ادخلوا الكل ـ يحبس راسكم و مباعد اعيطوني نصيحة

[Adnou Eclypse]

المشاركة الأصلية كتبت بواسطة عواطف8

.wechi hada l machakel kaml mech ra7 tefra khlas m3ahom hado ta3 geulma
rabi sahaal w yketeb li fih l khiir

ay haja rah nahdereha mach rah t3aber 3la wad3iya hadi............ngolo marehaba b mektoub rabi w khlah

nti ay ghaiba kbira thani. nchlh el omor kamela ay b1
prend soin de toi

[HODHOD HADAHID]

حالتك كي حالت راجل عمتي مسكين خدم 3 سنوات في ادرار وشارك العام لي فات في ولايتو خرج في الثانوي والمتوسط ما خرجش وماحسبولوش الخبرة

ورفع قضية ضد مديرية التربية لكن في الأخير كانت في صالح مديرية التربية لأنه ببساطة لا يمكن انه العدالة تنصف شخص على حساب الدولة

ربي يكون في عونك ويجيبلك حقك

[laid25]

هدا عنوان بن غبريط اكتبلها بلاك تنحي مدير التربية وصحابو الرقم الاخظر هو 1075 البريد هو - البريد الإلكتروني حذف من قبل الإدارة (غير مسموح بكتابة البريد) -

[أم ايناس]

علم الاجتماع. ليسانس عام2000. ماجستير 2006.على عتبة مناقشة رسالة الدكتوراة .ومازال التهميش

[rachidsystem34]

اخي الكريم روح الوضيف العمومي عندهم محامي خاص بيهم هما لي قوموا بجميع الاجراات

[Adnou Eclypse]

جريت جريت جريت بصح لا حياة لمن تنادي
الحمد الله على كل حال

[meziane48]

المشاركة الأصلية كتبت بواسطة adnou eclypse

جريت جريت جريت بصح لا حياة لمن تنادي
الحمد الله على كل حال

ما تقطعش لياس يا الفحل. قاع ما يطيحولكش المعنويات. لازم تفهم حاجة وهي أن الحجة القانونية الوحيدة التي يرفض فيها ترشحك هي التصريح بمستوى أعلى في الرتبة التي ترشحت لها وليس حيازة مستوى أعلى. انت صرحت بلي عندك الليسانس كي ترشحت في الإبتدائي. إذن يعتبر الوظيف العمومي بلي عندك الليسانس. الوظيف يؤمن فقط بالوثائق المودعة في الملف حال إيداعه. طالع جيدا الموضوع الذي كتبته حول هذه النقطة.
التصريح بمستوى أعلى لا يساوي حيازة مستوى أعلى، هذه هي القاعدة الذهبية اللي لازم ترتكز عليها.

[meziane48]

المشاركة الأصلية كتبت بواسطة Adnou Eclypse

جريت جريت جريت بصح لا حياة لمن تنادي
الحمد الله على كل حال

- إليك ردود مديرية التربية على ترشحك، وإجبني أيها (الردود) قانوني :
- يؤسفني رفض ملفكم للترشح لرتبة أستاذ التعليم الإبتدائي، وذلك لتصريحكم بمستوى أعلى.
- - يؤسفني رفض ملفكم للترشح لرتبة أستاذ التعليم الإبتدائي، وذلك لحيازتكم على مستوى أعلى (لقد عثرنا فجأة في ملف ترشحك لمنصب أستاذ التعليم الثانوي على شهادة الماستر، وانت تعلم أن الماستر مستوى أعلى من المستوى المطلوب للإلتحاق برتبة أستاذ التعليم الإبتدائي).
- يؤسفني رفض ملفكم للترشح لرتبة أستاذ التعليم الإبتدائي، وذلك لتصريحكم بمستوى أعلى (نحن إدارة فاسدة، لقد أكتشفنا إيداعك لشهادة الماستر في ملف ترشحك لأستاذ التعليم الثانوي. ما صبناش كي نديرو باش نقصوك. ولأن الشر متأصل في نفوسنا درنا نسخة طبق الأصل لشهادة الماستر وحطيناها في الدوسي نتاعك اللي حطيتو في رتبة أستاذ التعليم الإبتدائي).
- يشرفني قبول ترشحكم لمنصب أستاذ التعليم الإبتدائي، وذلك رغم حيازتكم على المستوى الأعلى والمتمثل في ماستر. ماد دام أنك لم تصرح بالماستر عندما ترشحت للإبتدائي فلا إشكال لدينا. ما دابينا واحد عندو ماستر يقري فلذات أكبادنا. كلما طلع الـ Niveau كان أحسن. لن يكلفني قبول واحد عندو ماستر للتدريس في الإبتدائي أي سنتيم زائد. غادي يخلص كيما يخلص اللي عندو ليسانس. من جهة إذا جات ترقية على أساس الشهادة مثلا وطلبو الماستر، ماناش غادي نعتارفوا بالماستر نتاعك. لازم الماستر تكون جبتها بعد التوظيف وليس قبل التوظيف. هذا كل ما في الأمر أخي الكريم. حنا ماناش الدياراس باش نبحثوا على مستواك الحقيقي. نحن نطبق مراسلة المديرية العامة للوظيفة العمومية التالية بحذافيرها :

https://im45.gulfup.com/8ue6Id.tif

- فرق جيدا بين : التصريح بمستوى أعلى و حيازة مستوى أعلى. يرفض ملفك عندما تصرح بمستوى أعلى (ركز هنا جيدا) بمناسبة ترشحك للرتبة المراد شغلها. وليس التصريح بمستوى أعلى عند الترشح لرتبة أخرى.
- الطريق طويلة قدامك ولكن بالإصرار والصبر غادي تحقق مرادك. ورانا هنا واقفين معاك نساعدوك باللي نقدروا عليه.
- ننتظر جديدكم يا الفحل.

[Adnou Eclypse]

المشاركة الأصلية كتبت بواسطة meziane48

- إليك ردود مديرية التربية على ترشحك، وإجبني أيها (الردود) قانوني :
- يؤسفني رفض ملفكم للترشح لرتبة أستاذ التعليم الإبتدائي، وذلك لتصريحكم بمستوى أعلى.
- - يؤسفني رفض ملفكم للترشح لرتبة أستاذ التعليم الإبتدائي، وذلك لحيازتكم على مستوى أعلى (لقد عثرنا فجأة في ملف ترشحك لمنصب أستاذ التعليم الثانوي على شهادة الماستر، وانت تعلم أن الماستر مستوى أعلى من المستوى المطلوب للإلتحاق برتبة أستاذ التعليم الإبتدائي).
- يؤسفني رفض ملفكم للترشح لرتبة أستاذ التعليم الإبتدائي، وذلك لتصريحكم بمستوى أعلى (نحن إدارة فاسدة، لقد أكتشفنا إيداعك لشهادة الماستر في ملف ترشحك لأستاذ التعليم الثانوي. ما صبناش كي نديرو باش نقصوك. ولأن الشر متأصل في نفوسنا درنا نسخة طبق الأصل لشهادة الماستر وحطيناها في الدوسي نتاعك اللي حطيتو في رتبة أستاذ التعليم الإبتدائي).
- يشرفني قبول ترشحكم لمنصب أستاذ التعليم الإبتدائي، وذلك رغم حيازتكم على المستوى الأعلى والمتمثل في ماستر. ماد دام أنك لم تصرح بالماستر عندما ترشحت للإبتدائي فلا إشكال لدينا. ما دابينا واحد عندو ماستر يقري فلذات أكبادنا. كلما طلع الـ Niveau كان أحسن. لن يكلفني قبول واحد عندو ماستر للتدريس في الإبتدائي أي سنتيم زائد. غادي يخلص كيما يخلص اللي عندو ليسانس. من جهة إذا جات ترقية على أساس الشهادة مثلا وطلبو الماستر، ماناش غادي نعتارفوا بالماستر نتاعك. لازم الماستر تكون جبتها بعد التوظيف وليس قبل التوظيف. هذا كل ما في الأمر أخي الكريم. حنا ماناش الدياراس باش نبحثوا على مستواك الحقيقي. نحن نطبق مراسلة المديرية العامة للوظيفة العمومية التالية بحذافيرها :

https://im45.gulfup.com/8ue6Id.tif

- فرق جيدا بين : التصريح بمستوى أعلى و حيازة مستوى أعلى. يرفض ملفك عندما تصرح بمستوى أعلى (ركز هنا جيدا) بمناسبة ترشحك للرتبة المراد شغلها. وليس التصريح بمستوى أعلى عند الترشح لرتبة أخرى.
- الطريق طويلة قدامك ولكن بالإصرار والصبر غادي تحقق مرادك. ورانا هنا واقفين معاك نساعدوك باللي نقدروا عليه.
- ننتظر جديدكم يا الفحل.

السلام عليكم الاخ مزيان 48

وش نقلك ؟؟؟ ملي اقصاوني مالقيتش رد و لا تفاعل فرحني كيما الرد تاعك و انا متأكد بلي يفرح الاخت بيلسان تاني لانها نفس الوضعية ، اك باين تعبت في الكتابة ( سامحني كي قلقتك معايا) ، و زاد عجبتني تاع رانا معاك يا الفحل ، بارك الله فيك و نشا الله ربي يجازيك على نيتك

اما فيما يخص الموضوع ـ هاديك البرقية لي عطيتهالي دوك n'imprimiha و نديها معايا للوظيف العمومي نريكلامي بيها ـ بصح خايف لا يقولولي اي قديمة ـ المهم ـ راح تفيدني ، هو قانونها كون يطبقوه يجيبلي حقي لاني في ملفي تاع الابتدائي ما وضعتش الماستربالتالي انا لم اصرح بتكوين اعلى ـ اما فيما يخص رد المديرية ـ قالولي الاسبوع القادم نبعثولك رسالة و نبينولك كتابيا سبب الاقصاء ـ و منين يجاوبوني اني نقلك اخي meziane و بارك الله فيك مرة اخرى
و اذا امكن اخي تقولي على وسيلة للتواصل معك ـ مادابيا : انا FB تاعي adnou eclypse و السكا يب adnou5

[meziane48]

المشاركة الأصلية كتبت بواسطة Adnou Eclypse

السلام عليكم الاخ مزيان 48

وش نقلك ؟؟؟ ملي اقصاوني مالقيتش رد و لا تفاعل فرحني كيما الرد تاعك و انا متأكد بلي يفرح الاخت بيلسان تاني لانها نفس الوضعية ، اك باين تعبت في الكتابة ( سامحني كي قلقتك معايا) ، و زاد عجبتني تاع رانا معاك يا الفحل ، بارك الله فيك و نشا الله ربي يجازيك على نيتك

اما فيما يخص الموضوع ـ هاديك البرقية لي عطيتهالي دوك n'imprimiha و نديها معايا للوظيف العمومي نريكلامي بيها ـ بصح خايف لا يقولولي اي قديمة ـ المهم ـ راح تفيدني ، هو قانونها كون يطبقوه يجيبلي حقي لاني في ملفي تاع الابتدائي ما وضعتش الماستربالتالي انا لم اصرح بتكوين اعلى ـ اما فيما يخص رد المديرية ـ قالولي الاسبوع القادم نبعثولك رسالة و نبينولك كتابيا سبب الاقصاء ـ و منين يجاوبوني اني نقلك اخي meziane و بارك الله فيك مرة اخرى
و اذا امكن اخي تقولي على وسيلة للتواصل معك ـ مادابيا : انا FB تاعي adnou eclypse و السكا يب adnou5

وفيكم بارك الله. ان شاء الله تلقى ولاد الحلال اللي يعاونوك في الوظيف العمومي.
فيما يخص إمكانية التواصل عبر الفايس بوك أو ال*****، سمحلي، خوك متخلف في هذا المجال.
تفضل البريد الإلكتروني نتاعي، إذا احتجت أي مساعدة، رانا هنا : (راني حال في الـ gmail :
mezianemed48 أغوباز gmail.com

[Adnou Eclypse]

مسا الخير حبيبنا سي المزيان ، مادام ما عندكش وسيلة اتصال مالا نتواصلو في الموضوع هادا احسن باش تعم الفائدة و يستفيدوا جميع الاعضاء

قتلك راني خايف لا يقولولي هادا قانون قديم لانو 2009 ، ما نقدرش نطلب من المديرية العامة للوظيف العمومي يعاودو يرسلولي برقية جديدة ؟؟؟ ( مجرد سؤال ) ، شكرا

[meziane48]

المشاركة الأصلية كتبت بواسطة adnou eclypse

مسا الخير حبيبنا سي المزيان ، مادام ما عندكش وسيلة اتصال مالا نتواصلو في الموضوع هادا احسن باش تعم الفائدة و يستفيدوا جميع الاعضاء

قتلك راني خايف لا يقولولي هادا قانون قديم لانو 2009 ، ما نقدرش نطلب من المديرية العامة للوظيف العمومي يعاودو يرسلولي برقية جديدة ؟؟؟ ( مجرد سؤال ) ، شكرا

مساء النور خويا.
ما تخاف والوا. إذا قالولك قديمة طالبهم بالمراسلة الجديدة اللي تبرر قرارهم. في اعتقادي الشخصي مضمون المراسلتين ما زال ساري المفعول. ركز أكثر على المراسلة الاولى (تاع مفتش البويرة).
ربي يكون معاك خويا.
وسمحلي بزاف خيبت ظنك بخصوص وسائل الإتصال.

[Mahboub_222]

حسبي الله و نعم الوكيل اللي يغشوا في امتحانات باه يولوا يقروا الدرايري حم بابك واش تسنى منهم يربوا اولادكم يا ربي سهلي نخرج من بلاد مكي هذه ...قبل ما نتزوج...

[yacine collo]

المشاركة الأصلية كتبت بواسطة mahboub_222

حسبي الله و نعم الوكيل اللي يغشوا في امتحانات باه يولوا يقروا الدرايري حم بابك واش تسنى منهم يربوا اولادكم يا ربي سهلي نخرج من بلاد مكي هذه ...قبل ما نتزوج...

هاها ها خويا منك بصح راك تستنى في المدرسة تربيلك ولادك ....راك تنوم خويا..."الأولاد يتربو في الدار لا مدرسة ولا لكراش كما راهم يديرو شي ناس على جال زوج دورو يرنو ولادهم فلاكراش ياخي حياة ياخي ...هاذا كوشمار

[Boubita]

يا ناس اتقوا الله