وصفات الاخت ام سهام 02

[ام احمد وصال]

وصفة المادلان طلبتها ام هنيدة :ام سهام02
المقادير :
5 بيض + كاس سكر عادي + ¾ كاس زيت + 1 بشر الليمون + ½ كاس عصير الليمون + 2 خميرة حلوة + 2 كؤوس و ½ كاس فرينة مغربلة + رشة ملح .
الطريقة :
1_ طلعي 5 بياض بيض + ½ كمية السكر + ملح كالثلج
2_ امزجي صفار البيض + ½ كمية السكر الباقية + باقي المقادير .
ثم ضفي البياض للخليط الثاني و خلطي برفق منفوق الى تحت و املئي ليمول و الى الفرن
اشعلي اولا من الاسفل ثم من الفوق

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.

حلوة الطابع :
المقادير :
كاس بيض ناقص 1 صفار
كاس سكر عادي
كاس زيت
½ كاس ميزينة
½ كاس حليب غبرة
1 م ك قشور الليمون + رشة ملح
2 خميرة حلوة . فرينة حتى تتحصلي على عجينة طرية
خليط التلميع :
صفار البيض + حليب + نسكافي .
الطهي :
اشعلي الفرن من فوق و من الاسفل في وقت واحد
إضغط هنا لرؤية الصورة بحجمها الطبيعي.

المعقودة :

اولا حضري العجين : كاس فرينة / نصف كاس ماء / ملح و فلفل و زعفران + نصف باكي خميرة حلوى .
-غلي البطاطا بالقشور و ديري فالقدر سنة ثوم و ورقة رند كي تغلي و هي سخونة امرسيها بالفرشيطة او بالالة اليدوية
ما تضيفيلها والو و ديريها فالثلاجة على الاقل ساعتين. خرجيها مالثلاجة ضيفيلها المعدنوس / 01 بيض /ملح /
راس الحانوت و زعفران و ثوم .(انا درت ثوم غبرة ما كانش عندي ).
شكليها و ديري الزيت تسخن و غطسي حبات المعقودة فالعجين المخمر و قلي فالزيت والصور توضح ذلك إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

خبز الدار
المقادير:
-01 كلغ فرينة / 04 مك زيت / 04مك حليب سائل / 01 بيض / 02مك خميرة خبز / 01مك ملح / من 1/2 2 الى 03 كؤوس ماء /
1/2 مص سانوج و حبة حلاوة.
الطريقة :
-نضع في جفنة كل المقادير و نلم بالماء الدافئ و خبطيها بيدك كيما السفنج ثم ضعيها في كيس مبلل على طريقة الوهرانية
ربي يحفظها كي تخمر هبطيلها الخمور و قرصيها و رمديها في سميد رطب . خليها ترتاح شوية و حليها خبيزات رقاق
بالحلال و رشيها بالسميد ونتي تحلي فيها .ديريها تخمر مرة ثانية فوق قطعة قماش كي تخمر ديريها فالصينية و الى الفرن.
انا عندي كوشة تاع حديد نطيب فيها و ندير فيها طاس حديد فيه الماء على جال باه يدير الرطوبة.و هذي الطريقة نديرها
مع جميع المخبوزات (هذه المقادير دير 04 خبزات)
إضغط هنا لرؤية الصورة بحجمها الطبيعي.
رولي ام سهام 02

الرولي عبارة عن العجينة المورقة حلها على شكل مربع واطليها بالبيض مخفوق وديري فوقها كاشير مرابي وتكون كمية معتبرة ورولي العجينة وزيدي اطلي سطح الرولي واقطعيه دوائر




.إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

سردين ام سهام 02
نقي السردين ولصقي كل اثنين مع بعض وديري التتبيلة عبارة عن ملح +فلفل وكمون وثوم غبرة وعصيرالليمون وخاليه يتنقع كجي تقليه ديري 2بيضات ومعدنوس مقطع رقيق وبصلة صغيرة مقطعة رقيق ديري حبات السردين في الخليط واقلي

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.







التحليل
2كيلات فرينة +1كيلة ميزينة +رشة ملح +عطر ماء الزهر+1 كيلة (سمن و زبدة ذايبة ) ولمي بالحليب فايض وبارد
الحشو عبرسكرمع عبرماء يغلو حتى يبدا يعقد زيدي 3عبار لوز مع قطعة زبدة وخلطي بالملعقة حتى تبدا العقدة تنفك من قاع الكسرونة طفي وفرغها في صحن ضفي لها قشور الليمون والفانيلا وخاليها تبرد تماما عاى الاقل ساعة .
القلاساج للشاف ام رامي
التزيين عجينة السكر

وصفة الخبز الدار لام سهام

اولا ديري 1مك خميرة خبز + 1 مك سكر + كاس حليب دافئ +خليهم 10 دقائق بعدها زيدي 1/2 كاس سميد ر طب + حبة بيض + 4 مك زيت + 1/2 باكي خميرة حلوة + 1/2 مك ملح و كملي بالفرينة حتى تتحصلي على عجينة تلصق شوية شكليها و ديريها في السنيوة تخمر 20 دقيقة و من بعد ادهنيها بصفار بيض مخلوطة بالحليب و ذري فوقها السانوج و ديريها اطيب
_ هذه المقادير ديرلك 4 خبيزات




الصامصة
المقادير
4عبار فرينة_ 01 عبر مرغرين ذائبة_حبة بيض _لمي بالماء وماء الزهر_وخلي العجينة ترتاح.
الحشو:
خليط بين كوكاو و نوات كوكو مطحونة/ قشور الليمون/فانيليا/و لمي بالسيرو(كاس سكر_كاس ماء_قطعة ليمون يغلوا حتى يثقال).
حلي العجينة عدة مرات في الة التوريق والاخيرة حليها في رقم 05 ضعي الحشو وطوي العجين 4 مرات وقليها على نار هادئة ورمي زيت فوقها بالملعقة.
ومتعسليهاش حتى تبرد تماما او وقت التقديم.

وصفة البريوش

2 حبات بيض + ½ سكر + 1 حلييب + 1 م ك خميرة خبز + ملح + فانيلا + 1 خمارة حلوة + لمي بالفرينة حتي تتحصلي على عجينة تلصق في اليد + ضفي 50غ زبدة طرية + غطيها و خليها تخمر + حبطيلها الخمور و ديريها في كيس و في اناء و دخليها للثلاجة تبات ليلة كاملة + غدوا منذاك شكليها و ديريها تخمر مرة ثانية و طليها بخليط التلميع و ذرذري فوقه الجلجلان و ديريه يطيب و اذا حبيتي تحشيه احشيه بالشوكولة المبشورة او المعجون او كومبوت التفاح
مرة جربته عوض كاس حليب درت كاس ماء لنزل من اللبنة .

مرقة الكسكس البيضا

الدجاج + 2 حبات بصل مرابيين + زيت + ملح + فلفل اسود + قسبر غبرة + زنجبير + عود قرفة
ديري كامل يتقلاو لمدة من 10 الى 15 دقيقة ثم ضفي الحمص و الخضر (جزر + كوسة + لفت + بطاطا ) زيدي قلي شوية و ضفي حبة طماطم و غصن كرافس للبنة و مرقي حتى تتغطى الخضرة . كيطيب الدجاج و الخضر انزعي حبة الطماطم و غصن الكرافس
ملاحظة : كي ديري المرقة باللحم خلي اللحم يطيب نص الطياب باه تزيديلوا الخضر . كاين الي يدير غير الجزر و الكوسة بصح انا نحب ندير كامل الخضر .
ميني بيتزا ام سهام 02
العجينة :
3 كؤوس فرينة + 1/2 كاس زيت + 1 م ك خميرة خبز + 1 م ك عسل + 1/2 م ص ثوم غبرة + 1/2 م ص خميرة حلوة + لمي بالحليب الدافئ + ادلكيها و خليها تخمر مرتين + ثم شكليها كويرات صغار و حليها بالحلال و ضعي فوقها صلصة الطماطم و حبة زيتون و دخليها للفرن في درجة حرارة عالية فور خروجها ذري فوقها زعتر يابس .
صلصة الطماطم :
2 حبات طملطم امرابية + سنينات ثوم + رند + ملح و فلفل عكري + م ك طماطم مصبرة + م ص سكر + 1/4 كاس ماء
ديري كلش يغلي حتى تثقال الصلصة . انزعي ورقة الرند و ميكسي بالميكسور .

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
فطير الفرينة ام سهام02

الفطير اندير فرينة شوي سمن طري وزيت وملح وشوي خميرة حلوى ونبسس ونلم العجين مرة حليب ومرة ماء حتى تتلم قرصها وحليها بالحلال رقيق و امبعد ديريها اطيب على الطاجين

وصفة البينيي les beignets
500غ فرينة + 6 مك سكر + 1مص خميرة الخبز + 100غ مرغرين طرية او ½ كاس زيت + 2 مك حليب غبرة + فانيلا + ½ خميرة الحلوى + رشة ملح + و لمي بالماء الدافئ حتى تتحصلي على عجينة طرية + ديريها في كيس و خليها تخمر + كتخمر شكلي كويرات صغار كالحبة تع الجوزة + كتكمليهم حلي كل كرة بالحلال و بداي تقلي + افتحي كل حبة على جهة و حشيها بالمعجون و زينيها بالسكر
ملاحظة : اذا متوفرش عندك حليب غبرة لمي العجينة بالحليب السائل

إضغط هنا لرؤية الصورة بحجمها الطبيعي.

حلوة الزبيب gateau aux raisins secs

المقادير : 4 بيض + 1كاس سكر عادي + 1كاس زبدة ذائبة + 2مك زيت + فانيلا + قشور الليمون + 1 خميرة حلوى + رشة ملح + فرينة
*خلطي كامل المقادير بالترتيب و لمي بالفرينة حتى تتحصلي على عجينة طرية . شكلي كريات و حشيهم بالزبيب يكون منقع في ماء دافئ و منشف و مقطع قطع صغيرة و ديريهم في الطابع تع المعمول او اطبعي بالطابع تع الصيار و الطياب كيما الصابلي
*تقدري تعوضي الزبيب بالكرموس او المشماش المجفف

الكعك وصفه الاخت ام سهام
3 بيض + 1 و ½ كاس سكر + 1 كاس زيت + 1 كاس حليب + ½ كاس ماء الزهر + 3 مص خميرة خبز + قشور الليمون و قشور البرتقال + (زريعة الشنان + الجلجلان + زريعة البسباس + حبة الحلاوة ) + 1خميرة الحلوى + ملح + نجمع كل المقادير و نضيف الفرينة حتى نتحصل على عجينة تتلصق في اليد + خبطيها شوية و خليها تترتاح في كيس مبلل لما تشوفيها خمرت حبطي لها الخمور شكليها و خليها تخمر للمرة الثانية بعد ذلك و ادهنيها من فوق بخليط التلميع و ذري الجلجلان او سكر حرش




لطمينة ام سهام02
في كسكاس فوري سميد متوسط و حطي في قاعه سرفيات اُنبابيي كيفور حليه بالمغرف او جوزيه في الصيار خليه يبرد شوية وامبعد حمصيه و خليه يبرد تماما .في كسرونة ذوبي زبدة و عسل و فرغي مقدار تع السميد المحمص و شوية كوكاو محمص و مطحون رقيق و ديريه في طبسي و زيني بالقرفة .




تارتولات بالجبن ام سهام02
المقادير
اخدمي عجينة بريزي و طيبيها
.الحشو : 1كاس حليب + 2 بيضات + حوالي 100غ جبن طري + ملح + فلفل + جوزة الطيب + خلطيهم مليح بالفوي و عمري التارتولات و ديريهم في الفرن كتشوفيهم نشفوا (جربي اغطسي موس يخرج ناشف) خرجيهم و رابي الفرماج من فوق .

خبيزات الفلفل ام سهام 02

ديري اي عجينة مخمرة معتمدة عليها ومن جهة اخرى اشوي الفلفل انا انديرو في الفرن كيبرد قشريه وانزعي لو الزريعة واحتفظي بالراس افتحي الفلفل واحشيه بالجبن الطري و
وانبعد لفي عليها العجين وحاولي اديري شكل فلفل وزيدي دريهم يخمرو واطليهم بخليط التلميع وذري حبة حلاوة وديريهم ايطيب

كروكي ام سهام 02

كاس بيض + كاس سكر+ كاس بين زيت وماغرين ذايبة +3مص خميرة حلوة+فانيلا +رشة ملح لمي بالفرينة حتى تتحصلي على عجينة تتلصق ديري زوج حرابش وادهني الوجه بصفار حبة بيض ممزوج بالقهوة انبعد ديري اشكال بالفرشيطة

شكشوكة الفرن أم سهام
قطعي البصل شرائح رقاق بالطول ديريه يتقلى في شوي زيت و زيدي بذنجان مقطع مكعبات وطرشي مقطع رقيق ومرة علي مرة قلبي حتى تذبال الخضر
امنبعد ضيفي طماطم حب معصورة ومقطعة وزيدي الملح والفلقل لكحل وفلفل عكري وخاليهم يطيبو حتي تنشف المرقة ومن جهة اخرى اقلي البطاطا هذي
اختيارية انا انديرها باه يزكى الطيق ويطيب كلش ستفي البطاطا في الطبق ليروح للفرن ثم الشكشوكة ديري فوقها المعدنوس وخبطي حبات بيض فوقها وديريها
في الفرن







المخ ام سهام 02

المخ غليه في الماء والخل
وفي مقلة قلي سنينات ثوم امنبعد زيدي طماطم مربية والحار قطعيه رقبق وزيدي الرند والملح وفلفل احمر وكمون والمخ مقطع قطع صغيرة وخليهم يتقلاو وضفي قد فنجان
صغير ماء وخليه يطيب حتى تنشف شوي المرقة فقصي فوقو البيض مخفوق وزيني بالمعدنوس





البسكوي او المسكوجو ام سهام 02

6بيضات صغار او5 بيضات كبار +كاس سكر+3/4 كاس زيت +1/2كاس حليب دافء+1مك قشور الليمون+2خميرة الحلوة +رشة ملح و2و1/2كاس فرينة مغربلة
الطريقة
طلعي بياض مع نصف كمية السكر والملح كالثلج
خلطي صفارالبيض مع نصف كمية السكر المتبقية وزيدي المكونات الباقية بالترتيب وزيدي بياض البيض وخلطي من الفوق للتحت ود يريها في مول شوي كبير يكون مدهون
وفي الفرن في الاول اطيب من التحت حتي تشوفها طلعت وتشمي في الريحة اشعلي من





بوزلوف ام سهام 02

قلي حبة بصل كبيرةمرابية مع راس ثوم مليح امبعد زيدي حوالي 4 حبات طماطم مربية + التوابل ملحوفلفل عكري وقصبرغبرةوكمون وراس الحانوت ورقة رند وزيدي قلي و
ضفي فنجان صغيرماء وزيد ي بوزلوف مغلي ومنزوع العظام و مقطع قطع وخاليه يشرب المرقة ثم الزيتون (تكوني درتيه في الماء و مغيرتلو عدة مرات )
في بلا تع الفرن ستفي بطاطا دوائر اما مغلية او مقلية وزيدي البوزلوف مع القارس ودريه في الفرن مدة 15 دقيقة .

البركوكس ام سهام 02

قطع لحم + حبة بصل كبيرة مرابية . ديريها تتقلا ثم ضفي الملح و الفلفل الاسود و فلفل عكري و قرفة و ديريهم يتقلاو + حوالي 5 حبات طماطم مرابية + 2 مك طماطم مصبرة + 3 حبات جزر+ 1 لفت + 1 كورجات + كمشة حمص + كمشة جلبانة + ربطة قصبر (الدبشة) و مرقي بالماء حتى تتغطى كامل الخضر و غلقي عليها و خليها تطيب كتشوفي اللحم تاعك طاب انزعي الكورجات و اللفت و الجزر و اطحنيهم و رجعيهم للمرقة و انزعي الربطة القصبر و قطع اللحم و غرفية مرقة و زيدي للكوكوت الماء و الملح (حسب الذوق) و راس الحانوت و كيتشوفي المرقة تغلي ضفي البركوكس ليكون مشلل و مدهون بالزيت و خليه يطيب و مرة على مرة خلطي حتى تشوفيه طاب . رجعي اللحم و المرقة

.

مبسس ام سهام02

ام تاجو وام وسيم عويناتكم شابين الله يخليكم ولا يحرمني من ردودكن الطيبة

والمبسس الطاجين ندير عيني هي ميزاني : سميد متوسط + مرغرين طرية + زيت + رشة ملح . ندخل مليح المرغرين و الزيت في السميد و نبدا نبلل بالماء و نلم العجين غير بالاصابع و من بعد ندير خبزة و نقطعها على شكل معينات و نديرها اطيب على الطاجين في جميع النواحي . و مبسس العسل نعتمد على وصفة اخرى هاهو الرابط
https://www.djelfa.info/vb/showthread.php?t=1595668






مقروط المقلة ام سهام 02

المقادير
2عبار سميد متوسط +1عبر سميد رقيق+ 3/4عبرزيت ومرغرين ذايبة +1/2 خميرة حلوة ورشة ملح نجمع كامل المكونات ونلم بالماء وماء زهر غير بالاصابع بلامانعجن
الحشو تمر معجون بالزيت وماء الزهر ومنكه بالقرفة وجلجلان محمص
الطريقة ديري حربوش واحشيه بالتمر في الوسط وغلقي ورقيه واطبعي وقطعي مقروطات صغار وقليهم وفي الاخير عسليهم

تيراميسوا ام سهام 02

كاس غبرة شانتيي + كاس حليب بارد طلعيهم مليح بالباتور + 5مك سكر ناعم + 2علب جبن طري بتي سويس علبة نع 90 غ +علبة قشدة كرام فراش تع 200غ نقدري تعوضيها ب 2علب ياغورت طبيعي وتقعدي طلعي بالباتور حتي تتخلط كامل المقادير

الطريقة اغطسي لبودوار في القهوة طايبة باردة اوفي النسكافي غبرة مذوب في الماء وستفي في بلا حتى تشكلي طبقة و اطلي بكمية من الكريمة وبواسطة صفاية ذري فوقها الكاكاو و لي ميحبش الكاكاو يدير شوكولا غبرة و زيدي طبقة تاع بودوار و كملي بنفس الطريقة حتى تكملي
البودوار جاوني 8 اكياس

[ام احمد وصال]

لفاني تع البرتقال ام سهام 02

لفاني تع البرتقال كل عام نخدمها حبيت انحط الطريقة ليهمها الامر انا دايما انحط منو في الخبز والبريوش يعطي مذاق راااااااائع
القشرة تع البرتقال ننزع لهااالطبقة البيضا بالسكين وانحطهم في سنيوة وانديرهم يبسو فوق المدفئة كيبسوا نطحنهم ونغربلهم وانديرهم في بلارة

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

الترفاس ام سهام 02

اولا نقي اللترفاس وديريه الماء فيه الخل
ثانيا في طنجرة قلي سنينات ثوم في شوي زيت مع الملح والعكري يعني الفلفل الاحمر الحار او الحلو ضفي الترفاس المنقي ززيدي قلي وزيدي زوج معارف روزومرقي حتى يتغطى وخاليه يطيب مدة عشرين دقيقة وطفي
واذا حبيتي طيبه باللحم طريقة طيابو كما الغاgو

إضغط هنا لرؤية الصورة بحجمها الطبيعي.









ترقاد الزيتون ام سهام 02

شلحي الزيتون وديريه في الماء المملح وغيري الماء كل 3ايام اوكل 5 اياموذوقيه انا غيرتلو كل 5 ايام واقعد لي 15 يوم وكاين ليقعد اكثر ذوقيه كتشوفي راحت المرارة بدلي الماء وضيفي الملح والحار والرند والكرافس والبسباس والليمون الثوم قصبرحب وفلفل اكحل حب وسكنجبير و الجزر ضيفي الخضر لتحبيها و زيدي الخل الابيض و في الاخير شوي زيت باه ما يتعفنش
حبييت انقول لك كل زيتون وكالتي اتاعو الزيتون لرقدتو العام الفات قعد قريب شهر باه راحتو المرارة وانا نغيرو في الماء وتع هذا العام ما طولش

دولمة كرمبيط ام سهام 02

اوراق كرمبيط مغليين وانزعي منهم سيقان الخشان واحشيهم بالحشو المتكون من 1/2 كاس روز مغلي ولحم مفروم ومعدنوش وثوم مرابي ملح فلفل اكحل وقرفة ولمي بحبة بيض

ومن جهة اخرى تكوني موجدة مرقة بيضا اوحمرا كما اتحبي بالحمص كتبدا تغلي ستفي الصبيعات في الكوكوت وخاليهم يطيبو وحد 20العشرين تكون المرقة نشفت رابي الفرماج وطفي امنبعد زينها بالمعدنوس .

ملاحظة: تفدري اديري المرقة باللحم والجاج والمرقة ما تكثريش الماء

إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.

عصيرالبرتقال بالمركز ام سهام 02

اسهل منو مافيش غير بنتي عندها 10سنين هي لتحضرو كل اليوم و وصفة هذا المركز للعزيزة ليلو شاف
مركز العصير اعصير البرتقال و عبريه ودريلو نص عبر سكر وخلطي حتى يذوب السكر وكاتحبي ادير عصير خذي كمية من المركز وضيفي الماء وذوقي.




بريوش بالبرتقال ام سهام 02

البريوش
اولا اعصري حبة برتقال صغيرةاونصف حبة كبيرة وضيفي نصق كاس سكر وخاليه بجه
العجينة
2كيسان فرينة+1مك خميرة الخبز+4 مك سكر+1بيض+1مك فانيلا البرتقال +نص باكي خميرةحلوة +1مص ملح ولمي بالحليب دافي اخبطيها حتى تتلم العجينة امنبعد دخلي فيها 100غ زبدةطرية دريها قي كيس مبلل وخاليها تخمر كتخمر حبطي لها الخمور وشكليها في السنيوة وخاليها تخمر للمرة الثانية
كتطلع دريها اطيب حتى تحمار غير اتخرجيها من الفرن وهي سخونة ادهنيها بالبانسو بالخليط المحضر من العصير والسكر
وبالنسبة للتحلية3كيسان عصير برتقال يكون فيه السكر مع 3مك ميزينة فوق نار هادئة مع الخلط المستمر حتى تعقد نعمرها في الاكواب وانخاليها تبرد
انطلع 100غ شونتيلي مع كاس عصير برتقال كتطلع انديرها فوق الكريمةكتبرد ونزين بقشور البرتقال المعسلة




إضغط هنا لرؤية الصورة بحجمها الطبيعي.

بغرير ام سهام 02
العجينة عبري بغرفية شربة تع شخص واحد
2عبار سميد رطب وعبر فرينة و1مص خميرة خبز+ 1حبة بيض +1مك سكر + 4عبار ماء دافئ + 1/2 مص ملح + خلطي كامل بالفووي حتى يتخلطوا المقادير مع بعض . امبعد زيدي خبطي بالبراميكسور و خليها تخمر . كي تخمر ضفي باكي خميرة حلوى وزيدي خبطي بالميكسور و بداي اطيبي .













بيسكوي بالزبيب ام سهام 02

2حبات بيض+كاس سكر خلطي مليح حتى يتغير اللون +كاس نصو سمن ذابي ونصو مارغرين ذايبة انا زدت معهم الزيت +فانيلا+باكي خميرة + رشة ملح + 100غ زبيب منقوع في ماء الزهر و معصور و جمعي بالفرينة حتى تتحصلي على عجينة طرية خليها ترتاح وحد 1/4 ساعة . شكلي كويرات حبطي الكويرة بالكف تاع يدك و حطيها في السكر مخلط بسكر الفانيليا و ديريها اطيب .

جولي التفاح ام سهام02

بذور وقشور التفاح غطيهم بالماء و ديريهم على نار متوسطة مدة 20دقيقة امنبعد صفيهم وعبري الماء المغلي ديري نفسو عبر سكر وعاودي رجعيهم يغلو على نارهادئة مع تصفيته من الرغوة حتى ينقص الى نصف الكمية خاليه يبرد شوي وديريه في علبة او بلارة و ديريه في الثلاجة حتى يجمد .
هذي لجولي تنفع ندهنو بها البريوش ولتارت
.
إضغط هنا لرؤية الصورة بحجمها الطبيعي.
تارت التفاح
العجينة : 250غ فرينة+150غ مرغرين + 2 مك سكر ناعم + فانيليا +رشة ملح + اجمعي العجينة بصفار البيض + خليها ترتاح +ثم حليها في مول التارت وخليها بجيه بلا ما
طيبيها .
الكريمة : 2 كيسان حليب + 3 مك سكر + 2حبات بيض + 2 مك مايزينة + فاني +ديري كامل المكونات في الكاسرونة فوق نار هادئة مع الخلط المستمر حتى تثقال فرغيها
مباشرة
فوق العجينة وزينيها من الفوق بالشرائح التفاح و دخليها الى الفرن في الاول شعليلها من الاسفل و مبعد شعليلها من الفوق وكيتخرجيها ادهنيها من الفوق بالعسل .
إضغط هنا لرؤية الصورة بحجمها الطبيعي.
للمحاجب
العجينة العبر = غرفية شربة لشخص واحد
3عبار سميد رطب + 1 عبر فرينة + ملح + 1 خميرة حلوى + 1 مك خل ابيض + بلي العجينة بالماء و ديريها على طريقة الكيس المبلل
الحشو بصل و طرشي مرحيين في الروبو. ديريهم يتقلاو في شوية زيت كيذبالو شوية زيدي طماطم حب مقشرة و معصورة و مقطعة قطع صغيرة + 1 مك طماطم مصبرة + ملح + فلفل عكري
الطريقة موضحة بالصور
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

وصفة البريوش

2 حبات بيض + ½ كاس سكر + ½ كاس زيت + 1 كاس حلييب + 1 م ك خميرة خبز + ملح + فانيلا + 1 خمارة حلوة + لمي بالفرينة حتي تتحصلي على عجينة تلصق في اليد + ضفي 50غ زبدة طرية + غطيها و خليها تخمر + حبطيلها الخمور و ديريها في كيس و في اناء و دخليها للثلاجة تبات ليلة كاملة + غدوا منذاك شكليها و ديريها تخمر مرة ثانية و طليها بخليط التلميع و ذرذري فوقه الجلجلان او لوز ايفيلي و ديريه يطيب و اذا حبيتي تحشيه احشيه بالشوكولة المبشورة او المعجون او كومبوت التفاح



سباقيتي بالفيونداشي

السباقيتي غليها وشليها بالماء بارد وديري لها الزيت وخاليها بجه
الصلصة في مقلة فيها شوي زيت رابي سنينات ثوم وحبة طماطم مرابية وقلي مع التحريك زيدي الملح والفلفل لكحل والعكري والقرقة وورقة رند ولحم مكفت وزيدي قلي وانبعد مرقي بكاس ماء حلي فيه مك طماطم مصبرة وخاليه يتجمر وحد10 دقائق وطفي وفرغيها فوق السباقيتي المغلية وخلطهم مع بعضهم يعض من الفوق للتحت وخاليها تشرب الصلصة


الشكشوكة
لشكسوكة قطعي البصل شرائح طوال ديريهم يتقلاو مع التحريك حتى يتكرمل شوي زيدي فوقو طماطم منقية ومقطعة زيدي الملح والعكري وقليل من راس الحانوت وخاليها اطيب حتى تشوفها نشفت شوي قطعي فوقها المعدنوس وزيدي لها بطاطا مقلية دوائر

السيقار

المقادير بفرشيطة خبطي 2بيضات مع 4مك سكر عادي وقشور الليمون +2مك زيت وزيدي خلطي +2مك حليب ولمي بالفرينة مع 1/2 خميرة حلوة ورشة ملح حتى تتحصلي على عجينة تتلصق كما الكروكي خليها ترتاح 20دقيقة ابنعد سخني الزيت على درجة متوسطة ومسحي يدك بالزيت لان العجينة تتلصق وشكلي صبيعات رقاق وطوال وديرهم يتقلاو حتى يحمارو شوي قطريهم في ورق مصاص وذري فوقهم السكر الناعم ولاعسلهم ورمديهم في النواكوكو

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[tong2]

ألف شكر حـبيــبة هـــكذا سهــلتي عليــنا البحـــث

بارك الله فيك جعــلها الله في ميـــزان حسناتـك

[أم ياسين الزهراء]

الله يعطيك الصحة ربي يحفظك

[nihale89]

يعطيك الصحة
ام سهام وصفاتها داايما روعة

[انتصار فاطنة]

مشكورة على المبادرة

[الصوامعية]

شكرا جزيلا على هدا الجهد في جمع الوصفات في ميزان حسناتك انت وصاحبة الوصفات

[ام نوردين]

شكراااااا امانى السلام سهلتى علينا الله يسهلهالك دنيا واخرة
امسهام وصفاتك روعة ويعتمد عليها شكااااااااااااا

[سميحة 01]

روووووووووووووووووووعة ام سهام يعطيك الصحة و اماني السلام ربي يعطيك ماتتمناي موضوع رائع بارك الله فيكم

[شاوية حرة 05]

شكرا اماني سهلتي علينا فعلا وصفات ام سهام راااااااااااااااااااااااااااااااائعة في ميزان حسناتك

[ام سهام 02]

الف الف شكر اام احمد وصال على المبادرة الطيبة صراحة عجزت علي الرد ربي يعطيك ما تتمناي ويبارك لك ويحفظك

[ام مهدي2010]

بارك الله فيك الاطباق تشهي خصوصا البركوكس عجبني بزااااف

[soriaalg]

ما شاء الله جهد كبير في ميزان حسناتك ان شاء الله
ووصفاااااااااات رووووعة بارك الله فيكم

[lehna]

الله يعطيك الصحة

[حسيبة2010]

يعطيك الصحة سهلتي علينا البحث بارك الله فيك
وأنا تاني يعجبني طياب الأخت أم سهام خاصة أنواع الخبز ماشاء الله وصفاتها روووووووووعة