*قصتي مع النجآح-تسآؤلآتكم أنا في الخدمة -

[{Rim}]

السلآم عليْكُـــــــــــــــم ورحمة الله وبركآتُه

جُمعة مبآركة للجميع و تقبل الله صلآتكُم بمزيد من الاجر و الثوآب أما بعد:

-معَكُم مترشحة حرة بكآلوريآ 2016 متحصلة على 16.48 شعبة علوم تجريبية مع العلم أني كنت نظآمية سنة 2015 وتحصلت على 14.77 (مآدرت بيهآ وآلو)

...العآم الفآرط كنت أطمح لدرآسة الصيدلة او الطب لكن بمشيئة الله و قدره تم توجيهي رياضيآت و إعلام آلي ولقلة خبرتي وثرثرة النآس الله يسآمحهم تحطمت آمآلي في البدآية وقررت نترك كلش حتى القرآية وليت مآنحبش نسمع بيهآآ كيفآش هآديك دآرت و هآديك قرآت وأنا لا خاصة فترة الدخول المدرسي إخواني كنت محطمة كليآآ بمعنى الكلمة ضايعة خاصة لمآ نشوف نظرة وآلديا نظرة فيهآ الكثير من التحسر حتى لو ما يبنوش

..المهم مرت الأيآم بلوكيت عآمي و غامرت بكلش استجمعت قوآي ودرت في بالي أنو هادي المرة الأولى اللي راح نجوز فيهآ البكآلوريا بغض النظر عن كلام النآس خاصة الأقربآء (درك تعاودي وتجيبيه بأقل..) دخلت لبيتي غلقت الباب وبديت نخطط كيفاش نقرا نحفز روحي بروحي لازم نوصل لازم أولا باش نرضي روحي ونفرح وآلديآ و ثانيا زكآرة فالناس اللي قالو عليا فاشلة و الله يأإخوآني مآقريت دروس خصوصية لا في عامي الأول و لا في عامي الثاني قريت وحدي اجتهدت طحت و نضت بكيت ضغط هايـــــــــــــــــــل لا يوصف لكن كُلل بالنجآح و الحمد لله رفعت رآسي و رآس وآلديآ و اللي هدرو كآمل ماباركوليش ههه .

...تغيرت المعطيآت بعدما نجحت وقررت نتبع ميولآتي مانديرش على الناس اللي يقولك ميدسين أحسن حآجة لقيت روحي مانحبهاش ومانتخيلش روحي لا طبيبة و لا فرمسيانة نحب الرياضيآت و الفيزيآء وكل ماهو تقني و إن شاء الله أختُكم ستصبح طالبة في المدرسة الوطنية المتعددة التقنيآت بالجزآئر العآصمة فالحمد لله

لمآ وفقني له ونصيحتي لكم -توكل على الله ..صلي صلاتك..ثق بنفسك...ضحي من أجل هدفك و لا تستمع لاعدآء النجآح وصدقوني اللي خلق ما يضيع لن تعود خائبا مادمت تعبت و قريت

اي تسآؤلآت أنا في الخدمة ؟؟