🍰🍰🍰🍰اروع و اسهل بقلاوة على الاطلاق لا آلة و لا تعب 🍰🍰🍰🍰

[ساحل التوبة]

المشاركة الأصلية كتبت بواسطة زينب 83

السلام عليكم و رحمة الله و بركاته

[color="purple"]اليوم جبتلكم بقلاوة تونسية هي تختلف عن طريقة عمل البقلاوة الجزائرية و قريبة جدا جدا من البقلاوة التركية سهلة في العمل و نتيجتها رائعة



*المقادير

كاس نحط فيه ثلث زيت ،بيضة ،و الباقي نكملو ماء زهر

3 كيسان فرينة ممكن اكثر شوي او اقل
ابداو بزوج كيسان و زيدو بالشوي باه ماجيش يابسة
رشة ملح

*نخلطو المقادير حتى نتحصلو على عجينة طرية مش يابسة مثل عجينة القريوش
نعجنو العجينة بنفس طريقة المسمن بلا ما نقطعوها
و هذه اهم خطوة في العمل ،العجن يكون حوالي 10 دقايق
نقطعوها كرات صغيرة ، حجم الكرات يكون حسب حجم الصينية

*نطرحو كل كرة على حدا مع رش نشاء الذرة

*كمية النشاء تكون بزاف
نحطو اقراص العجينة فوق بعض و نحطو بيناتهم كمية مليحة من النشاء باه مايلصقوش ،نغطيوهم بكيس بلاستيكي و نخليوهم يرتاحو ساعة كاااملة او اكثر ووهذه مرحلة مهمة

*بعد الساعة نجيو لاسهل مرحلة
نذوبو السمن او الزبدة ندهنو السنيوة مليح و نبداو نحلو الاقراص
الاقراص راح يتحلو بيدينا بكل بساطة بدون زيت او حلالة

*العجينة راح تكون مطاطية جدا نلصقو جزء من طرف السنيوة و نجبدو راح ترجع العجينة رقيقة مثل عجينة المسمن
ندهنوها بالزبدة و نكملو باقي الطبقات و طبعا الزبدة تكون بين جميع الطبقات
بعد 7 او 8 طبقات نحطو الخشو

*في تونس يحطو المكسرات من دون اي اضافات يعني جافة
انا حطيتلها شوية ماء زهر و ملعقة اكل سكر فقط

*حطيت الحشو و سقيتو بشوية زبدة ذايبة
و كملت باقي الطبقات بنفس الطريقة و بيناتهم اكيد زبدة ذايبة
بعد ما كملت دهنتها من فوق بالزبدة و قصيتها
و دخلتها الفرن

*نقطة مهمة
الفرن سخنو ملييييح من قبل و مباعد نقصتلو و خليت البقلاوة طيب على نار قليلة باه تورق مليييح و يطيبو كل الطبقات
بعد ما طيب من تحت و من فوق نعسلوها و هي سخونة بعسل بارد و ثقيييل من دون اي اضافات باه تبقى مقرمشة


هاذ المقادير تاع العجينة تدي حوالي 1 كلغ مكسرات و 800غ عسلcolor]


url=https://www.m5zn.com/out.php?code=16525835]][/url]




































[i]

*و هاذي كنت درتها في العيد
من تحت بعجينة الفيلو و من فوق بالعحينة التونسية لانها كانت اول تجربة و خرجة تحفففة

جربوها حبيباتي ساااهلة في دقائق ديري سينية بقلاوة بلا تعب و فوقها النتيجة رائعة و الطبقات يجيو رقاق بزااااااف احسن من الالة 100 مرة

ملاحظة

درت ب 1 كلغ مكسرات و العسل خوالي 800غ و قطعتلي بالتقريب 40 حبة
ادعيولي براحة البال غالياتي/i]

يعطيك الصحة والعافية. شكرا جزيلا

[ثلجَة]

شكرا جزيلا رب يحفظك

[djazia87holi]

ماشاء الله تهبل يعطيك الصحة مام انا كي نخدم البقلاوة تقريبا كي عجينتك بصح ندير السمن في بلاصة الزيت بصح ربي يبارك الورقات نتاعها رقا ق انا نرققهم بصح ندير 4ورقات من تحت و4من فوق وتجي مورقكة المهم يعطيك الصحة افدتينا

[زهرة الريف*]

روووووووووعة ماشاءالله دائما مبدعة ربي يبارك فيك

[جنى الجنتين]

ما شاء الله

[loula2015]

بارك الله فيك و الله تشهي

[wala]

بارك الله فيك

[Sakurasakura]

الله يبارك تشهي

[روضة من رياض الجنة]

يعطيك الصحة وراحة البال

[nad16]

بارك الله لك اخت زينب دايما متالقة شكرا

[أم ملك وملاك]

فوووور خرجتلك روووعة
يعطيك الصحة

[rayen73]

بارك الله فيك ورب يفتح عليك ويريح قلبك ويرزقك ما تتمنين اختي زينب

[nanigeo]

حقا بقلاوة ولا اسهل شكرا على الوصفة والشرح

[القناعة كنز]

الف شكر ليك زينب

[mounira titi]

غاليتي زينب تحفة كما عادتك ربي يهنيك اختي و يبارك لك في كل ما تتمنيه