مترشح حر للاداب و الفلسفة

[sekhara]

السلام عليكم و رحمة الله تعالى و بركاته

انا اوقفت الدراسة منذ 6 سنوات علوم طبيعة و حياة
اردت ان اعيد البكالوريا هذه السنة و سجلت في شعبة الاداب و الفلسفة
و لكن لا اعرف ماهي المواد التي تدرس في هذه الشعبة و كيف يمكنني ان اتحصل عليها

لذا ارجوا منكم مساعدتي في ترتيب برنامجي الدراسي ووضع مخطط لدراسة

و شكرا

[انا الذي]

ياخويا ربي يوفقك وينجحك

وانا تاني راكي كيفك

وحطيت هاد الموضوع من قبل ولحمد لله لقيت اخوات لي حبو يساعدوني ونشكرهم بزاف

على كل حال فوت لهنا

ورح تلقى وش تحتاج من طريقة وشروحات

ربي ينجحك خويا وينجحنا كااااامل

https://www.djelfa.info/vb/showthread.php?t=738291

بالتوفيق

[killylad]

و عليكم السلام و رحمة الله
حتى أنا أخي عند نفس المشكل جوزت باك 2009 تسير و أقتصاد و هذا العام نجوز آداب و فلسفة لكن معند حتى فكرة على هذه الشعبة نتمنى من الأخوة يفيدونا بالشي ليقدرو عليه

[sekhara]

تقول ماكاش لي يقراو ادب و فلسفة

[يارب رحمتك]

اخي عندك عربية فلسفة معامل 6

عندك تاريخ وجغرافيا معامل4

عندك فرنسية وانجليزية معامل 3

عندك رياضيات وتربية اسلامية معامل 2

ماتتقلقش بزاف مازال الدراسة مابداتش مليح ن الايام الجاية سترى نشاط احسن في هذا القسم

اما البرنامج فكل واحد يعمل البرنامج الذي يوافقه هو ..الآن اعطي وقتك خاصة للفلسفة، ابدا تقرا فيها وتلخص دروسها وفي بطاقات اكتب اقوال الفلاسفة التي تجدها في الكتب والنت ، وفي الاخير احفظ قول او زوج من كل درس ماتكثرش عكس مايقال ، كان الاعضاء يكتبوا ان افضل مقال هو من يكتب فيه اقوال كثيرة وهذا خطا خطا الاقوال ليس عليها إلاّ نقطة او اثنين لا اكثر..فافضل مقال من كانت طريقته ومعلوماته صحيحة وتعبيره سليم

التاريخ والجغرافيا ابدا تحفظ مع الفهامة ايضا

كان عليكم تسجلوا في التكوين عن بعد صحيح ليس مطابق للنظامي ولكن على الأقل تكون موجه نوعا ما...

بالتوفيق

[الزير سالم]

اخي عندك ثلاث مواد اذا تفوقت فيها رايح تدي الباك
الفلسفة
الادب
الاجتماعيات

[bac 2012 yes we can]

فات الحال ديجا الفلسفة وحدها لازمها عامين باه تفهميها

[difa]

المشاركة الأصلية كتبت بواسطة bac 2012 yes we can

فات الحال ديجا الفلسفة وحدها لازمها عامين باه تفهميها

ما تسمع لحتى واحد الفلسفة ساهلة او البرنامج تاع هاد العام ساهل او من الواقع لا زم تحط راسك او تركز مليح او تعاون روحك جيدا

او ما تسمعش للناس او دراري الصغار العلم تحدي تسلح بالارادة فقط

[فاطمة الزهراء31]

المشاركة الأصلية كتبت بواسطة difa

ما تسمع لحتى واحد الفلسفة ساهلة او البرنامج تاع هاد العام ساهل او من الواقع لا زم تحط راسك او تركز مليح او تعاون روحك جيدا

او ما تسمعش للناس او دراري الصغار العلم تحدي تسلح بالارادة فقط

عندكـ الصح ختي ديفا مادير على حتى واحد الفلسفة تحفظ كلام الفلاسفة والطريقة تجيب نقطة مليحة فيها وربي يوفقك

هادي غيبة ختي ديفا مراكيش كامل تباني ان شاء الله تكوني بخير ختي