يا استاذ ابراهيم داود رد عليا الله يخليك

[saidalove]

السلام عليكم
يا استاذ هذا ثاني موضوع رد عليا الله يخليك
عطاوني 10.50 في الفلسفة ؟؟؟ ونتا قتلي بين 13.50 و 14.50 و استاذ هنا في بسكرة قالي 15 وعطاوني 10.50
يسمى ضلموني ؟؟؟ ندير طعن
اعطيني رد الله يدخلك للجنة

[كمال كمال100]

تقبل لله صيامك وقيامك

قدر الله وما شاء فعل

اعتقد ان فكرة الطعن غير مجدية لان مراكز التصحيح تم اقفالها وتم تسريح الاساتذة المصححين وبالتالي فلا يوجد من يدرس طعنك وسيتم تاجيل دراسته الى العام القادم اثناء تصحيح باك2016

[GranD_AmjeD]

نفس مشكلة اخي مقالة متكاملة سبحان الله حفضها عن ضهر قلب مجمل الاساتدة عطاولو فاها 15 و 16
و حطولوا 10.5 ضلم كلبير

كدالك في العلوم الشرعية دار كلش المسكين حطولو 11 !!!!!!!!!!!!!!

[saidalove]

لا حول ولا قوة الا بالله العلي العضيم
بارك الله فيك اخي كمال كمال رغم كل شيى نرضى بقدر الله وتقبل الله صيامك وقيامك انت كذلك و كل المؤمنين
انا ايضا يا اخي خدمت في الشريعة وحفضتها و كنت حاط روحي ندي 17 حطولي 10
اللهم نحن في العشر الاواخر من رمضان و التي تكون فيها ليلة خير من الف شهر 'ليلة القدر'
اللهم قلت و قولك الحق ادعوني استجب لكم يارب اخرج في لي صححلي ورقتي في الشريعة و الفلسفة يارب والفرنسية وخاصة الشريعة و الفلسفة يارب اخرج فيهم و جيبلهم ضربة يارب كما حرقو قلوبنا احرق قلوبهم و مستقبلهم يصححون بلا ضمير و بلا خوف من الله سبحانه وتعالى
يارب كل من ضلمني و ضلم الاخوة لي خدمو سلط عليهم الامراض والمشاكل و المحن وزلزل الارض من تحت اقدامهم
حرقونا في شهر الرحمة و عذبو واهالينا ربي يخرج في لي صححلي ورقتي في الفلسفة و الشريعة يارب اخرج فيهم يارب
يامن لا يخلف وعده ولا يهزم جنده سبحان ربك رب العزة عما يصفون وسلام على المرسلين ان الحمد لله رب العالمين

[الطيب الجزائري34]

لا يجوز يا اخي ان تدعو بالسوء على اخوانك . ما هو الا امتحان دنيوي .. عليك ببداية جديدة و ستنجح باذن الله في العام المقبل . و لعله خير ( لان اليوم اصحابي الذين تحصلوا على معدل 10 زالت فرحتهم لما منحوا لهم سوى اختيارات لا تسمن و لا تغني من جوع مسرح و فنون لذلك الاختيارات محدودة بهذا المعدل ... عسى ان تكرهوا شيئا و هو خير لكم .. بالتوفيق ان شاء الله

[saidalove]

اخي الطيب ماكش حاس بالحرقة لي فاتت عليا راك تقول هك
لي صححلي ورقتي ماهوش خويا و مانسامحوش دنيا و اخرة وربي يخرج فيه ان شاء الله
مقالة فلسفية بايت نحفض فيها و حطيتها بطريقة ممتازة يعطولي 10.5 هاذو عباد هاذو ؟؟؟
وكلت امري لله و الله والله مانسامح فيهم احد لي ضلمني في ورقتي التصحيح في البكالوريا
شريعة وفلسفة كلاولي حقي

[أم سلوى]

المشاركة الأصلية كتبت بواسطة saidalove

لا حول ولا قوة الا بالله العلي العضيم
بارك الله فيك اخي كمال كمال رغم كل شيى نرضى بقدر الله وتقبل الله صيامك وقيامك انت كذلك و كل المؤمنين
انا ايضا يا اخي خدمت في الشريعة وحفضتها و كنت حاط روحي ندي 17 حطولي 10
اللهم نحن في العشر الاواخر من رمضان و التي تكون فيها ليلة خير من الف شهر 'ليلة القدر'
اللهم قلت و قولك الحق ادعوني استجب لكم يارب اخرج في لي صححلي ورقتي في الشريعة و الفلسفة يارب والفرنسية وخاصة الشريعة و الفلسفة يارب اخرج فيهم و جيبلهم ضربة يارب كما حرقو قلوبنا احرق قلوبهم و مستقبلهم يصححون بلا ضمير و بلا خوف من الله سبحانه وتعالى
يارب كل من ضلمني و ضلم الاخوة لي خدمو سلط عليهم الامراض والمشاكل و المحن وزلزل الارض من تحت اقدامهم
حرقونا في شهر الرحمة و عذبو واهالينا ربي يخرج في لي صححلي ورقتي في الفلسفة و الشريعة يارب اخرج فيهم يارب
يامن لا يخلف وعده ولا يهزم جنده سبحان ربك رب العزة عما يصفون وسلام على المرسلين ان الحمد لله رب العالمين

العام الماضي. . ..الفلسفة كتبت مقالة الدال والمدلول وجدتها في النت وقراتها وفهمتها تحصلت على 10.5 يعني قلت في نفسي مقالة ناقصة و..هذا العام درت مقالة أفكارها من كتاب الكافي تحصلت على 9 لو تحصلت فقط على 10.5 لنجحت لاني عملت في باقي المواد. . .

[آمِيْرَتُه]

السلام عليكاخي لا داعي للطعن
انا استاذة فلسفة و كنت نقري أختي و كي صححتلها قتلها راح يعطوك بين 12 و 13 مبغيتش كيما يقولو نكبرلها كرشها و هي فالحقيقة تستاهل 15 ملا مدولها 11 و انا نخلعت في بلاصتها