السلام عليكم ورحمة الله تعالى وبركاته
بعد غياب طويل عدت اليكم حبيباتي الغاليات وكلي امل ان اجدكن بصحة وسعادة
جبتلكم وصفة تاع سلق بنينة بزاف بزاف وحتى الدراري اللي ميحبوش السلق وتعجبهم وياكلوها باذن الله وفيها تان فيتامينات وفوائد غذائية للكبار والصغار
نبداو بسم الله بالمقادير
سلق حسب افراد العائلة
بطاطاا تان حسب افراد العائلة
حبة بصل
بيشامال (الوصفة تاع البيشامال معروفة)
فرماج رابي شيدار او اي نوع تحبيه
طريقة التحضير
غسلت السلق وقطعتو وحطيتو فالقدرة مع حبة بصل وشوية زيت حتى طاب مليح
بطاطا قطعتها دوائر وقليتها
طيبت بيشامال
في مول تاع الفور ستفت البطاطا وفرغت عليها شوية بيشامال ثم حطيت فوقها السلق بعدها فرغت واش بقالي من البيشامال وحطيتها فالفور
وكي طابت رابيت عليها شيدار ورجعتها تحمار غير مالفوق
87396044_561945131118474_7051260217450823680_n.jpg
ان شاء الله الوصفة عجبتكم
شهية طيبة ومتنساونيش بدعواتكم ياغاليات 
( تقرير عن مشاركة سيئة )، و الموجودة أسفل كل مشاركة .
2020-03-03, 14:03
غراتان سلق خفيف وبنين وساهل بزاف ويوالم بزاف المرأة العاملة
العرض الشجري