مشاركة فريق قسم الطبخ في مسابقة جوهرة رمضان التحدي الثاني

[أم ضياء عبد الرحيم]

التحدي الثاني لمسابقة جوهرة رمضان
كان عبارة عن تحضير وجبة خفيفة للسحور بلمسة ابداعية + تحلية باردة فخمة Crème Dessert
بالنسبة للسحور فأول شيء يتبادر للأذهان هو المسفوف طبعا
الحقيقة انا ماكنتش متحمسة لفكرة المسفوف لان علابالي الكل راح يخمم فيها لكن عطور عطاتني فكرة تقديم خلاتني غيرت رأيي لانها فكرة مبتكرة و اضافت للطبق لمسة ابداعية اظن اغلب من يرى الطبق لاول مرة ميعرفش انه مسفوف المهم كثرة الهدرة حبيت فقط نقول ان الفكرة تاع عطور و انا طبقت فقط
المكونات
نحضر مسبقا المشمش المجفف و عين بقرة حطيتو هم في شوية ماء فيه قطرات ماء الزهر تقدروا ما ديروش و خليتهم يرطابو شوية و من بعد قطعتهم قطع صغيرة
زبيب للتزيين
بيستاش مرحي و جوز
نحضر مسفوف عداي كيما مالفين نحضروه انا فورت خطرتين و درت الزبدة و الزبيب و شوية سكر ما كثرتش لانه في الزبيب
التقديم
التزيين يكون قبل الاكل مباشرة باه يبقى المسفوف سخون
في صحن حطيت المول الي ينفتح على الجنب درت طبقة تاع عين بقرة ثم طبقة تاع المسفوف ثم طبقة تاع المشمش المجفف و طبقة اخرى مسفوف و نزين بالزبيب و البيستاش المرحي و الجوز و يقدم مع الحليب او اللبن
اتمنى ان ينال الطبق اعجابكم





التحلية

كريمة الكرز و الكيوي
نفس الطريقة استعملت مرة الكرز و مرة الكيوي
مقادير كريمة الكرز
300 غ كرز او فريز
250 غ ياغورت طبيعي او نكهة كرز او فريز اذا اخذانا المنكه نقصو كمية السكر
6 م ك سكر
2 م ك مربى الكرز او الفيرز
8 غ جيلاتين
فانيلا
الطريقة
نرطب الجيلاتين في الماء
نرحي الكرز او الفريز و نحطو في كاسرول على النار مع السكر و المربى يطهى مدة 5 دقائق ثم نضيف الجيلاتين و نزيد نخليها تزيد دقيقتين على النار ثم انحيها و نضيفلها الياغورت و الفانيلا و نخلط مليح
نحطها في اكواب او نحطها تبرد مدة 4 ساعات
و نفس الطريقة لكريمة الكيوي المربي تقدري ما ديريش و تزيدي كيمة السكر او اديري تاع المشمش
هنا درتهم طبقات و من الفوق درت الكيوي و الكرز





في امان الله و لنا معكم ميعاد ان شاء الله مع التحدي الثالث

[مياسم الصمت]

حبيبتي جيادا كل شيء الله يبارك تحفة

ربي يعطيك ويهنيك

الله لا يحرمنا من لمسة ابداعك

وربي يحفظك ويعطيك صحتك

[Maria dadi]

يعطيك الصحة اخت جيادا وعطور الزينة ربي يسلم اديكم

[ام كوكو]

4444444444444444

[om djawad]

روووعة تبارك الله عليك

[jojo dj]

راكي هايلة يعطيك الصحة صحا صيامك

[أم إناس]

ماشاء الله والله يبارك روووووووووووووعه يعطيك الصحه
اختي جيادا

[idron0]

الله يبارك حبيبتي

[x ام رحاب x]

ماشاء الله لاقوة الا بالله العلي العضيم اختي هاذا فن ماهوش طياب والله غير فنانة ربي يبارك فيك حبيبتي

[jana ns]

الله يبارك رائع

[ام سهام 02]

تبارك الله فناااااااانة

[Oum ilyesse]

السلام عليكم أختي ، والله أنا ما عندي حاجة في المسفوف بالزبيب، بصح والله شهيتيني ، روعة ماشآء الله وطريقة التقديم fffffffort، واش نزيد لك والتحلية هائلة ربي يبارك، دائماً ندعي لك ونقول ربي يشدلك هادوك اليدين ويحفظك أمين ياربي ، تقبلي مروري حنونة سلامي
:1 9:

[souheila dz]

شكراااا جيادا على الوصفة ربي يحفظك أختي

[hayette82]

444444444444444444444444444444444444444444

[امونة الشاوية]

بارك الله فيك