اروع والذ كروكي بالجوز والزبيب من امي!!

عبير ORAN · 2013-09-01, 23:30

السلام عليكم ورحمة الله تعالى وبركاته

تفضلوا الكروكي على طريقة امي الغالية
طريقة رائعة ولذيذة جدا وتجي خفيفة ومقرمشة

المقادير

كاس بيض *4 بيضات*
كاس ونص سكر
كاس ونص زيت
باكي ونص خميرة الحلويات
مبشور الليمون
فانيلا
عطر اللوز الحلو
3 ملاعق كبيرة حليب غبرة
زبيب مقطع رقيق
جلجلان*كمية مليحة*
جوز مقطع
فرينة

التحضير

يخلط البيض+ السكر+ الزيت+مبشور الليمون+الفانيلا+عطر اللوز بالخلاط اليدوي جيدا

تضاف كمية من الفرينة ثم الحليب غبرة و الخميرة ونخلط باليد جيدا ثم نضيف الزبيب و الجلجلان و الجوز ونخلط جيدا ثم نجمع بالفرينة حتى الحصول على عجينة طرية * ماشي صلبة و لا طرية جيدا يجب ان تكون شوي طرية*
تدهن اليد جيدا بالزيت و تشكل حرابيش توضع في صينية مفروشة papier cuisson او مرشوشة بالفرينة فقط
تدهن الحرابيش من الفوق بمزيج صفار البيض و القهوة وتزين بالشوكة وترش بالسكر او الجلجلان
تطهى في فرن préchauffé
عندما تنتفخ وتحمار الحرابيش من التحت * يعني في نص طياب* نخرجوهم ونخلوهم 5 دقايق ثم نقطعوهم بسكين الخبز* تاع المنشار* على شكل مستطيلات ونرجعوهم للفرن بعدما نحطوهم في صينية اخرى و نحمروهم من الفوق و التحت حوالي عشر دقايق للجهة الواحدة
نخرجوهم ونخلوهم يبردو مليح

تفضلوا شوفوا بقية الصور

اتمنى ان وصفة امي الغالية تكون عجبتكم وتجربوها في اقرب وقت

تحياتي

وربي يخلي لي امي ويحفظها لي هي وامهات المسلمين