سلام
حنا ثاني 3 بنات فالدار الله يبارك
انا الصغيره فيهم
واختي الكبيره تقريبا واقعه ف نفس المشكل
مش للدرجة تعك خاطر هي تهدر وكي تحب تمكر تمكر����
لا علينا ..
انا كي عدت الصغيره ما ندير والو زدت طلعت للجامعه قريت خارج ولايتي كي نوصل للدار نقولهم تعبانه م السفر تعبانه من كذا تعبانه ..وندير الاعذار خاطر والفت بالراحه مانتعبش خلاص ومانكلفش نفسي عناء اني نخدم (احيانا برك تنفحلي)
بون قتلك ندير سبايب وهوما ولفوني هكا ووالفوا بطبيعتي وشايفين بلي لا امل مني
لاني نهدر من منطلق خواتاتك
انا ثاني نضلي نكونكتي نلعب والرقاد تاعي ميخلاصش هالسهرات هالنديب في تفاهات ���� والدليل هاني نكتب في رد على 3 تع صباح���� .. ولا نقرا قرايتي المهم منخدمش
لحد الان مزالت فيا الطبايع هذي
مي صدقيني ضرك اني 19 سنه ولى ياكلني قلبي
نقول ماما تضل تهمبر وانا مشني صغيره وقلبي بارد ماتتحركليش شعره
وانا مانعرف نطيب والو جامي طيبت���� بصح وليت نحس بشعور مخزي فطن ضميري���� راني نجاهد في نفسي باش نولي منظمه حياتي ونعاون ماما إرضاءً لها + نتعلم شغل الدار بسكو ما ندير والو حسيت بالنقص من هذا الجانب .. نشوف لي قدي كل صبع بصنعة وانا لا .. منقولكش نغير منهم انا منغيرش بصح تغيضني روحي نقول في واش خير مني هوما
حابه نتعلم من قلبي يعني مش ع جال هدرة الناس ولا . .حابه نولي انسانه ناشطة وعندها دور ونعاون وندير مهارات في يدي على جال روحي وعلى جال نطور روحي
حبيت نوصلك ميساج صغير برك بما اني في وضعية خواتاتك انو الهدايه تجي من عند ربي سبحانو ���� والله قولي لامك تهدر معاهم وحاولي معاهم وكلش وان شاء الله يجي النهار يفطنوا ويوليوا يعاونوا
خاطر انا فتت هذيك لمرحله ووليت في مرحله تاع كرهت من التفنيين ما فادني في والو حابه ننشط و ندير انجاز بسيط في يومي ونفرح ..كرهت من الرتابة والروتين لي عايشتهم .. يجي نهار يملوا من هذاك الفيس بوك كيما انا كنت نضل موراه وصدقيني غير تفاهات اطلع اهبط لي ستاتي ومانهدرش مع لعباد مام پا معنديش صحباتي��بصح هكاك ادمان فقط والله قضية ادمان والفت نوض وقت لي نحب ونرفد تلفون ونضل نكونكتي ، مبعد اني مليت كرهت حابه نعيش واقعي ، ضيعت الكثيييير من الاوقات في العالم الافتراضي ، لكان تحبي تراسليني نقلك وش ممكن ياثر فيهم ويغيرهم مادامهم طالعين هابطين ف لفيسبوك كاين مجموعات تبدل التخمام معمره طاقه ايجابيه وافكار للتغيير وبناء الذات متاكده رح يعجبهم ويخليهم يبدلوا تخمامهم����
عبالي طولت حاولت نفيدك بتجربتي المتواضعه ان شاء الله نولي شاطره كيفك وناشطه كرهت من الكسل والطاقه السلبيه���� وربي يهدي خواتاتك سلام ��
( تقرير عن مشاركة سيئة )، و الموجودة أسفل كل مشاركة .
2019-08-20, 03:01
العرض العادي
