انصحوني يرحم والديكم --------- الامر مهم جدا ------------

[مشكلتي]

انا بنت في سن 14 _____ سن المراهقة _____
ابي متوفي بعد ما مات ابي امي تزوجت برجل اخر ولكن الرجل يرفض ان اسكن معه فامي قبلت وتركتني وحدي في بيت متواضع وتزورني كل يوم عند انتهائها من عملها ولكن انا بحاجة الى حنانها اصبحت مكتابة جدا اصبحت كالمجونة فكرت في الانتحار ولكن ____ لا اجد من ينصحني --------
امي تهملني جدا
اصبحت لا اذهب الى المدرسة
اصبحت ابكي وحدي
دموعي نشفت من البكاء
لا استطيع العيش وحدي
انا السنة نعقب البيام ولكن اعلم انني سافشل
انصحوني ماذا افعل هل اهرب الى بلد تاني --------- نروح حراقة ---------
رفيقاتي يقولولي نتي معندكش باباك دبرتتيها تديري واش تحبي
انا كرهت بصح محتاجة نصائحكم بزااف
ساعات نتحقر من قبل زملائي في القسم باسك معنديش خويا
يعايروني يقولولي المغبونة المغبونة كل هكذا
ولكن سبب المشاكل كلها هو زوج امي
تحياتي

[روميسة حبيبة]

سلام
اين افراد العائلة اخوالك اعمامك

[ع.عيسى]

لك الله... لي خلق ما يضيع... ربي رآه مكتبلك مخرج من حيث لا تحتسبين... شوفي كاش زاوية لتحفيض القرآن تقيمين فيها رايحة تلقاي الونس إضافة إلى الاهتمام والرعاية.. حتان ربي يفرج عليك بالزوج الصالح والذرية الصالحة.*

[~ قدس ~]

ختي ماكيش اول وحدة ولا اخر وحدة خلتها ماماها .. ولا توفالها الاب تاعها ..
لازم تثبتي وبجدارة للناس لي حولك لماماك بلي نقدر نوقف على ساقيا وحدي اعطي الحنان من نفسك لنفسك .. اثبتي لزميلات لي يحتقروك بلي ماكيش وحدة سااهلة .. اقرااي واوقفي على رجلك لقراية هي لي تمنعك من كل الاخطار .. تقربي لربي أكثر فأكثر اقري كتب دينية احفظي قرآن ربي يحميك من شر عباده .. بالكي ديري في بالك حاجة ماش مليحة ولا تخممي فيها أصلا .. شدي رووحك وتحلي بالاخلاق الحميدة حافظي على شرفك .. واصلي للنهاية بااش تكتبي قصة نجاح انتي بطلتها .. اثبتي للعالم انك ماكيش وحدة هينة او يستهان بها اثبتي نفسك اثبتي نفسك ..
++ لو حبيتي ابعثيلي رسالة او طلب صداقة نزيد نحكي معاك اكثر وديريني كي اختك

ربي يفرج عليك لحبيبة .. الطريق ماش سااهل .. لكن اذا قررتي تسلكيه راح يجيك سااهل ..

[hadjer misk]

ررب ف رج صديقتي

[Salima2017]

ربي يفرج عليك. كيما قالك الأخ عيسى شوفي مسجد أو زاوية أو جمعية لتحفيظ القران تلقايها دنيا و اخرة . ستجدين أكيد صحبة صالحة تعينك على مصاعب الحياة.

[*** عبق الزهور ***]

السلام عليكم

حبيبتي اعلم ان ماتمرين به جد سيء وتحسين بانك وحيدة في هذا العالم

لكن حاولي ان تجعلي هذا نقطة قوة لا ضعف مثلا ركزي اكثر في دراستك بالعامية ماتفيدك غير قرايتك وهي لي تلقايها غدوة من غدوة لا قدر الله تقدري تسلكي روحك بديبلومك وخدمتك وماتسمعيش للبنات لي يقولولك تقدري ديري واش تحبي مين ماعندكش اب هناك رقابة الاهية يعني ربي راه يشوف فيك اختي
حاولي تقوي نفسك بنفسك لانك انت الحل لنفسك
اتمنى انك تبعدي كل هذه الافكار السلبية من راسك خاااصة مسالة الانتحار اخيتي الغالية انت في امتحان وربي راه يشوف فيك اذا تصبري والا لالا لذلك كوني قوية وتقربي من ربي اكثر وادعي واستغفري واشغلي وقتك فيما يرضيه سبحانه ورح تشوفي كيف ستسير حياتك للاحسن

مسالة قولك انك لن تنجحي في شهادة التعليم المتوسط نحيها من راسك انت قادرة ورح تنجحي وتفرحي وتفرحي ماماك ثاني

ربي يقدرك وينجحك ويفتح عليك ويفرحك

دعواتي لك غاليتي

[ريتال2]

السلام عليكم

يا غاليتي لا تبكي انما بكاء ليس حلا والانتحار وحرقة واش من الانتحار واش تقولي عندي ربي وحرقة راكي تدي نفسك الى تهلكة يا غاليتي

ديري ثقة في نفسك كبيرة وكوني ذات عقل كبير كوني واثقة في نفسك ما تستسليميش مراكيش انت اولى واخيرة كاين بزاف بنات سراولهم هكذا وعاشو حياتهم وكملو وراهم يخدمو وتزوجو ولدو عايشين وفرحانين مزالك صغيرة لا تضغطي على نفسك وخلي ناس وصحاباتك يهدرو في كل احوال ديما يهدرو قوليلهم يلهاو في صوالحهم ومشاكلهم وفي كل عائلة هناك مشاكل اوالخ معناها صحاباتك ماشي كلهم هانيين ومريحي كاين عندهم امهم وبوهم وتلقاي مراهمش هانيينوديما مشاكل وركزيلي في قرايتك مليح لانها هيا لي تنفعلك وتصيبيها وتنقذك قالو معندكش اب قولهم عادي اوكي ادعي لابيك وقولي في بالك بلي ابيك ديما راهو يشوف فيك اوكي ولازم تفرحيه وترفعيلو راسو مهما كان بعيد عليك ميت عادي يالحبيبة وانت كفي روحك من حنان اوكي كوني قوية وقولي في نفسك انا وحدي نقدر على اشغالي ودراستي وكل شيء وكوني مراة ونصف اوكي ومهما يقولك ما تسمعيلهمش اوكي ديري راسك في قرايتك وخليهم يهدرو تفوقك ونجاحك صمت لهم واشغلي نفسك في مساجد وقراءة قران واقلعي افكار سلبية من راسك يا لحبيبة نتمنى انك تراسلني ونحكي معاك يا لحبيبة ونكون معاك ونوقف معاك في اي دقيقة يا لحبيبة ونساعدك قد ما نقدر وباي شيء وحنا هنا اخواتك وعائلتك ثانية ونساعدوك ورايحة تنجحي في شهادة يا لحبيبة لانا هدرتهم هيا لتحفزك يا اختي رايحة ندعيلك من كل قلبي تنجحي وتستمري في حياتك فرحانة باذن الله وعيشي حياتك وابتعدي عن طريق خطا وتهلاي في قرايتك ببزاف هيا نجاحكوصلاحك

وكوني واثقة في نفسك ومعتمدة على نفسك وانك قادرة تجبي بيام بالامتياز

[ابو سليمان10]

لا حول ولاقوة الا بالله...اختي عدم تحملكي للوضع طبيعي انا اكبر منك ز راجل و لن استطيع العيش وحدي
احذري من هذه الافكار تاع الحرقة....راكي هنا وحدك تحرقي تكوني وحدك ايضا هذا ان لم تقعي فريسة لبعض المجرمين
حاولي ان تجدي شخص ثقة ...ثقة جدا يساعدك...شخص في محيطك يمكن ان ينصحكي يوميا انت الان طفلة ...من في عمرك تتلقى التربية و النصائح على مدار الساعة

[⌈الأشتر⌉]

هل تعلمين ياصغيرتي


أنكِ أقوى مما تظنين؟


الله تعالى يختبر الناس بحسب ما أعطاهم (لايكلف الله نفسا إلا وسعها)


واحد لاقال أن الحالة راهي ساهلة ولكن الله يعلم أنك تستطيعين المقاومة



تذكري هذا الكلام جيدا.. هذا الذي سيعطيك القوة في أوقاتك الصعبة.


وأما مايقوله أصدقاءك فهم أطفال صغار كي يكباروا تتغير نظرتهم إليك.



هل تعلمين أن بعضهم لو حدث له ما حدث لك لما استطاع ان يتحمل وربما ينحرف الى الأمور السيئة؟


أما أمك ربما أخطأت في حقك ولكنها لم تتخل عنك والدليل راهي تزورك يوميا


هي أيضا لديها احتياجات وربما ياو بقات وحدها وماتزوجتش يصرالها اكتئاب وتمرض وتعودي تبكي عليها بكاء أشد من بكاءك الحالي


بعض الأطفال ماعندهم لاأم ولا أب



الآن ماذا عليكِ أن تفعلي؟


1- أن تهتمي بدراستك، العام المقبل لازم تنجحي و تفرحينا معاك


2- سجلي في بعض الأنشطة المفيدة وربما ستتعرفين بصديقة لكن يجب أن تكون صالحة .. ماعندك ماديري بصديقة تأخذك للهاوية



3- التزمي بصلواتك و قراءة القرآن



4- بعض الأخوات هنا كيما راني نلاحظ من ردودهن قالوك تولي صديقة لهن، اهدري معاهم كي تحتاجي شخص يعاونك او يسمعلك.


بالتوفيق يا بطلة

[مومي23]

ربي معاك ان شاء الله