أعقد ونوي...بوقالات رمضان 2009

[ماريا 19]

اختارو رقم من 1 الى 10



يجب ان تختارو رقما قبل ما تنزلو الى الاسفل وتشوفو البوقالات

لا تغشو****انا شافيتكم ****لوووووول****


1-دزيت باب الرياض ...والنسري ناداني... والورد فتحلي الباب ...والزهر عانقني ...والياسمين ذالك الشباب هو لي معذبني


2-ما نديها طويلة ...سلوم راشي .... ما نديها قصيرة.... فكرون ماشي.... نديها مربوعة قد... كي علم الباي ماشي

3-مشيتي عالية... وطولتي دالية... شبان ورجال ... يتبعو فيا ويمشو مذلولين ...مثل حمير القرية والبادية...ومن غير المولى وحبيبو ما في مين يعلى عليا

4 -خرجت في الليل ...نطلب في الله ...صبت النجوم دايرن ...وقالولي صلي على رسول الله...*ص*... ولي تستناهم راهم راجعين

5-قالي طبيبي ...بلاما يدري تداوى يا عليل ....ودائي ودوايا عند حبيب لمحبتو بخيل ....وقتاش يا عمري ترحمني ...وترحم دموعي لي تسيل؟؟؟

6-الاسمر يا لسمر ...يا شباب الحومة ....وشبيك غضبان وزعلان علينا.... احنا ما نسوى بلا بيك... لوجه ربي... راضينا وراضى علينا

7- قريب الرفيقة ...يا قريب الرفيقة ...بيني وبينك طويقة ... يا مخلي في قلبي شقيقة ....تروح وين تروح... بصح تعيا ترجع ليا ونرد لقلبك الحريقة

8-ما ناكلش من جنان الجنة لو يشهيني ....وما ناخذش الشيخ ولو يغنيني.... ناخذ الشباب بيض ولا سمر ...المهم هولي يملالي عيني

9-دزيت باب الحبيب ...دفة على دفة... فراشو من حرير نرقد وندفا.... بوقالو من ذهب نشرب لا نروى... وكلامو من عسل ...غير نذوق نشفى

10-انت سبيبط.... وانا خويط فيك.... انت سنيسلة.... وانا خمسة تحميك... انت خويتم وانا حجرة تبهيك ...وين تروح تلقاني وغير انا لي نديك

[ماريا 19]

أتمنى أن تعجنكم...لا لشئ الا للتسلية قليلا وبلاكم تقراو قبل ما تختاروا رقم
هههههههههههههههههههههههههههههههههههههههههههههههههه ههههههههه

[ب/ه]

بسم الله الرحمن الرحيم والصلاة والسلام على سيدنا محمد وعلى آله وصحبه أجمعين.
مشكورة أختي ماريا على البوقالات والله نسيناهم خلاص ونسينا بزاف صوالح تاع التراث والتتقاليد الجزائرية.
بصح لازم تتحقق بوقالتي ولا منتفاهمش معاك صحا. شكرا.

[ماريا 19]

المشاركة الأصلية كتبت بواسطة ب/ه

بسم الله الرحمن الرحيم والصلاة والسلام على سيدنا محمد وعلى آله وصحبه أجمعين.
مشكورة أختي ماريا على البوقالات والله نسيناهم خلاص ونسينا بزاف صوالح تاع التراث والتتقاليد الجزائرية.
بصح لازم تتحقق بوقالتي ولا منتفاهمش معاك صحا. شكرا.

شكرا على مرورك بصح أي رقم درتي
وربي يعطيك ما تتمناي يا رب

[ب/ه]

ربي يحقق أمانيا و أمانيك و أماني المسلمين أجمعين يارب.

[ماريا 19]

1 - راني كالكوشة المبنية دخاني مابان وناري مقدية

2- السمرة يا سمرة يلي عايروني بيك نسمح في بلادي ونجي ليك

3- ثومة ياثومة أنا سميتك كلثومة وريلي في منامي يلي يحبني يولوكان في الحومة

4- إذ أنت بحر أنا حوت فيك وإذا أنت جنان أنا وردة فيك وإذ انت تبغيني أنا نموت عليك

5- ياواقفة بين عرفين شدي روحك لصيحي وبركاكي من عشق لثنين شد ي واحد
وروحي

6 خرجت بدر البدور يزعبل وطالق هدوك الشعور زادو في حالي نطلب من ربي العزيز ي يكتبها
في داري

7- جاز على باب دارنا يفصل في العكري قتلو ياشباب فصل على قدي قالي حتى تجي لعندي
نهديلك صور ذهب ونزيدلك قلبي


8- قاعدة أنا و وليد المير على حاشية البير ولي حب يغير يغير

9- يلي زايدة في عذ ابي في ليل نومك وفي النهار نترجاك أعطيني كلمة من فمك يرحم
يلي رباك
10- حرقست بحرقوس الذهب حتى الوذنيا باركولي يا جيراني سعدي ولا ليا .

[bety78]

ربي يحقق أمانيا و أمانيك و أماني المسلمين أجمعين يارب. وأنا اخترت رقم 9
-دزيت باب الحبيب ...دفة على دفة... فراشو من حرير نرقد وندفا.... بوقالو من ذهب نشرب لا نروى... وكلامو من عسل ...غير نذوق نشفى

[ماريا 19]

المشاركة الأصلية كتبت بواسطة bety78

ربي يحقق أمانيا و أمانيك و أماني المسلمين أجمعين يارب. وأنا اخترت رقم 9
-دزيت باب الحبيب ...دفة على دفة... فراشو من حرير نرقد وندفا.... بوقالو من ذهب نشرب لا نروى... وكلامو من عسل ...غير نذوق نشفى

رب يعطيك ماتتمناي ويحققلك جميع امانيك ان شاء الله

[*المشتاقة للرحمن*]

7- قريب الرفيقة ...يا قريب الرفيقة ...بيني وبينك طويقة ... يا مخلي في قلبي شقيقة ....تروح وين تروح... بصح تعيا ترجع ليا ونرد لقلبك الحريقة

[afaf_jata]

9-دزيت باب الحبيب ...دفة على دفة... فراشو من حرير نرقد وندفا.... بوقالو من ذهب نشرب لا نروى... وكلامو من عسل ...غير نذوق نشفى .....................
يعطيك الصحة حبيبتي

[hamod 88]

والله ما هي الا خرافات وبدع هداكم الله يخي تفاهات يخي

[ماريا 19]

[quote=hamod 88;1556405]والله ما هي الا خرافات وبدع هداكم الله يخي تفاهات يخي[/quot-

-1-رب يهديني ويهدي الجميع
2-كل واحد وقناعاته ألي تبانلك انت خرافة نشوفوه أنا مجرد ترفيه عن النفس وفيها شئ من المتعة لا غير بالاضافة أنها شئ من التراث نعتز به ونفتخر واذا مكانتش عاجباتك واحد ما قالك اقراها
3-أما كلمة تفاهات فهذي وحدها عيب عليك تقل تفاه لان مستواي الاخلاقي والعلمي ميسمحش باه نكتب تفهات ومش عندي الوقت باه نكتب تفهات والفاهم يفهم
والله الواحد يكتب كلمة طيبة والا منحن في غنى عن رأيه...
سلام
لكل رايه ووجهة نظره في الحياة فالرجاء منك احترام اراء الناس وعدم نعتهم ...

[ماريا 19]

المشاركة الأصلية كتبت بواسطة afaf_jata

9-دزيت باب الحبيب ...دفة على دفة... فراشو من حرير نرقد وندفا.... بوقالو من ذهب نشرب لا نروى... وكلامو من عسل ...غير نذوق نشفى .....................

يعطيك الصحة حبيبتي

الله يسلمك حبيبتي ويارب يحققلك أمانيك وكا الحوايج ألي تحبيها يارب.

[mascara]

6-الاسمر يا لسمر ...يا شباب الحومة ....وشبيك غضبان وزعلان علينا.... احنا ما نسوى بلا بيك... لوجه ربي... راضينا وراضى علينا
شكرا لك

[ماريا 19]

عفوا ويارب انت ثاني تحققلك امانيك وتصبح دكتور يا رب