استفسارعن علاقتي مع الجنس الاخر

[الفتى الامازيغي]

سلام عليكم وصحا عيدكم لحباب

انا حبيت نحط استفساري في هذا المنتدى بالخصوص خطراكش فيه غير الدزيريين ومكانش لي يفهمني كيما ولاد بلادي

المهم انا حبيت نقلكم في هذا الوقت مكانش لي ميحبش لو كان عاقل(ة) ولا متفتح(ة) الله غالب هذه سنة من سنن الحياة

وكثير هم شبان يبادرون بالتعرف على فتاة لجعلها توام روحه او العكس وانا صراحة منحبش نكون انا المبادر بصح المشكل من صغري طفلة ما بادرة الي ولا كيما يقولو (تبعثلي) على الرغم انو كثير من اصحابي كون نقلكم والله ميستاهلو لا زين لا اطاي لا عقلية وتلقاه على الاقل باعثيلنو 10 منا وفات وانا بلا زوخ بوقوص والناس كامل يشهدولي عقليتي مليحة والقراية مليح واللبسة متهلي في روحي ولافامي نتاعي معروفة وسمعتها ممتازة يعني صفة وحدة من هاذو الصفات تكفي الطفلة وعلاقتي مع الناس مليحة ماني اجتماعي بزاف ماني منطوي وكذلك مع البنات نحكي عادي جدا مانيش معقد وكي قلت لصاحبي الحكاية قالي بالاك البنات يشوفوك متكبر وشنايفي ميقربوكش بصح انا مانيش ملاحظها في روحي والله اعلم

ملاحظة: انا مانيش مستعد باه ندير علاقة فكيما نخاف على اختي نخاف على بنت الناس ولكن مجرد استفسار

وانتم اعطونا رايكم وخصوصا البنات هوما لي يعرفو عقلية البنت

وصحا عيدكم

[مراد سابقا]

سبحان الله

ربي يسترك كما ستر يوسف عليه السلام وبقية أوليائه

وأنت تريد كسر ذلك الستر

اذهب عند أولئك وأسلهم بعد علاقاتهم وأطلب منهم أن يخبروك بالحقيقة

[ايمان نور الجزائر]

في الحقيقة والله ماني عارفة
كيفاش يجيهم الكوراج لبنات هاذو الله يهدي
احمد ربي لي راهم خاطيينك
طريق لبنات واعرة وتدي للهلاك

[إكليل]

الحمد لله أنك تخاف على البنات مثل ما تخاف على أختك يا اخي و هذا خلق الفتيات اللواتي يرسلن لأصدقاءك ماهن سوى فتيات للأسف هابطات في المستوى و الأخلاق و أكيد لن ترضى لنفسك زوجة مستقبلية من هذا النوع و ربما لأنك فتى طيب الأخلاق لم تقترب منك الفتيات .فأبقى ثابتا و لا تعدو عينك إلى ما ليس لك .فانت في الأخير ستختار فتاة واحدة لتكون شريكة حياتك .

وصح عيدك

[جمعي البشاري]

ربي يهديك ويصلح بالك
الحمد لله أنك تخاف على البنات مثل ما تخاف على أختك

[naamane3]

شوف يا سيدي يبعثولك
رب العالمين ساترك
وانت محوس تهتك هذا الستر
ربي يهديك يا بني هذا ما نقولك

[BAROUD]

دير كما انا ما تجيبها في حتئ وحدة حتئ يفتح ربي عليك بالحلال فقط اكثر من الدعاء مش نقول تكبر لالا حرام

باب ربي ما عليه بواب كما يقولوا بالعكس فيك نخوة و غيرة كما تغير عليهن

[fr95]

هاديك الطفلو لي تقول تبعث للرجال راهي ماش طفلة م لاخر ++++ ادي حاجة تافهة تسكسي فيها ربي يهدينا

[Some1]

حقيقة مافهمتش واش تحوس
منا ماكش حاب دير علاقة و منا حاب البنات يصدمولك ؟؟؟
والله السيد هذا راوهو محريني ’ ااا راك كبير هههه
باين نراك مراهق ههه

[نايفز55]

تعلموا تهدروا قبل ومن بعد حطوا استفسارات

[كادي12]

راك مليح كيما راك واصل في حياتك وركز في مستقبلك .الطريق ذاك ما فيه حتى فايدة تخسر بالك وراحتك ومستقبلك واكثرهم تخسر رضى ربي سبحانه

[قَاسِمٌ.قَاسِم]

إذا كان العفاف تكبرا فتكبر عن العلاقات المحرمة

[أسومة المتفائلة]

الحمد لله ربي بعد عليك البلا
انا معنديش مشكل حتى لو قالو عليا متكبرة
ماش مشكل

[nouna l maghbouna]

المشاركة الأصلية كتبت بواسطة الفتى الامازيغي

سلام عليكم وصحا عيدكم لحباب

انا حبيت نحط استفساري في هذا المنتدى بالخصوص خطراكش فيه غير الدزيريين ومكانش لي يفهمني كيما ولاد بلادي

المهم انا حبيت نقلكم في هذا الوقت مكانش لي ميحبش لو كان عاقل(ة) ولا متفتح(ة) الله غالب هذه سنة من سنن الحياة

ماتجملش الناس كامل ماشي كامل كيما اختك و ماشي سنة الحياة الحب الحلال بعد الزواج ماتتفلسفس في حاجة ماتعرفهاش
وكثير هم شبان يبادرون بالتعرف على فتاة لجعلها توام روحه او العكس وانا صراحة منحبش نكون انا المبادر تافه
بصح المشكل من صغري طفلة ما بادرة الي ولا كيما يقولو (تبعثلي) على الرغم انو كثير من اصحابي كون نقلكم والله ميستاهلو لا زين لا اطاي لا عقلية وتلقاه على الاقل باعثيلنو 10 منا وفات وانا بلا زوخ بوقوص والناس كامل يشهدولي عقليتي مليحة والقراية مليح واللبسة متهلي في روحي ولافامي نتاعي معروفة وسمعتها ممتازة يعني صفة وحدة من هاذو الصفات تكفي الطفلة وعلاقتي مع الناس مليحة ماني اجتماعي بزاف ماني منطوي وكذلك مع البنات نحكي عادي جدا مانيش معقد وكي قلت لصاحبي الحكاية قالي بالاك البنات يشوفوك متكبر وشنايفي ميقربوكش بصح انا مانيش ملاحظها في روحي والله اعلم

ملاحظة: انا مانيش مستعد باه ندير علاقة فكيما نخاف على اختي نخاف على بنت الناس ولكن مجرد استفسار
باين من هدرتك

وانتم اعطونا رايكم وخصوصا البنات هوما لي يعرفو عقلية البنت روح سقسي اختك هي تاني طفلة

وصحا عيدكم

و ربي يهديك
و اللي كيفك مايستاهلوش كلمة رجل مع كل احتراماتي
ارجل الحقيقي مايخممش هكدا جياحة اكبر شوي
الرجل تع الصح يطلب لحلال ماشي نحبك و تحبيني و مايشوفش لهاد الجهة
و من اللي خلقت الدنيا و الرجل هو اللي يطلب المراة ماشي العكس

[**د لا ل**]

السلام عليكم

بغض النظر عن كل ما ذكرته

استغربتُ تفكيركَ صراحة ؟؟؟؟ ..... عقدت لساني عن الرَّد