النجدة ... أخ دمر حياتنا

[karim2006]

السلام عليكم و رحمة الله
اخواني انا شاب في الربيع الثلاثين ، لي اخ اصغر مني ذو ال21 سنة ، مظطرب نفسيا مصاب بالاكتئاب ثنائي القطب ،هذا الاخ هداه الله لا يكف عن المشاكل و ازعاجنا بكثرة كلامه و طيشه و سهره لغاية ساعات متأخرة بالليل حيث كل ليلة ننام على الساعة 11 بينما ياتي هو على الساعة 1 و 2 و 3 احيانا !!! و الله اصبحت اتمنى ان انام نوم هادئ لكنه حرمنا منه ، ناهيك عن طلبه للنقود و طلباته الغير منتهية من اقتناء هاتف ثم دراجة نارية ثم كذا و كذا ، بالاضافة لرفضه تناول الدواء و عدم احترامه لنا . مثل منقول بلعامية انسان جن يالطيف اتعبنا و الله اتعبنا و كرهنا .
ما يقدر حتى واحد والله ملقيتلو حل هدرت معاه بلعقلية سايسنا عيطت عليه خوفتو ...ضربتو ... قالونا الضرب يزيد يهيجو .
رانا حايرين يا اخوان وغايضتني الوالدة مسكينة كل ليلة مترقدش حتان يجي هو تظل تكلم فيه كل دقيقة مسكينة ترقد هي الاخيرة و تنوض عل 6 . و اللخ حرام عليه يا اخوان ولبت ندعي عليهمن قوة الشي لي دارو فينا .
و زيد بزيادة يقرا ف الجامعة وزهار يروح 10 لا . حاولت نديه يفوت لارمي فورصي عليه حكيت مع واحد نعرفو قالي متقدرش ...
لي يقدر يساعدني ميبخلش و شكرا لكم

[مراد سابقا10]

يا خويا خوك مريض وانت تعترف بذلك مادام قالكم الطبيب مريض انتهى الأمر المشكل واش يتريقل لازم يشرب الأدوية وكي يشربها كثير

من تصرفاته السيئة ينحيها انا كنت نعرف واحد في العائلة كيما خوك ميشربش الدواء والنهار كامل وهو في المشاكل مع الناس واحد النهار

ربطوه بالسيلان وادوه لمستشفى المجانين اضرب سمانة كي اخرج ولى هو يشرب في الأدوية من تلقاء نفسوا اذا مكانش هددوه بلي تديوه

لمستشفى المجانين ولعلمك اخي يقدر الطبيب لي يدواي عندو يكتبلك برية واش دخلوا للسيبطار اذا مريض فعلا .

[kimjia]

هذا تصرف عادي من شخص مصاب بالاكتئاب وثنائية القطب
لازم عليكم انكم تراقبوه خصوصا لا يؤذي روحي خاصة ثنائية القطب ساعات يكون فرحان وساعات لا قدر الله يفكر في انتحار واعطولو دواء باستمرار وعرضوه على طبيب نفسي هذا هو الحل الوحيد الطبيب هو لي يقدر يقنعو يبدل هي التصرفات ومستحيل تقدر تديه للارمي بسكو ممنوع خاصة انو مريض نفسي وممكن يؤذي زملاؤ هناك والصبر هو مفتاح كل شيء
و لا انصح بفكرة الاخ انكم تهددوه بمستشفى المجانين باسكو هو مهوش مجنون عقلو سليم بصح نفس نتاعو هي لي مريضا
وبما انو يقرى في الجامعة هذا يدل على انو مهوش مجنونوهكذا يزيد يتعقد الامر ويولي ميوثق في حتى واحد من داركم
والطبيب النفسي هو الصح
وربي يجيب الشفاء

[حسناء بنت الجبل]

ربي يشفيه و يصبركم عليه ، فقط عليكم بالاحتساب و أجركم على الله .

[3ahmed3]

لا يجب ان تعاملوه بقسوة سوف يزيد الطينة بلة
بل امنحوه الحب
لا تتركوه فقط للمخدرات