سلااااااااااااااااااااااااااااام عليكـــــــــــــــــــــــم ,,~~
{ ملاحظة : الكلام الذي ستقرأه الآن منقول " عن شخص قد اجتاز شهادة البكالوريا من قبل و قد طلب مني وضع كلامه في المنتدى }
إيييييييييييييييييييييييه
عطلة الربيع على الابواب
المنعطف الاخير قبل البكالوريا
الفرصة الحاسمة للتغيير
بقاو ايام معدودة فقط و يجي نهار لي:
الاحد 16 جوان 2019
تنوظو فيه صباح تلبسو حوايجكم تشربوا قهوة ترفدو ستيلو زرق مسطرة كالكيلاتريس و الوثائق الرسمية تعكم و تروحو تجوزو الامتحان
تروح تجوز الامتحان و تخلي يماك موراك تقيس فالزيارة عليك
أنت املها الوحيد
هاذاك النهار واحد ميهدر معاك و لا يخصر معاك فل هدرة و لا ينارفيك
بسك قاع علابالهم بلي راك رايح تجوز الباك
لازم يكون مورالك طالع
يماك تنوض صباح بكري تحددلك حوايجك و تطيبلك لقهوة و تديرلك لقاطو و لفطير
باش كي تروح تجوز تروح و طاقتك عالية
باباك يوجدلك طونوبيل صباح ربي باش يوصلك و تلحق بكري
يسقسيك قبل ماتخرج:وليدي!
.وي بابا
.ديت كارت ديدونتيتي تاعك؟
.واه راهي في جيبي
.ديت الاستدعاء
.واه ديتو
.مخصكش ستيلو ولا؟؟
.لا بابا مخصني والو
.اسمع ! بعقلك!! بالاك تتفرفش و تتقلق و تخرج بكري و متدير والو اخدم في عقلك
.نشالله بابا
.معليش مكاله تقلق روحك اخدم واش تعرف الا ربي مكتبهاش معليش لعام لجاي و تعاود وين راه لمشكل
.لا بابا نخدم مليح نشالله
.ابقا على خير
....
نرجعو لليوم
22 مارس 2019
العطلة على الابواب
آخر فرصة باش تعوضو واش فاتكم
لي مزال ميعرفش يحسب نهايات غير يتعلمهم ليوم
لي مزال ميعرفش كيفاه يدير جدول تقدم غير يتعلم ليوم
لي مزال ميعرفش يكتب مقالة غير يتعلم ليوم
منقوللكمش مزال لحال مي....
الي باغي يدي +15 و مزال مبداش
راهي فرصة اخيرة
لا تعوض
بسك ممبعد كي ندخلو في افريل و يجو الاهتزازات و الاسترة و الحرية و المسؤوولية و التركيب الضوئي و الهندسة فل فضاء و فن المقال و القضية الفلسطينية و البرازيل و التكامل و المعاملات المالية و الشركة.و.و.و.... متصيبو وين تحطو راسكم( بلعربية لي راحلتو هاذ لعطلة غير يجري على روحو والله متجيبو كثر من13 فل باك الناس راهم جابو 15 وراهم يعاودو ملقاو واش يديرو-كي تطلعو للجامعة تفهمو-)
كل واحد فيكم يروح يريح في طابلة
يجيب ورقة بيضاااء
يجيب مسطرة
ستيلو
يكتب من جيهة لوقت لي راه قاعد فيه معندوش ليكوغ
كل يوم ساعتين حفظ
ساعة و نص مادة تع اللغات
و خمس سوايع مادة اساسية
رقاد على 23:00 و لمنواض على 06:00 صلاة الفجر و بسم الله
منقدرش نقوللكم احفظو صباح و لا احفظو حشية بسك انا بروحي مرات نحفظ صباح مرات نحفظ حشية حتا انا و معنديش وقت محدد نحفظ فيه مالا كل واحد و واش يوالمو
المهم
ساعتين حفظ
ساعة و نص مادة تع اللغات
خمس ساعات مادة اساسية (مادة وحدة ف النهار مشي زوج)
فلسفة زوج سوايع بلجمعة... زوج سوايع بالسبت
المرجع الاول و الاخير تعكم في جميع المواد حتى فتاريخ ووالجغرافيا هو البكالوريات
احفظو قاع مصطلحات لي طاحو في لي باك (علوم تج.تسيير و اقتصاد.اداب. لغات اجنبية)
كي تكملوهوم روحو لمحمودي عادل و لبوالريش و لقزوري و لمصطفاي....
و للمرة المليااااار
خطيكم من راصة تع لمقترحات
خطيكم من راصة تع لمقترحات
خطيكم من راصة تع لمقترحات
مقولتلكمش اقراو كولش مي
"ما لم يدرك كله لا يترك جله"
حاجة لي مفهمتوهاش احفظوها كيما راهي
فل فلسفة ركزو على لفصل الثاني و شوي من لفصل ثالث الاول راجعوه مراجعة خفيفة برك
رياضيات راجعو كولش
متحصيش وشمن سوجي يجي ساهل نهار لباك
قادر يطيحو الاحتمالات فل موضوعين
الفيزياء النووي الاحماض و الاسسس و الميكانيك هاذو متتسامحوش فيهم
العلوم اغتنمو فرصة جيولوجيا راها ساهلة بزااف و باينة تجي فل موضوع ساهل كيما الاحتمالات تع لعام لي فات
اللغة العربية ركزو شوي على الثورة تع دزاير و حطو فيها شوسة بسك عام لي فات جا سوجي ساهل فيها سنة قادر يصعبو شوي
فرنسية و الانجليزية حفظو بعض القواعد و حلو لبكالوريات يكفو و يوفووو (راني نهدر على واحد لي حابس فيهم) و اتعلمو compte rendu و في الانجليزية اياكم تحفظو هذوك لفقرات لواجدين اطالعو عليهم برك باش تشوفو الافكار لي لازم تذكروهوم برك و معليش تحفظو كاش جملة و لا زوج مي مشي قاع الفقرة
الاسلامية ركزو على ربا و شركة و المعاملات(تقراوهم فل فصل ثالث) بسك قادر يديرولكم فل ميراث مسألة و متفهموهاش واش تضيعو 6p علاجالها؟!!
و قلتها و نزيد نعاودها
لي مقراش في هاذ الايام bac2020 نشالله
منيش نخوف فيكم مي....هذا هو الواقع لازم تواجهوه
و متقعدوش غير تشتكو علينا كي لعجايز-__-
لي يشتكي يشتكي لربي مشي للعبد
سلام💖
( تقرير عن مشاركة سيئة )، و الموجودة أسفل كل مشاركة .
2019-03-22, 16:20
عطلة الربيع,, المنعطف الأخير قبل البكالوريا { فضفضة فايسبوكية }
العرض العادي
