♠⊱⋛⋋الدرس الاول من تعليم فنون الطبخ...مقبلات البطاطا..♠⊱⋛⋋

[زينب 83]

اهلًا بكم غالياتي في اول درس لنا في هذه المدرسة
بما انه اليوم اول درس و مازال ماوالفتوش ريتم المدرسة ، فكرت اني نقدم درس خفيف و أفكاره سهلة و خفيفة و تقدر اي ربة بيت ديرها و اخترت مكون بسيط و متوفر في اغلب البيوت الجزائرية ،






و تعمدت اني نحط عدة افكار باه ماتتقيدوش و تكون عندكم حرية الاختيار
يعني الإلزامي هو وصفة واحدة فقط و الباقي اختياري كل واحدة و إمكانياتها


هيا نبدأ بسم الله



أعشاش البطاطا

هذه مقبلة سهلة و لذيذة و غير مكلفة و صحية

نغسل البطاطا و نرابيها و مباعد نعصرها مليح من الماء بواسطة مصفاة و لا بيدينا ، نزيدولها شوي ملح ،ثوم ،بيض، فلفل ابيض و نرصوها في المول يكون مدهون بالزبدة و نديرو فجوة في النص ، طبقة البطاطا ماتكونش سميكة
ندخلوها فرن سخوووون شاهل من تحت و نخليوها حتى تقرب طيب
كي قريب يطيب نجبدوه و نعمروه

ببيض مخفوق مع جبن ملح بهارات دبشة مقطعة و ممكن اضافة تونة ،فطر ،دجاج ،لحم مفروم

و نزيدو شوي جبن مبشور و ندخلوهم حتى يطيب البيض














ميني بيتزا البطاطا

هاذي وصفة سهلة جدا و لذييييذة و راح تعجب الاطفال

نقطعو البطاطا بالطول او بالعرض اذا حبات كبار ، السمك يكون حوال نصف سنتيمتر
نفوروها و نحطوا فوقها الصلصة ثم الجبن المبشور
الصلصة
سخنت بضع ملاعق حليب و ذوبت فيها جبن مثلثات و خلطت حتى عقدت و اضفتلها ثوم مرحي ، زعيترة، شوي لحم مفروم طايب قبل و قطع فطر و طماطم مقطعة قطع صغااااار
هاذو كامل نخلطو هم مع بعض و نحطوهم فوق البطاطا ، الصوص تكون عاااااقدة ماشي جارية
ندخلوها فرن سخووووووون شاعل من فوق حتى تتحمر و يذوب الجبن












ميلفاي البطاطا

هذي فكرة سهلة و لذيذة جدا ، انا حبات البطاطا لي عندي صغار ممكن ديروها اكبر حجما و راح تكون مرافق جيد للدجاج المحمر
نقعطعو البطاطا قطع رقاق على طريقة الشيبس و نطوهم فوق مناديل ورق تمتص الماء
نتبلو هم بشوي زبدة او زيت ملعقة او اثنين حسب الكمية و نزيدو ،ملح ،زعتر، ثوم مجفف، و شويييية جبن مبشور و نخلطو كلشي
مباعد نجيبو مول مدهون مليح بالزبدة و نستفو قطع البطاطا على طريقه الميلفاي و نرشو من فوق جبن مبشور و ندخلوها لفرن سخون حتى تتحمر و طيب
مقرمشة من برا و طرية من داخل اممممممممم













بينيي البطاطا

هاذو البينيي بنان ياسر ياسر
العجينة
كيلتين بطاطا مسلوقة و مهروسة ، انا غسلتها و سلقتها بالقشر و مباعد قشرتها
كيلة فرينة
ملعقة قهوة خميرة كيميايية
رشة ملح
ملعقتين جبن مبشور او قطعة جبن مثلثات
نخدمو العجينة بالباتور نحطو البطاطا اولا ثم الفرينة و باقي المكونات، و نخلطو حتى ترجع العجينة طرية و نخلوها عادي و نقصو اقراص نحشيوهم بالحشو لي نحبو
انا حشيتهم بلحم مفروم مقلي مع بصل و ثوم و بهارات و شوية جبن احمر و نغطوهم بالأقراص الثانية
و نقليوهم في زيت سخوووون، راهم يطيبو بسرعة

و اللذة مانحكيش ذوقو و أحكموا مع رشة عصير ليمون اممممممممم













ميني همبورغر البطاطا

هذي طريقة سهلة و لذيذة لتقديم الهمبورغر و في نفس الوقت لذيذة و ممكن تتحكمو في الحجم كيما تحبو
و نقدرو نديروها بالبطاطا او بالكورجيت

نرابيو البطاطا و نعصروها من الماء مليح و نتبلوها بملح ، فلفل ابيض، ثوم ، دبشة مقطعة ، و بيض ونخلطوه

نسخنو مقلة ماتلصقش و اذا تلصق ندهنوها بالزيت و نحطو مول مدور و نحطو في وسطو الحشو و نخليوه يطيب على نار هادئة من الجيهتين
على فكرة غير يحكم الشكل نحيو المول و نحطو قرص تاني

بصح ما يطيبو نشكلوه على شكل همبورغر بإضافة أقراص اللحم و السلطة و الجبن و الطماطم

لي ماعندهاش اللحم ممكن دير أقراص بيض داخل المول











اصابع البطاطا بالمرغاز
هذه وصفة لذيذة جدا جدا

نقطعو البطاطا و نفوروها و نرحيوها بالفرشيطة او الرحاية اليدوية ضروري بالروبو تولي مطاطية و ماتقدروش تخدم بيها و نزيدولها ثوم ، بهارات ، ملح ، صفار بيض ، دبشة او معدنوس مقطع

نطيبو المرغاز و نفرغوه من كامل الزيت تاعو بعد ما نثقبوه

نغلفو حبة المرغاز بالبطاطا و نشكلوها على شكل أصبع بمساعدة عمود الشواء نحطوه يرتاح شوي في الثلاجة ،نمرروه في بيض ثم فرينة
و نقليوه في زيت سخووووون
و البنة اممممممممم،
صحاب الريجيم هاذي خاطيتكم ههههههه











ورود البطاطا

مذاق لذيذ و شكل ألذ

للعجينة انا درت عجينتي لي معتامدتها
كاس حليب دافئ
ملعقة خميرة
ملعقة سكر
فرينة
نطلعوا اولا الخميرة مع الحليب و السكر و نضيف الفرينة تدريجيا و اخيراً نزيدو الزبدة حتى نتحصلوا على عجينة طريقة و تلصق لاااااازم
نخليوها تخمر كي تضاعف الحجم نهبطوها و نشكلوها

البطاطا نقصوها قطع دائرية رقيقة نقليوها او نرشوها بشوي زيت و نطيبوها في الفرن

نطرحو العجينة فوق جلجلانية مرشوشة و نقصوها شرائح رقاق نستفو قطع البطاطا و نرشو شوي جبن مبشور و نلفوها على شكل وردة ندهنوها بحليب و نخليوها تخمر و مباعد نطيبوها في فرن سخوووووون مسبقا بعد ما ندخلهم نقصي لو شوي باه طيب من داخل مليح و اذا عندكم المروحة شغلوها
و هذي النتيجة













هذا الدرس الاول يا رب تكونو استفدتو منو و اذا ماعجبكمش ، ان شاء الله الدروس القادمة تكون احسن
بانتظار تطبيقاتكم غالياتي و لكم حرية الإبداع

[*أم كوثر*]

الله يبارك ماشاء الله
ابدعتي زينب وماهذا بغريب
الافكار روعة والمكونات بسيطة وموجودة في كل بيت
ان شاء الله الاخوات يشطاروا شوية ويورونا ابداعاتهم
مرة اخرى
الف شكر وربي يحفظلك اناملك الذهبية
وبالتوفيق للجميع

[Omrihem]

زينوبة رواييييييع حبيبتى تسلم الايادي كلشي top شاف من دون منازع حبيبتي الغلية

[زينب 83]

بارك الله فيك غاليتي ام كوثر فرحت بتشجيعك و فرحت بثقتك فيا ، ان شاء الله راح يكونو الدروس احسن في المستقبل

[oumjiji]

اهلا اختي زينب حبيت نعرف شكون اخترتو لهذه المسابقه ولا الكل يقدر يدخل في هذه المدرسه لم افهم قوانين هذه المسابقه ياريت تغهمينا ولكي جزيل الشكر

[زينب 83]

اهلًا غاليتي ام جي جي هذه المدرسة مفتوحة للجميع سجلي اسمك في الموضوع لي تحت هذا
شرطها الوحيد هر الاتزام و التطبيق

[oumjiji]

نجربو جميع الوصفات ولا واش نقدرو واسمحيلي راىعه كالعاده حبوبه ربي يرزقك الجنه

[زينب 83]

المشاركة الأصلية كتبت بواسطة omrihem

زينوبة رواييييييع حبيبتى تسلم الايادي كلشي top شاف من دون منازع حبيبتي الغلية

شكرًا حبيبتي ام رهام بانتظار التطبيق

[زينب 83]

المشاركة الأصلية كتبت بواسطة oumjiji

نجربو جميع الوصفات ولا واش نقدرو واسمحيلي راىعه كالعاده حبوبه ربي يرزقك الجنه

كي يكون الدرس فيه وصفة واحدة اجباري طبقيها اما اذا كانو عدة وصفات كيما ليوم طبقو واحدة إلزامي و الباقي اختياري
الدرس يكون مرة في الاسبوع و عندك اسبوع كامل للتطبيق

[x ام رحاب x]

ماشاء الله عليك معلمتي الجميلة تسلم ايدك برك استفسار الوصفى الي انحبها انطبقها ماشي شرط كامل الوصفات ياحلى شاف

[pierre pearl]

المشاركة الأصلية كتبت بواسطة زينب 83

اهلًا بكم غالياتي في اول درس لنا في هذه المدرسة
بما انه اليوم اول درس و مازال ماوالفتوش ريتم المدرسة ، فكرت اني نقدم درس خفيف و أفكاره سهلة و خفيفة و تقدر اي ربة بيت ديرها و اخترت مكون بسيط و متوفر في اغلب البيوت الجزائرية ،






و تعمدت اني نحط عدة افكار باه ماتتقيدوش و تكون عندكم حرية الاختيار
يعني الإلزامي هو وصفة واحدة فقط و الباقي اختياري كل واحدة و إمكانياتها


هيا نبدأ بسم الله



أعشاش البطاطا

هذه مقبلة سهلة و لذيذة و غير مكلفة و صحية

نغسل البطاطا و نرابيها و مباعد نعصرها مليح من الماء بواسطة مصفاة و لا بيدينا ، نزيدولها شوي ملح ،ثوم ،بيض، فلفل ابيض و نرصوها في المول يكون مدهون بالزبدة و نديرو فجوة في النص ، طبقة البطاطا ماتكونش سميكة
ندخلوها فرن سخوووون شاهل من تحت و نخليوها حتى تقرب طيب
كي قريب يطيب نجبدوه و نعمروه

ببيض مخفوق مع جبن ملح بهارات دبشة مقطعة و ممكن اضافة تونة ،فطر ،دجاج ،لحم مفروم

و نزيدو شوي جبن مبشور و ندخلوهم حتى يطيب البيض














ميني بيتزا البطاطا

هاذي وصفة سهلة جدا و لذييييذة و راح تعجب الاطفال

نقطعو البطاطا بالطول او بالعرض اذا حبات كبار ، السمك يكون حوال نصف سنتيمتر
نفوروها و نحطوا فوقها الصلصة ثم الجبن المبشور
الصلصة
سخنت بضع ملاعق حليب و ذوبت فيها جبن مثلثات و خلطت حتى عقدت و اضفتلها ثوم مرحي ، زعيترة، شوي لحم مفروم طايب قبل و قطع فطر و طماطم مقطعة قطع صغااااار












ميلفاي البطاطا

هذي فكرة سهلة و لذيذة جدا ، انا حبات البطاطا لي عندي صغار ممكن ديروها اكبر حجما و راح تكون مرافق جيد للدجاج المحمر
نقعطعو البطاطا قطع رقاق على طريقة الشيبس و نطوهم فوق مناديل ورق تمتص الماء
نتبلو هم بشوي زبدة او زيت ملعقة او اثنين حسب الكمية و نزيدو ،ملح ،زعتر، ثوم مجفف، و شويييية جبن مبشور و نخلطو كلشي
مباعد نجيبو مول مدهون مليح بالزبدة و نستفو قطع البطاطا على طريقه الميلفاي و نرشو من فوق جبن مبشور و ندخلوها لفرن سخون حتى تتحمر و طيب
مقرمشة من برا و طرية من داخل اممممممممم













بينيي البطاطا

هاذو البينيي بنان ياسر ياسر
العجينة
كيلتين بطاطا مسلوقة و مهروسة
كيلة فرينة
رشة ملح
ملعقتين جبن مبشور او قطعة جبن مثلثات
نخدمو العجينة بالباتور انا تولي طرية و نخلوها عادي و نقصو اقراص نحشيوهم بالحشو لي نحبو
انا حشيتهم بلحم مفروم مقلي مع بصل و ثوم و بهارات و شوية جبن احمر و نغطوهم بالأقراص الثانية
و نقليوهم في زيت سخوووون، راهم يطيبو بسرعة

و اللذة مانحكيش ذوقو و أحكموا مع رشة عصير ليمون اممممممممم













ميني همبورغر البطاطا

هذي طريقة سهلة و لذيذة لتقديم الهمبورغر و في نفس الوقت لذيذة و ممكن تتحكمو في الحجم كيما تحبو
و نقدرو نديروها بالبطاطا او بالكورجيت

نرابيو البطاطا و نعصروها من الماء مليح و نتبلوها بملح ، فلفل ابيض، ثوم ، دبشة مقطعة ، و بيض ونخلطوه

نسخنو مقلة ماتلصقش و اذا تلصق ندهنوها بالزيت و نحطو مول مدور و نحطو في وسطو الحشو و نخليوه يطيب على نار هادئة من الجيهتين
على فكرة غير يحكم الشكل نحيو المول و نحطو قرص تاني

بصح ما يطيبو نشكلوه على شكل همبورغر بإضافة أقراص اللحم و السلطة و الجبن و الطماطم

لي ماعندهاش اللحم ممكن دير أقراص بيض داخل المول











اصابع البطاطا بالمرغاز
هذه وصفة لذيذة جدا جدا

نقطعو البطاطا و نفوروها و نرحيوها بالفرشيطة او الرحاية اليدوية و نزيدولها ثوم ، بهارات ، ملح ، صفار بيض ، دبشة او معدنوس مقطع

نطيبو المرغاز و نفرغوه من كامل الزيت تاعو

نغلفو حبة المرغاز بالبطاطا و نشكلوها على شكل أصبع بمساعدة عمود الشواء ،نمرروه في بيض ثم فرينة
و نقليوه في زيت سخووووون
و البنة اممممممممم،
صحاب الريجيم هاذي خاطيتكم ههههههه











ورود البطاطا

مذاق لذيذ و شكل ألذ

للعجينة انا درت عجينتي لي معتامدتها
كاس حليب دافئ
ملعقة خميرة
ملعقة سكر
فرينة
نطلعوا اولا الخميرة مع الحليب و السكر و نضيف الفرينة تدريجيا و اخيراً نزيدو الزبدة حتى نتحصلوا على عجينة طريقة و تلصق لاااااازم
نخليوها تخمر كي تضاعف الحجم نهبطوها و نشكلوها

البطاطا نقصوها قطع دائرية رقيقة نقليوها او نرشوها بشوي زيت و نطيبوها في الفرن

نطرحو العجينة فوق جلجلانية مرشوشة و نقصوها شرائح رقاق نستفو قطع البطاطا و نرشو شوي جبن مبشور و نلفوها على شكل وردة ندهنوها بحليب و نخليوها تخمر و مباعد نطيبوها في فرن سخوووووون مسبقا بعد ما ندخلهم نقصي لو شوي باه طيب من داخل مليح و اذا عندكم المروحة شغلوها
و هذي النتيجة













هذا الدرس الاول يا رب تكونو استفدتو منو و اذا ماعجبكمش ، ان شاء الله الدروس القادمة تكون احسن
بانتظار تطبيقاتكم غالياتي و لكم حرية الإبداع

شكؤا على مجهوداتك الجبارة ربي يجازيك

[ريتاج 09]

بارك الله فيك وصفات رائعة وبسيطة
ان شاء الله نكونو قد التحدي

[حياة نور الدين]

ان شاء الله نقدروا نطبقوا وصفاتك اللي حطيتيها لانها بسيطة
المهم واش هو الطبق الالزامي

[ام و ابنة]

رووعة وصفات جديدة و مميزة و خفيفة في متناول الجميع و اغلبها صحي جدا
جزاك الله خيرا على هذا الجهدو التعب
اذا راني فاهمة مليح عندنا مهلة اسبوع بش نحطو تطبيقاتنا لوصفة او اثنين او اكثر ياخي هكذا
و التطبيقات نحطوهم هنا في هذا الموضوع
ترقبو تطبيقاتي باذن الله خخخخ

[ذات النورين]

راح نختار وحدةونطبقها ان شاء الله
فقط عندي سؤال وين نحطو تطبيقاتنا