من من مواليد 1982 وصله استدعاء مارس 2014 - الصفحة 2

pitchoudjo · 2014-02-08, 10:48

اقتباس:

المشاركة الأصلية كتبت بواسطة mohamedi1986

جماعة انا وصلني الاستدعاء باش نروح في 15 مارس نقدر ندير روطار حتى 5 ولا 6 افريل عندي سوتنوس تاع تقني سامي ومانيش حاب نراطيها

5oya kima galolk t9der dir rotare mi gzrna t9fl le 31 mars bah dir 7sabk brk idi m3ak dosii midical w 7ot f blk b rak ki td5ol l gzarna 9der ma t5rjch mnha 3 moi psq zhar yl3b dwr kbiiir w clima mbdla tma b twfiii9 nchlh

mohamedi1986 · 2014-02-08, 13:43

الله يكثر خيركم ياجماعة مي انا المشكل كاع راه في سوتنوس والله مانيش حاب نراطيها وزيد تاني الاستدعاء تاعي جاني في مدرسة تاع النقل و المرور في تلمساان و على حساب ماخبروني هي ثكنة مليحة وفيها نسبة كبيرة تاع فائض وزيد واحد جاري تاني بعثوه لتما باش يجوز السارفيس يعني بعثونا مع بعض مي الحصلة راهي السوتنوس والله بزاف الواحد يقرى ومين يبقاله غير يسوتني يراطي وزيد ليوم كنت عند مدير المدرسة قتله اجلي التخرج حتى مور سارفيس ايا بدى يتهرب مني .....والله ماني عارف واش ندير

mohamedi1986 · 2014-02-08, 14:00

.........................................

mohamedi1986 · 2014-02-08, 14:03

اعطونا رايكم ياجماعة

mohamedi1986 · 2014-02-08, 14:25

ودورك الحل وين راه نستنى لوردابال زاوجة ولا نزيد نزير المدير باش ياجلي سوتنوس حتى مور السارفيس ولا ونروح روطار و ونريسكي و تاني حاجة حاب نفهمها مين نروح روطار ويرجعوني ويكاشولي في الاستدعاء زعما يوخروني على 6 اشهر كي تجوز هاديك 06 اشهر نرجع ليهم ونفوت سارفيس عندهم ولا حتى تخرج لوردابال اخرى ونشوف وين يبعثوني .........جاوبوني ياجماعة الخير

Corleone · 2014-02-08, 14:54

اقتباس:

المشاركة الأصلية كتبت بواسطة mohamedi1986

ودورك الحل وين راه نستنى لوردابال زاوجة ولا نزيد نزير المدير باش ياجلي سوتنوس حتى مور السارفيس ولا ونروح روطار و ونريسكي و تاني حاجة حاب نفهمها مين نروح روطار ويرجعوني ويكاشولي في الاستدعاء زعما يوخروني على 6 اشهر كي تجوز هاديك 06 اشهر نرجع ليهم ونفوت سارفيس عندهم ولا حتى تخرج لوردابال اخرى ونشوف وين يبعثوني .........جاوبوني ياجماعة الخير

لوكان جيت في بلاصتك يا اخي ندير كيما قالولك الجماعة، لعله يسهل ربي وتخرج فائض والديبلوم تاعك ماكش مزروب بيه المهم تنفك من الحصلة هذي خاصة وانك مرسول الى واحدة من الثكنات المكتظة عادة وفي مرحلة لاحقة بعد les éléctions ان شاء الله نكون انا وانت ومن شاء الله خارج الهملة الوطنية وتقدم المذكرة تاعك يوم 21 أفريل وتهز الديبلوم تاعك في نفس اليوم ان شاء الله ثم تروح لوكالة التشغيل يصيبولك عمل بعد 10 أيام بالضبط ^^ ونعيشوا في سعادة ورخاء صديقي

ولكن كاين مشكل عويص هو أننا عايشن في العالم الثالث يعني توقع غير الأسوء

brahimpop · 2014-02-08, 16:49

أصحاب 82 لا يذهبون للخدمة مهما حدث
أين الحق كأصحاب 81 ؟
يجب على الشباب الثورة كسنة 2011 حتى يتحصلوا على اعفاء

mohamedi1986 · 2014-02-09, 10:17

ياجماعة وين ردود انصحوني

mohamedi1986 · 2014-02-09, 10:24

مشكلة كبيرة ........الله يسلكها على خير وي خويا راني فاهمك مي دير في بالك بلي لازم نحط المذكرة في افريل و نسوتني في هاداك الشهر ربما المدرسة تاخر سوتنوس حتى لماي و لوكان نروح ويحكموني راني ندير كارثة حتى لوكان نخرج بفائض تاني ماغاديش يطلقوني بعد شهر ولا شهرين كل واحد وكيفاه.

amine eco · 2014-02-09, 13:43

يا اخي انا نعطيك نصيحة واحدة الفائض وسورسي ليس مضمون ماذا لو تم تجنيدك هل تطلب منهم سورسي او يعطوك اعفاء ؟؟ وماذا لو سئلوك لماذا جئت الا هنا هل للحصولل على اعفاءء او سورسي ؟؟
انا نحذرك يااخي كيما ممكن تخرج كيما ممكن يشدوك

mohamedi1986 · 2014-02-12, 10:38

الله يوفقك الجميع

billal-figo · 2014-02-21, 19:07

فوت السوتنوس انتاعك اخي ما تروح ما ولو و يرحمها ربي اذ روحت و شدوك واش راح تقولهم خرجوني و الله ما تخرج الي يروح ل كزيرنا لازم يدير حساب راح يفوتهم يا حبيبي انا مواليد 1986 كان من المفروذ نروح في سبتمبر لكني ناقست المذكرة الماستر و راني رايح في مارس لا حل لهذا المشكل صدقني غير الالتحاق بالثكنة و شوف مكتوب ربي لكن اذ كانت لديك ارتباطات فلا تغامر بمستقبلك

bibo1 · 2014-02-21, 20:12

السلام عليكم اخوتي انا متخرج في سنة 2010 وجاوني 2 استدعاءات ومازال الثالث
وعندي ملف الكفالة العائلية
هل يوجد جديد فيما يخص متخرجي 2010 وهل يصلح معي ملف الكفالة العائلية وبماذا تنصحونني
وبارك الله فيكم

neatdz · 2014-02-22, 02:15

السلام عليكم اخوتي في الله والوطن الجزائر

أنا من مواليد جانفي 1982 خدام الحمد لله في السعودية لكن نروح ونجي لست مقيم بعد وأنا متزوج وأب لطفلين جاتني ordre d appel هاد المرة فيفري 2014 علما أني كنت عاصي 2009 وشارعت في المحكمة العسكرية 2010 خرجت براءة بملف كفالة لما أخدت نفس الملف للناحية العسكرية الخامسة للحصول على الإعفاء و بعد مدة 3 سنوات يقولولي ماقبلولكش الكفالة في العاصمة علما أني أكملت الدراسة الجامعية جوان 2007 كمهندس.... حسبي الله ونعم الوكيل فيهم سؤالي ماهو الحل بارك الله فيكم؟؟؟؟؟

neatdz · 2014-02-22, 02:17

السلام عليكم اخوتي في الله والوطن الجزائر

أنا من مواليد جانفي 1982 خدام الحمد لله في السعودية لكن نروح ونجي وأنا متزوج وأب لطفلين جاتني ordre d appel هاد المرة فيفري 2014 علما أني كنت عاصي 2009 وشارعت في المحكمة العسكرية 2010 خرجت براءة بملف كفالة لما أخدت نفس الملف للناحية العسكرية الخامسة للحصول على الإعفاء و بعد مدة 3 سنوات يقولولي ماقبلولكش الكفالة في العاصمة علما أني أكملت الدراسة الجامعية جوان 2007 كمهندس .... حسبي الله ونعم الوكيل فيهم سؤالي ماهو الحل بارك الله فيكم؟؟؟؟؟