طلاب التسيير

[العاتري12]

السلام عليكم ورحمة الله وبركاته اخوتي اريد من طلبة التسيير ان يتجمعوا باش نحضروا شوية للبكالوريا 2016 الناس كامل تقرا غير احنا الي يحب يقرا يقرا معايا ونتجمعوا هنا باش ننجحوا في الباك ان شاء الله نستناكم كامل هيا وينكم

[nihal fatima]

وعليكم السلام وانا تانيك طالبة في التسير ان شاء الله 2016 عندي الباك وحاب نبد من دوكا

[ana hia]

اوووووكي انا هذا العام عقبت حبيتو ننصحكم

[nihal fatima]

مي كيفاه ندير ماني فاهم والو وكيفاه نبدا في القريا وكيفاش نقسم وقتي

[ana hia]

شوووةفي روحي للمكتبة روحي اشري كتاب محمودي عادل و ابداي احفضي فيه ... انا عقبت و ندمت كي ما بديتش بكري

[العاتري12]

شوفي اختي لازم تكون هذه الصفحة مفتوحة لنراجع معا واكتبي في قوقل جدول تنظيم الوقت في البكالوريا وشوفي في الموقع الاول للدراسة في الجزائر حمليه والا اكتبيه كيما درت انا واذا حبيت مساعذة في اي مادة ستجديني في هذه الصفحة وما تغيبوش دائما نتلاقاوا هنا

[العاتري12]

اختي نحتاجك في شرح او ملخص الوحدة الاولى في المحاسبة اكتبيه انتي باش نفهموه وربي ينجحك وينجحنا كامل

[ana hia]

نتاعش الدرس هههه .. وقيل درس الاهتلاك
شوف هو درس ساهل ما يختلفش بزاف على الإهتلاك نتاع الدوزيام فهمت ... كاين فرق في الاهتلاك المتناقص و المتزايد برك ... بالصح علاه ما تبداش بتاع الحفاضة صدقني راك من بعد تحصل ...

[nihal fatima]

اختي محمود عادل هذا الكتب وشمن مادة+اني نسقسي فيك باسكو معلبالش+ والتوقيت هذا ثابت على 6 طول شكرااااااا

[العاتري12]

والله راني نحفظ ونراجع وما فهمتش اختي راني نقصد اعمال نهاية السنة

[nihal fatima]

خوتي وعلاش مديروش مجموعة زعما في ***** هكا ونقرو مليح ++مجرد راي لاغير هه

[nihal fatima]

خونتي وعلاش مديروش مجموعة هاك تهدرو فيها +نفهمو بلخف + مجرد راي واد تقدرو

[ana hia]

شوف اعمال نهاية السنة ساهل فيه حفاضة و فهم ... و هذا المجال طويل ... لازم تصبر شوي على الفهامة خطراكش لازم تفهم بالشوي و بالقطرة ..... فهمتني .. و كتاب محمودي عادل هو نتاع اجتماعيات فيه دروس و فيه مصطلحات .... و بالنسبة للفيييييييييسبوك انا حاليا ما عنديش ذي السمانة نحل واحد ان شاء الله راني نعلمكم

[nihal fatima]

مرسي ختي ربي يخليك وان شاء الله نفرحو بيك هد العام

[ana hia]

بلا مزية حنونة و أي استفسار الهام في الخدمة ...