:56

اقتباس:

المشاركة الأصلية كتبت بواسطة بيلسان91

مساء الخير اخي
كي قريت حكايتك تفكرت وحدة قرات معايا ماستر فالجامعة معلاباليش وش هي الاسباب اللي خلاتها تحبس قرايتها فالتارمينال
المهم فاتت اكتر من 15 سنة ظهرلها تعاود الباك عاودت عقبت
دات الباك قرات ليسانس ومباعد ماستر ودرك راهي سنة اولى دوكتوراه
شوف ناس كانو فالمستويات تاع الابتدائي المتوسط التانوي احسن منها فالدراسة درك مكملوش الدوكتوراه كما هي
يعني بالارادة اللي عندها تحدات سنها وتحدات كل الظروف المحيطة بها وهاي الدنيا ابتسمتلها
نشالله متياسش برك وخود قصتها عبرة ليك بش تبدا من جديد

ماشاء الله
والله قصة صاحبتك هذه عجيبة تاع الصّح
صح، بالإرادة نقدرو نحققو المستحيل.
نتمنى أن حياتي تتبدّل للأحسن في أقرب وقت.
يعطيك الصّحة على التشجيع
............
سلام

الدكتور شهاب الدين · 2014-12-23, 01:43

السلام عليكم ...

ربي يبارك فيك اخي ، و ان شاء الله خير ...ان بعد العسر يسرا ...
ان كنت في البيت مع والدتك فقط لماذا لا تقترض مبلغـاً صغيراً تحرّك به حياتك ، أقصد لماذا لا تتزوج ثم تعمل ... الزوجه تتركها في البيت و أنت تسعى لكسب رزقك ، حثمـاً ستلقى عمل و لو حتى تعمل عند أحد و ان شاء الله تتحسن الظروف .... مـارأيك ؟

لاتتخلى عن والديتك فحسب ...

و كملاحظه القسم مفتوح لمثل هاته المواضيع فمرحبـاً بك

mouadezzine · 2014-12-23, 01:57

اقتباس:

المشاركة الأصلية كتبت بواسطة الدكتور شهاب الدين

السلام عليكم ...

ربي يبارك فيك اخي ، و ان شاء الله خير ...ان بعد العسر يسرا ...
ان كنت في البيت مع والدتك فقط لماذا لا تقترض مبلغـاً صغيراً تحرّك به حياتك ، أقصد لماذا لا تتزوج ثم تعمل ... الزوجه تتركها في البيت و أنت تسعى لكسب رزقك ، حثمـاً ستلقى عمل و لو حتى تعمل عند أحد و ان شاء الله تتحسن الظروف .... مـارأيك ؟

لاتتخلى عن والديتك فحسب ...

و كملاحظه القسم مفتوح لمثل هاته المواضيع فمرحبـاً بك

وعليكم السلام ورحمة الله وبركاته
خلّيني نحكيلك على وش صرالي مع الزواج
حاولت نخطب شحال من مرة على جال يمّا لا غير
قلت نتزوّج ونجيب ليمّا زوجة تعاونها في خدمة الدار
ولكن الله غالب
في كل مرة تقريبا نفس السبب
ماعنديش خدمة وماعنديش سكنة لدرجة أني رايح نتعقّد
طبعا على بالكم قاع بأزمة السكن
وعلى هاذي راني صابر حتى يفرّج ربي.
خويا الدكتور
عمري ما نتخلّى على والدتي إلّا إذا فرقت بيناتنا الموت.
وصدّقني لولاها ربما راني حرقت للطاليان مثلا
وحتّى إذا بقيت هنا مهما كان نقدر naviguer
ربي يجازيك خويا لحبيب على كل كلمة جبرت بيها خاطري
ونشالله ما زلت نزيد نواصل في كتابة الموضوع
بارك الله فيك
..........
سلام

mouadezzine · 2014-12-23, 02:04

نور الايمان نور · 2014-12-23, 02:30

من أجمل الكلمات التي حفظتها من ابراهيم الفقي :
* عش بالحب عش بالامل
عش بارتباطك بالله عز و جل
* عش بالتطبع بأخلاق النبي صلى الله عليه و سلم
* عش كل لحظة على أساس انها آخر لحظة في حياتك
*قدر قيمة الحياة

mouadezzine · 2014-12-23, 19:21

اقتباس:

المشاركة الأصلية كتبت بواسطة نور الايمان نور

من أجمل الكلمات التي حفظتها من ابراهيم الفقي :
* عش بالحب عش بالامل
عش بارتباطك بالله عز و جل
* عش بالتطبع بأخلاق النبي صلى الله عليه و سلم
* عش كل لحظة على أساس انها آخر لحظة في حياتك
*قدر قيمة الحياة

السلام عليكم
الكلمات اللي خيّرتيهم عجبوني بزاف ختي
والله كل كلمة قالها الفقي درس في حد ذاته
يعطيك الصّحة على التشجيع
........
سلام