انوي بوقالة على العضو اللي يجي بعدك - الصفحة 3

mima12 · 2010-03-13, 12:54

هادي للي بعدي:

'''خيوط الليل ذابت ..و شعاع الصبح بان..
و الشمس فوق لاحت..ذهب عليا اللي كان..
و اللي زمان غابت..جات اليوم تبان ..
تسقم السعد ثابت...اتهنيت و الحظ زيان..''

*شمس الوداع* · 2010-03-13, 17:11

شكرا جزيلا على الموضوع المميز و على البوقالة
أنا منعرفش بزاف
لقيت هاذي البوقالة للي بعدي
علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .

~~mehdi.com~~ · 2010-03-13, 17:24

merci beaucoup

marissa.l · 2010-03-13, 20:18

وهادي للي بعدي
-خرجت في الليل ...نطلب في الله ...صبت النجوم دايرن ...وقالولي صلي على رسول الله...*ص*... ولي تستناهم راهم راجعين

*شمس الوداع* · 2010-03-13, 21:08

شكرا على البوقالة و هاذي للي بعدي
أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح

مجيد 88 · 2010-03-14, 08:07

شكرااااااااااااااااا جزيلا على هذه البوقالات الجميلة يالله هاذي بوقالة للي بعدي زعما من زهر شكون

عين الشمس تمسات وخلات الضباب وراها وانا عيني عيات معلقة في سماها عينها رقدت وتهنات وانا قلبي ما نساها

mima12 · 2010-03-14, 16:20

شكرا

يا مولاة القلب الكبيرربي يعطيك و يوسع عليك ما عندك لا ذهب و لا حرير و أنت دايما زاهية و ربي مسهلك مادريت من حيلة ندير باش نكون مثلك .

*شمس الوداع* · 2010-03-14, 16:38

هههههه شكرا جد جميلة هذه البوقالة شكرا
و هاذي للي بعدي
في الدار صندوق مخبي في وسطو ذهب و جوهر مرجان و روبا قظيفة قالولي اماليا لمن مخبيه قلتلهم لهذيك مولاة الشان مولاة المشية الظريفة

نور الهدى دريد · 2010-03-14, 17:07

شكرا بوقالة روعة

mima12 · 2010-03-14, 21:25

'دارنا علات و شمسنا ضوات الطفلة اللي تحبها راهي جات و هي لالة البنات ''

*شمس الوداع* · 2010-03-15, 13:31

السلام عليكم
شكرا

هاذي للي بعدي
الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا .

amine-maghnawi · 2010-03-15, 15:13

بوقالة شوفولي وحد على امين

مجيد 88 · 2010-03-15, 15:21

شكرا فعلا بوقالات جميلة يالله هاذي للي بعدي شكون زعما راح يكون:

دارنا فنار وزجاجنا بلار من صاب حبيبتي نقصد ليها طول النهار ربي يا كريم اجمعني بيها بجاه النبي المختار

roy najma · 2010-03-16, 22:02

أنا مرانيش حافظتهم بصح هذي وحدة للي بعدي
هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

أحلام سرمدية · 2010-03-17, 16:41

الله الله عليك وهادي للي بعدي
نطلب ربي الفتاح يعطيني نحل البيبان و نشوف الهناء و نرتاح .
وحكمتكم :العلم نور والجهل ظلام