هام الى اساتذة الثانوي 2009 بسكرة

[mmm_fadwa]

السلام عليكم ورحمة الله
مازالت المديرية تجيب بينا الوقت من 2009 وحنايا نتكركرو واش رايكم نبقاو هك لا عينونا لا طلقونا نخدم
مالا على اساس ما ضاع حق وراءه مطالب لازم نجتمعو ونعتصمو ونحددو يون نعتصمو فيه انا نتمنى انو يكون يوم الاحد 2 جانفي تمسخرو بينا بزاف لازم نديرو حاجة مدامنا ساكتين هك رايحين يبقاو يسمطو واخر الاخبار انو الوظيف العمومي قالك مدرتوش تكوين 400 ساعة وراهو رافض يعيننا اذا الوظيف العمومي نفسو الي خلى نتائجنا تتاخر من جانفي حتى جويلية مزال يحب يزيد ياخرنا علاش لانو شافنا ساكتين مدرنا فيها والو تكوين ودرنا واش يستناو لازم نتفاهمو نعتصمو نهار الاحد الرجاء كل واحد يخبر صاحبو مناصبنا رايحين يطيرو من يدينا وحنايا نتفرجو
سلام عليكم

[ramfoudil]

الحمد لله اني وجدت اخيرا واحد
حاس بالموضوع
95 ناجح لا حياة لمن تنادي
لا ردود ولا جديد
رانا رجعنا للسوسبانس انتاع الصيف قبل ما تخرج النتيجة
ربي جيب الي فيه الخير

[mmm_fadwa]

متكفيش نحسو برك لازم نتحركووووووووووو

[أبو عبدالحق]

شكووون يتحرك معاك كامل بنات ماعندها على وش تحوش ني خدمة عسكرية تخمم ني والووو لوكان إقولولها أستناي 10000000000000000000000000000 سنة تستنا

[mmm_fadwa]

لالا راك غالط كاين ولاد بزاف ومام حنايا البنات كون تعيطو نتفاهمو ونتحركو مع بعض كون تقلي من غدوة نبدى نعيط للبنات وانت عيط للذكورة ونديرو اعتصام

[fidooo8nuevo]

rana m3akom wach garartou ndirou...

[ramfoudil]

رانا نحكيو على دفعة 2009
الرجاء المشاركة من الاخوة
اخر المعلومات تقول ان الوظيف مازال ما درسش
الملفات انتاعنا **تربص**
ومعلومات اخرى تقول راهو خصنا بعض السوايع
والله ما نا فاهمين والو
لكن ربي كبير حنين

[biomano]

ربي يوفقكم يارب وتسمعو كل خير

[ramfoudil]

ربي يفرحك
ويعطيك ما تتمنين
شكرا على التواصل

[ramfoudil]

ابشر الاخوة البساكرة
بان الفرج قريب
ماتقلقوش القضية ايامات برك
شوي صبر برك

[mmm_fadwa]

فضيل راهم يلعبو بينا لا ايامات لا والو راهو راح السي غربي لورقلة ورجع فارغ اليدين مدام رانا ساكتين منديرو فيها والو

[ramfoudil]

راها قريب تفرى
وسوف تتاكدون من كلامي
شوي صبر برك ما نا خاسرين والو
ما بقاش قد الي فات
بالتوفيق لكل الاخوة

[mmm_fadwa]

راني نقلك مهيش رايحة تفرى عن قريب مزالت مطولة فضيل شكيت فيك تخدم لصالح لاكاديمي عميل يعني ههههههههههههه نضحك برك عندك تزعف ام مسينياوش في ورقلة تقدر تقلي علاه ؟

[ramfoudil]

راهم يدرسو في خمس ولايات تابعة
للمعهد انتاع ورقلة
شوي صبر برك
ربي يحسن عونهم
الي علينا رانا درناه
بقا الي عليهم وربي يسهلهم
راني نقلك الامور راها ماشية بربي انشاء الله
كما نريد حضري روحك بارك وجدي المذكرات

[ala eddine b]

المشاركة الأصلية كتبت بواسطة ramfoudil

راهم يدرسو في خمس ولايات تابعة
للمعهد انتاع ورقلة
شوي صبر برك
ربي يحسن عونهم
الي علينا رانا درناه
بقا الي عليهم وربي يسهلهم
راني نقلك الامور راها ماشية بربي انشاء الله
كما نريد حضري روحك بارك وجدي المذكرات

كلام الأخ فوضيل صحيح صبرا النتائج تطلح من ورقلة طبعا مع الترتيب
و إن شاء الله خير