عاجل عاجل عاجل يا خوتي مشكلة افيدونا ربي يرحمكم.

[cosalevrai]

يا خوتي والله غي كرهت الإدارات . نحيكلم خوتي .

انا الوالد توفى ربي يرحمه و جدتي حية ربي يطول في عمرها . و ترك سيارة و مسكن و قطعة ارض .

اااه روحنا عند موثق "نوتار" باش تسمحلنا جدتي و السيارة وكلناها للام نتاعي هي و قطعة الأرض لي راها عاد تخلص فيها.

خلصنا 12 مليون و الحمد الله تم كل شئ .

ااااه السيارة بغات تكتبها عليا . لدلك كي رحنا للبلدية وين نسكن كي شافوا الوكالة قالتي بلي هادي عامة و متصلحش لانه راهي مدخلا فيها ارض

يعني الفقرة الأولى للوكالة فيها نتاع السيارة و الثانية فيها قطعة الأرض .

قالتلي يخصك تجيبلنا غي نتاع السيارة وحدها . وليت للموثق "نوتار" قالي بلي هدي خاصة و ليست بعامة بالرغم من ان فيها قطعة الارض

و من المستحيل نعاودلك اخرى . لانه يلزملي نعاود نلغى للورثة و ... و... وخلاص اخر . فطرح عليا قالي روح لوكيل الجمهورية و....

فدلك فكرت مليح و رحت لبلدية اخرى فلدك بدون مشكل قبلولي الوكالة تم البيع بيني و بين الموكلة لهيا الم نتاعي و عطوني التصريح و

carte grise barrée و قالولي روح لبلدية نتاعك يعطولك carte grise على اسمك .

اااااه كي وليت للبلدية نتاعي و مديتلهم التصريح و carte grise قالتلي جيبلي الوكالة الخاصة و الفريضة و الملف من جديد

لي دفعته للبلدية القديمة لي معرقتليش و مدتلي التصريح بالبيع و البطاقة الرمادية مشطوبة.

يا خوتي خلطتها معاهم هي تعيط و انا نعيط فبعد مدة هدانا و في الاخير قبلت الدوسي . لدلك سؤالي

هل عندها الحق كي قاتلي في الاول الوكالة لي فيها مواصفات المركبة و معها قطعة الأرض ليست بخاصة بل عامة و كي تكون وحدها

هي الخاصة ؟

زد على دلك الدوسي لي راها طالبتهلي بالفريضة و الوكالة original لي في الأخير قبلتها وزد عليهم التصريح بالبيع و البطاقة الرمادية

المشطوبة من حقها ام لا ’؟ مع العلم انه في لبلدية لي خرجت منها التصريح و البطاقة المشطوبة طلبولي الوكالة المنسوخة برك زد على دلك الفريضة.

اي الملف راه عندهم .الا من اجل الاقامة قالولي روح كتبها و خرج البطاقة الرمادية على اسمك من بلديتك.

و عاود هي قالتلي جيب ملف جديد. لدلك بالرغم من انها قبلت الوكالة و راني نعاود في الدوسي هل من حقها ؟ ولا راها تغبن فيا برك .