لي عندو استفسار نحن في الخدمة~

crazy miracle · 2015-07-15, 12:17

السّلام عليكم طلاب باك 2016
و كما عاهدت نفسي انني ساساعد اي طالب من باك 2016 عندو استفسار او طالب حاجة انا نقدر عليها ~،، رح نعااونو

متحصلة على باك 2015 بتقدير قريب من الجيد ـ،، الله غاالب مش مستواي ~ ، لكن حسبي الله و نعم الوكيل ^^
كنت نخمم نعاود الباك مي الان لا لا هههه لا اريد ~بنسبة 45 % ساعيده
~~،،،،،،،،،،
المهم ~لي عندو استفسار او اي مشكلة نحن هنا طلاب باك 2015 فطبعا باقي الاعضاء لن يبخلوو
رح يكون هاد الموضوع هو المساحة لاستفساراتكم ~ طوااال هاد العام لي صدقوني رح يمر اسرع من البرق
~~ارجو التفااااعل و تفضلوووو
،،
لحد الان انضمو معي الاعضاء ~~نهال~~ و boutaina21 و maroua maroucha و عزيز 2013
ملفاتي ^^
الرياضيات ♥ :
مراجعة رياضيات https://www.m5zn.com/d/?15912666
ملخصات~~
ملخص وحدة الهندسة الفضائية https://www.m5zn.com/d/?15912665
ملخص وحدة الأعداد المركبة.https://www.m5zn.com/d/?15912664

منهجية الاجابة في الرياضيات https://www.m5zn.com/d/?15912663
الانجليزية ♥♥
ملخص للقواعد https://www.m5zn.com/d/?15912671
مطويات كليك https://www.m5zn.com/d/?15912672

https://www.m5zn.com/d/?15912669

الفرنسية ♥♥
كراس روووعة https://www.m5zn.com/d/?15912677
مطويات كليك https://www.m5zn.com/d/?15912676
https://www.m5zn.com/d/?15912668
https://www.m5zn.com/d/?15912667
لادب العربي♥
ملخصات
1*** https://www.m5zn.com/d/?15914480
2*** https://www.m5zn.com/d/?15914482

الاجابة على اسئلة النصوص
https://www.m5zn.com/d/?15914479
https://www.m5zn.com/d/?15914478
لاجتماعيات♥
كتاب محمودي عادل https://www.m5zn.com/d/?15914491
مطويات كليكhttps://www.m5zn.com/d/?15914501
https://www.m5zn.com/d/?15914500
مواضيع https://www.m5zn.com/d/?15914501
الفيزياء♥♥
تمارين ☻ https://www.m5zn.com/d/?15914499
اسئلة نظرية https://www.m5zn.com/d/?15915998
ملخص https://www.m5zn.com/d/?15916000
الطريق الى النجاح "كيمياء"ملخص https://www.m5zn.com/d/?15916003
العلوم ♥♥
مطويات كليكhttps://www.m5zn.com/d/?15916008
فلاشاتhttps://www.m5zn.com/d/?15916006
و الفلاشات الباقية رح اضعها كل فلاش وحدو
https://www.m5zn.com/d/?15916004
https://www.m5zn.com/d/?15916005
هادا واش قدرت نحمل مشكل النت -_- صعّب عليا نحمل الباقي ا،،نصحكم ب موقع االاول للدراسة في الجزائر
و هادي هي االاسئلة و الاستفسارات لي جاوبنا عليها لحد الان
و هادي اهم حاجة نبدا بيها ،،
الدراسة في الصيف؟
لا انصح بالدراسة ف الصيف ،ياو تضرو روارحكم بركـ، يعني مثلا بديت الحفظ و حفطت،،علابالك شحال مازال ،؟ او مازال تقدر تقول عام ،يعني ذاكرتك تقدر تصبر عامـ، لا مشكيتش ،راك عبد ~ارحم نفسك،
لكن ف هاد الصيف تقدر ،
**تحمل الملفات،تجمعهم ،تنظمهم في ملفات ،، #حمل_واش_تحتاج_فقط
***ابحث ـسقسي على اساتذة تاع الدروس الخصوصية لا كنت رايح دير
***لا كنت ضعيف ق اللغات ،عندك فرصة الصيف رووعة اغتنمها ،ولو كنت مليح في اللغات عليك على الاقل تجمع الكلمات،،.
لا تجهد نفسك ،،دك تقرا حوالي 6 اشهر و صدقني تكمل البرنامج عااادي و لاحبيت تعاودو مرة ثاني
همسةـ
علابالي حاب جيب معدل لي ديما تحلم بيه،، و نصيحتي لكـ ،ماتبداش من الصيف،العام الدراسي لي راه جاي يطلب عمل و اجتهاد معناها ادخر طاقتك للعمل ان شااء الله باه يتحقق الحلم

~~~~~~~~~~~~~~~~~~~~~~
كيفاش نظمت و قتك
يعني الجدول المراجعة نتاعك في البيت
ــــ،، السبت و الجمعة====درووس خصوصية +++ السبت نراجع الرياضيات ،، الجمعة===فيزياء
الاحد ~نقراو 2 سا علوم الووور نبدا على 6 (18) مسااءا و نراجع الدرس و نحل تمارين عليه ان امكن و وقت ماخلصت خلصت ~+++ نحضرالدرس لي جاي
الاثنين === فيزياء ،،للاسف كنت ديما نستنى الدروس الخصوصية باه نفهم لان الاستاذ تاع الليسي ربي يهديه
و الثلاثاء مساااءا ريااااضيات ~لاني كنت ضعيفة فيها بزاف
و الاربعاء ندير راحة اي منقارش و لا ندير مواد ادبية ~،،و الحفظ نحفظ صباح مع الفجر
اما الخميس ندير حااجة خفيفة من الرياضيات ~،،
يعني حاولي انك تمدي وقت اكثر للمادة لي ضعيفة فيها++++ لا تهملي المواد الادبية خااصة اللغات ولا كنتي ضعيفه فيهم ننصحك ف هاد الصيف قوومي بيهم :d
هاد برنامجي و متبعتووش 100 % ههههه احيانا نتكاااسل
و هده نصائح متفرقة
بالنسبة للوقت كل واحد واش يخرج عليك~،،و ننصحك بحاجة كانت ميزة للمتفوقين الا وهي "لا تؤجل عمل اليوم للغد" ~يعني عندك درس ليوم مفهمتيش شوي متخليهش ~افهميه في يومو و الاحسن انك تفهمي مع الاستتااذ و اي حاجة غامضه سقسي هههه متحشميش ~
،،يعني متخليش الدروس تتراكم خاصة لا كنت رح ديري ليكور صدقيني تلقاي وقتك"" شاااارجي"" و بالنسبة ليا في الفصل الاول كنت كي نروح لعشوة نعاود نراجع الدرس ندير ملخصي الخاص و حاولي انك تمشي بهاد الطريقة رح تفيدك ~،، اما بالنسبة للحفظ احفظي مع الصباح يعني قبل الفجر و لا بعدو المهم الدروووس متخليهاش تتراكم هادا كان اكبر خطا ليا و ايضا التاجيل ،، حذاري منوو
♥♥
أريد نصائح لأحسن نفسي في اللغة الفرنسية ....... يئست من هذه المادة
الفرنسية تاع الباك سهلة صدقيني اغلب الاسئلة على النص اي القواعد ماكنش. بزاف ++++
عندنا ٣ وحدات النص التاريخي ،،و الحججي و النداء ،،و نصيحتي حاولي في هاذ الصيف انك تجمعي كلمات خاصة مثلا بالتاريخ كيما ثورة حدث مجزرة موت حرب ..... وهكذا كل يوم كلمة فقط ،،،تساعدك في فهم النص و بالتالي الاجابة على الكثير من الاسئلة
و كاينة واحد العفسة يقولولها "c"ompte rendu هاايلة، فقط منهجية
و القواعد أنصحك بمطويات او ملخصات و حين أضع ملفاتي اللاخت تلقاي كراس الفرنسية رح يفيدك بزااااف
كيف أتعامل مع مادة الفلسة طيلة العام الدراسي ؟

و الفلسفة ~كذب عليك لي قالك حفظ الفلسفة 20 % فقط حفظ و الباقي فهم فهم ~ افمهي الدرس و افهمي المقالة طبعا مع الاستاذ و اي غموض سقسيه ~~افهمي المنهجية تاع كل طريقة ~ وحاولي كل مرة ديري مقالات و تمدي للاستاد يصححها ~
لمن حصل نكم على 19 فأكثر في الاجتماعيات والعلوم الغسلامية فليعطني برنامجه : من اين حفظ كيف ومتى ؟
اما الاجتماعيات مديتش 19 مي نعطيك واش عندي ~ْْ
ابداي بالشخصيات و مبعد احفظي المصطلحات بيسك تقدري تفهميهم فقط و الدروس افهمي و معليش كل ماتلقاي وقت احفظي تحتاجيهم في المقال ~ و كل مرة تلقاي الفرصة راجعي واش حفظتي خااصة الشخصيات تخافي يتخلطولك يعني كي تعاودي 3 مرات متنسايهمش ان شااااااء الله
و متى حفظت في العطل تاع ال 15 يوم و كل مايقربو الاختبارات هههه
الاسلامية اسهل ~فهم +فهم ثم حفظ ~ ثاني حفظتها في العطل
أين أجد السلاسل والتمارين الصععععععبة في الفيزياء وأيضا في الرياضيات
للفيزياء شوفي مواقع الاستاذين 'فرقاني و قزوري سااعدووونا بزاف و انا شخصيا قريت بتمارين فرقاني

+++ لفهم الدروس شوفي الاستاذ "عمار مولاي " روووووعة ما شااء الله
و يقولو تمارين الاستاد غريب ملاح يديرنا عليهم تاع ليكور روووعة تاني ~ابحثي هنا في المنتدى جمعوهم الاعضاء من قبل
الرياضيات انا خدمت بتمارين ليكور + المغني ~
و اليوتوب الاستاذ "نور الدين ' ماااشاء الله
♥♥
كيف كان تعاملك مع هذه المادة الرياضيات ؟؟ وماهي نصيحتك لي؟؟
1-الرياضيات~انتي يا اختاه على الاقل كنت ممتازة فيها ~صدقيني انا كنت 0 0 0 فيها ندي 8 /9 و 18 هادي منعرفهاااش هههه ~~~ في السنة الثانية برك ندي 8 مام في الفصل 1 تاع الباك و ديت 8 هههه مدايرة كونترا مع 8 \ْ
و عرفت بلي راني في الدونجي معاملها 5 ة راني نتمسخر الوور ركزت معاها بزاف هي و الفيزياء لانها طويلة شوي
المات كنت نقراها اكثر من العلوم و درت فيها ليكور عند استاد ماااشااء الله طريقتو كانت بسيطة جدا و يديرو عندو غير لي كيفي ناقصين بزاف ~اي سؤال نسقسيه عاادي و الله يكون مش غير تافه برك ~و هو يجاوبني ~المهم نتي لا كان استاد ليسي مليح و تفهمي عندو معليش مديريش ليكور و لا درتي ديري فيها مادام راكي تقولي ممتازة في باقي المواد و صدقيني كنت نخاف من كلمة الرياضيات و نشوف فيها غول هههه مي قريتها و سيفت على روحي و حبيتها و وليت نستمتع كي نحل تمرين استفدت من "المغني " رااااائع قريت بيه فيه تمارين فوور و ديت في الباك 16 ف هاداك الموضوع لي قالو عليه صعيب يعني اتخيلي من 8 ديت 16 الحمد لله +++ الرياضيات تاع الباك ممتعة مش سامطة و لا كانت عندك الارادة صدقيني جيبي فيها 18/19 و لا 20 و الله
نسقسيك اختي على احسن المراجع والمواقع التي يمكن ان استفيد منها في جميع المواد؟؟؟
-بالنسبة للمراجع عني شخصيا ++ وا ش نصحونا من قبل الاعضاء
الرياضيات---)===المغني
العلوم===احمد امين خليفة رووووعة
الفيزياء==للدروس خدمت بالزاد و المتميز ++ التمارين درت بتمارين فرقاني تلقايهم في النت
الاجتماعيات===محمودي عادل +الوجيز
اللغات=== مواضيع برك
الفلسفة=== الانيس+ السامي
الاسلامية ===كراسي
ما المواقع
الموقع الأول للدراسة في الجزائر
و طبعا منتدبات الجلفة
اما اليوتوب~الاستاد عمار مولاي ماااشااء الله في الفيزيا ء
و الاستاد نور الدين في الرياضيات
تمنى ان تخبريني ولو قليلا عن الفلسفة وكيف تعاملت معها؟؟؟ وهل هي صعبة كما يشاع عنها؟؟ وان كان لديك مقالات خاصة بك اتمنى ان تضعيها لنا لنستفيد منها
الفلسفة فهمي +افهمي + افهمي ثم احفظي ~ افهمي الدرس و المقالات لي يعطيكم الاستاذ++افهمي طريقة كل مقالة
انا كنت نسقسي بزاف هههه نفهم الدرس و الفلسفة حبيتها ههه ممتعة و الله و كل مرة تعطيني الاستاذة مقالات نديرهم انا يعني تاااعي شخصيا ههه و الله علاماتي ديما 16/17/15 ادنى علامة 13 مي ف الباك ديت 10 حسبي الله و نعم الوكيل
اما مقالاتي نصورهم و نضعهم ان شاااء الله+++موضوع للاخت دعاء جمعت فيها المقالات رح نبحثلك عليه ~
الفلسفة صعبة لا لا لا لا لا و الله هااايلة انا تعجبني ++الاستاذة هي لي حببتلي المادة بالتوفيق
♥♥
انا خايفة من الباك و مش فاهمة زيماه نظم روحي و حوايجي ..

و لاه تخافي منو ؟ ماهوش وحش صدقيني مجرد امتحان
و كيفاه تنظمي ~اقعدي وحدك في شامبرة و ورقة و ستيلو و ابداي ~=بيسك كل واحد ادرى واش يحتاج ~
نعطيك نصائح
لا درتي بروGرام لازم تبعيه++++ حذاري من التاجيل باه متتراكمش عليك الدروس~ و نوعي فيه باه متمليش ~
+++مدي وقت اكثر للمادة لي ضعييفة فيها بلا متهملي الباقي خاصلة الادبية
كل متروحي لعشوة راجعي الدرس تاع اليوم و في الصباح مثلا احفظي ~باه تربحي الوقت
اريد عنوان افضل الكتب في الفيزياء والكيمياء

استعنت للدروس بالزاد ++ الاستاد عمار مولاي
و للتمارين ،، استعنت بتاع ليكور +++ تمارين فرقاني
و اغلب التلاميذ نصحو ب تمارين الكتاب المدرسي++ تلقاي حلولها ف الهباج
و ايضا موقع قزوري رائع
آريدكـ آن تنصحينــــي بآسمآء مٍرآجــــع آلريآضيــــآت غير آلزآد و آلممتــــــآز و آلكتــــــــآب آلمدرســــي آلذي نصحنــــآ به آلآسآتذة
ناك الكثير الكثير من الكتب الرائعة في الرياضيات
فقط اختاري الانسب لك
هناك المغني رووعة درست به
ودرست أيضا بكتاب العملاق للأستاذ نور الدين راائع أيضا
وهناك كتاب المشرق لم أدرس به لكن أخبروني أنه أروع من رائع

مم إذا أردت التمرن والتعود على التمارين أنصحك بالمغني
أما إذا أردت التميز وتطوير المهارات فأنصحك إما بالعملاق أو المشرق

وطبعا لا ننسى الكتاب المدرسي فهو دائما حاضر وبقووووة :d

بماذا تنصحينني في المراجع المتعلقة بمادة الفلسفة
السامي رائع،، و الانيس ايضا ،انا استخدمته حقيقة روعة ـ ،،
الانيس كاين الدروس و كاين المقالات ،،الدروس مفهمت فيه والو هههه اما المقالات استفدت منو
تحياتي
صح فطوووركم~ و عيد مبارك ♥