اسرع واسهل واروع خبز كوشة من مطبخ ام اماني

[بشرى2008]

سيدتى الفاضلة أم أماني بمااني جربت هاد الخبز وجاني روووووووووووووووووووووووووعة حبيت نديرهالك مفاجأة ونقولك أنا من متتبعي وصفاتك أينما كنت ليس فقط فى منتدانا الغالي
السلام عليكم اخواتي
كلنا نحبو الوصفات السهلة والسريعة طبعا والناجحة خاصة الاخوات العاملات اليوم جبتلكم خبز الكوشة في نصف ساعة يكون واجد وهذا الوصفة لقيتها في النت نشكر صاحبة الوصفة ونقولها ربي يجازيك كل خير
المقادير:
2كاس حليب دافيء،م ك سكر،2بيض، ربع كاس زيت،م ك ونصف خميرة الخبز،ملح،،4كؤوس فرينة
لدهن الخبز:صفار بيضة نخلطها بشوية خل او حليب
الطريقة
اولا: نشعل الفرن على اكبر درجة حرارة طبعا تختلف باختلاف الفرن ونخليه يسخن

ثانيا:في اناء نخلط الحليب والسكر والبيض والزيت و الخميرةو الملح ونخلطهم مليح بالخلاط اليدوي ثم نضيف كاس الفرينة الاول ونخلط جيدا ثم الثاني ونحرك حتى نكمل كمية الفرينة راح نتحصلو على عجينة مطلوقة كما في الصورة

://





نجيب مول مدهون بالزبدة و مرشوش بالفرينة ونفرغ العجينة فيه ونعدلها بملعقة مغطسة في الزيت ونغطيه بكيس بلاستيكي ونحطها فوق الكوشة لي كنا شعلناها يعني فوق الكانون لنطيبو عليه لتسريع عملية الاختمار ونخلي الخبز يختمر من 7 الى10دقائق لا اكثر ثم ندهن بصفار بيضة مع شوية حليب ونرش فوق السنوج وندخل للفرن في الرف الاوسط