افكر في الطلاق

[تاج الوقار16]

جميل تضارب الآراء في الردود
المهم ما أخشاه أن تكون زوجتك شخصية مطموسة لا تتصرف إلا بمشورة
امها
اما انت فعليك ان تعرف متى تكون حازما
ومتى تتساهل ولا استرجال فيما لا يحتاج لذلك
اجل مشروع الإنجاب قليلا حتى تقرر الاستمرار فعلا وتكتشفها
وتجاهلها في بيت اهلها حتى تشتاق هي الى العودة وان لم تعد فاعلم أنها حمقاء لا حاجة لك بها
في الوقت الذي تكون معك حقق لها السكينة والاستقرار فأنت لم تخبرنا عن سنها لنحكم على تفكيرها
ولا تنسى انك اذا طلقتها قد تتزوج بشبيهتها او اسوء

[blanche rose]

ما فهمتش

ما فهمتش وين المشكل؟!!!

انت ساكن عند والديك
امك تشوفها كل يوم
ساكن في حضنهااااا

وهي مش عاجبك الحال كي تتصل بها امها..!!!

وين المشكل كي تحب تزور اهلها؟!!!
المفروض كل جمعة وسبت تزور اهلها..بر الوالدين ..
والا انت حاب تبر والديك وهي تحرمها؟!!!🤔
ياخي لاباس؟!!!!

بخصوص عرس خوها..
نعم النسا كامل يروحو اسبوع مش غير هيا..
يوجدوا القاطو ووووووووو

والا انت خواتاتك جاو نهار العرس ضياف برك؟!!! ما داروا والو؟!!!!🤔🤔🤔
انا بنات عمي وعماماتي متزوجات وجاو اسبوع قبل عرسي..فما بااااااالك الاخت😒

وزيد
هي مش اجتماعية
احمد ربي

والا انت حابها ثرثارة ومن دار لدار؟!!!

وزيد لازم تقعد وسط الجمايع وتديرلكم مهرج؟!!!

ما فهمتش وين راه التقصير تاعها؟!!!!

تصرفاتها طبيعية
انتم اللي تلصقوا فيها
وحابين تهبلوها

باين رايحين تخرجوها من عقلها..

انا عولت رايح تقوللنا مقصرة في كذا وكذا..
او مثلا
تاع قيل وقال
او مثلا
تاع مشاكل

انت قاعد تحكيلنا حكايات عجايز؟!!!!
المفروض تحمد ربي صباح وعشية..
هذا اللي ما يحمدش ربي ويحوس على العيوب حتى فالذهب..!!!!


قول لماماك..
هي ما تهدرش بزاف نورمال..بالعكس..كاملة العقل ومش تاع قيل وقال😒
تحب تروح عند اهلها ..بر والدين..
والا امك شاداتك عندها اللي راجل..وحابين تحرموا البنت من والديها؟!!!


نقولك حاجة..اذا طلقتها هي اللي تحمد ربي مش انت..
وربي يبعثلك وحدة كيما راك حاب..
ثرثارة🤒
تلصق فيك حتى تعيا تتنفس بيها..
تظل موراك وين رحت ومنين جيت..😤
وتديراكم مشاكل فالدار..😌
وتحاسبك على القضيان وعلى كلللل حاجة
ان شاء الله اذا طلقتها يبعثلك ربي وحدة عكسها..
باش تولي تبكي عليها وعلى الايام اللي كانت فيهم معاك

ما تحبوش العاقلات..
تحبوا الطايرات والفلفل اللي يحرقكم..!!!

نقولك حاجة..رفعتلي ضغطي..
اذا هذي حاجة يشكيو منها الناس..!!
ربي يعينها عليكم..!!

الطفلة خاطيتهم وهوما جايبينها موراها..
ولا تزيدوا تشكيو لوالديها؟!!!!


هذي الوقاحة والا خلي
يا لطيف..لصقة نتوما

[lamisse8]

انت عايش مع اهلك مع انو من حقها بيت خاص و هي حبيت تمنعها من مجرد زيارة 3 ايام فالشهر و انت راجل و مقدرتش تفارق امك و ثانيا تقول امها سبب و انت حكيت مشاكلك اكل لامك و ابيك مع انك راجل طول بعرض من المفروض تحل مشاكلك مع زوجتك و زيد طلبت تخرج معاك لاني فهمت بلي كل خرجة مع عائلتك اذا راجع نفسك انت متمسك باهلك في كلش و هي حرام تروح تزور اهلها و كون طلقها و جيب عشرة بعدها راح تعيش نفس المشكل و تذكر كلامي بنات الناس أمانة و صعيب لعام لأول راهم فارقو والديهم لازملهم وقت باه يتعودو و انت راجل و ما قدرتش تفارق

[ماري نت]

السلام عليكم ، هناك أمور لم تذكرها قد تكون سببا في ما يحدث ، فلم تذكر هل تعيش مع أمك وأبيك وإخوتك ؟إن كان الأمر كذلك فسأقول لك إن زوجتك "تتهرب" من خدمة عائلتك ، ربما والدتك تفتعل المشاكل - والله أعلم -كثيرة الملاحظات والانتقادات لزوجتك ، أما كون زوجتك قليلة الكلام فغالبا ما يكون هذا السلوك نتيجة توصيات وتنبيهات من طرف عائلتها ( معظم العرائس في مجتمعنا بهذه المواصفات ) حتى تبقى شخصيتها يلفها الغموض فتحتفظ بهيبتها أمام عائلة زوجها ، أما عن زيارتها الدائمة لعائلتها فسأخبرك عن نفسي حيث إنني يوميا أزور عائلتي بعد انتهاء فترة العمل كردة فعل عن وجود سلفتي المتزوجة مع أطفالها (اخت زوجي) في منزل أمها بشكل دائم ويومي لكونها جارتنا.ما أقوم به يزعج حماتي لكن لا يزعجها ما تقوم به ابنتها ،وحماتي تتهم أمي بأنها لا تنصحني بالتزام بيتي .

[وَحْـــ القلَمْ ـــيُ]

صل الاستخارة وقل يا رب انت اعلم بما يصلح لي فاهدني اليه ويسره لي

[*عبدالرحمن*]

الموضوع بلغ الحد الاقصي من المشاركات السموح بها