ديكور صالون

chic.lady · 2013-02-22, 22:29

السلام عليكم و رحمة الله و بركاته
أردت استشارتكم في ترتيب ديكور الصالون
حبيت ندير جهة صالون و جهة صال آ مونجي
و الصالون حبيت نحي لي فوتاي و ندير كانابيات
و عندي 2 bahuts و bibliothèque و table de salle a manger و table de télé
تعيشو مدولي اقتراحات كيفاش نحطهم و وين نحطهم و كاش حاجات جديدة نزيد نشريهم للصالون
و ربي يجازيكم كل خير
و هادي صورة بقياسات الصالون تاعنا

في انتظار اقتراحاتكم تقبلو تحياتي و بارك الله فيكم

chic.lady · 2013-02-23, 11:41

18 مشاهدة و لا رد وااااحد :'(

faizarbh · 2013-02-23, 20:13

اختي اول حاجة جربي تقسمي بقوس او برديو شديه من كل جهة و ديري في جهة الصالون و الجهة الثانية صالة مونجي
بصح التخمال ان شاء الله لبنات يقولولك هههههههههه

faizarbh · 2013-02-23, 20:35

اختي تفضلي رابط المسابقة تاع الصالونات اكيد راح يفيدك
https://www.djelfa.info/vb/showthread.php?t=1218218

السَّحابة البيضاءْ · 2013-02-24, 12:03

السلام عليكم

نسخت الصورة وسأحاول العمل عليها وكيما قالت الآخت قبلي يُفضل الفصل بالقوس معه ريدو مليح

المهم أتيتك ببعض الصور لعلها تُفيدك أختي [ إدّي منها أفكار ]

أولاً لستائر النوافذ :

كل نافذة ديري عليها واحد بهاذ الشكل تجي فخمة ومليحة

هاذا ثاني مليح احكمي كل ستار بجهة وحدة من الجهو اليمنى والاخرى الجهة اليسرى هذا يمّد شكل متناسق جداً

هذا شكل كلاسيكي وسامبل

طبعاً كلها مجرد مُقترحات وأفكار وديري إنت على حساب ميزانيتك

ثانياً بالنسبة للزرابي و التابيات :

نفضّل ديري من هذا النوع فيهم ألوان وأشكال عديدة وحجمهم مُناسب الآن راه دارج التابي متوسط الحجم ماشي ليفرش كل الصالون

بالنسبة للكنابيات فكرة مليحة ديريهم بدل لي فوتاي مايدوش مساحة وكل مرة تبدلي الشورة بحسب الفصول من باب التغيير

ديري كوانات للتزيين إلا كان تفرشي فراش ماروكان ديري من هاذو اخدميه عند النّجار بالنقش لي تحبيه ولا خليه سامبل وديري عليه إكسسوارات متنوعة

هاذي ثاني فكرة لشكل وضع الوسائد باش ماتجيش كلاسيكية

هاذو صور عندي من مدة قلت نحاول نفيدك بيهم أو يفيدوا أي أخت معانا

إنتظريني مساءاً لأكمل البقية

chic.lady · 2013-02-24, 18:53

يعطيكم الصحة خياتي
حتى أنا خممت في القوس بصح خفت ما يجيش مليح
دوكا رانا دايرين من جيهة التواقي التلفزيون و لي فوتاي (لي فوتاي نقدرو ما نلسقوهمش مع الحيط لكن دوك رانا حابين نديرو كانابيات، يعني لازم يلسقو في الحيط )
و من جيهة البلاكار رانا دايرين لا صال آ مونجي و les bahuts و بين لا صال آ مونجي و الصالون دايرين la bibliothèque
الديكور كيما راه ما عجبنيش بزاف

ام عبودة · 2013-02-24, 19:05

كان بودي مساعدتك لكن والله مانيش صايبة
راني حتى أنا مع السكنة الجديدة ومانحكيلكش
رآك عارفة الحالة
اسمحيلي
Mais راهي الأخت اعطاتك أفكار حلوة يا رب تفيدك

chic.lady · 2013-02-24, 20:17

يعطيك الصحة ختي أم عبودة و كأنك عاونتيني
و بالصحة الهناء عليكم العتبة الجديدة

جيجلية · 2013-02-28, 07:59

وعليكم السلام ورحمة الله وبركاته

أخي صالونك ما شاء الله كبير معرفتش كفاش انسق الاشياء فيه بصح عندي هذه الصورة قلت بلاك تفيدك

نسائم الصباح · 2013-02-28, 09:28

السلام عليكم .ومبروك عليك البيت الجديدة

شوفي حنونة نعطيك شحال من إقتراح

ماشاء الله صالونك كبير .ويجب ينقسم إلى قسمين .ياتحبي كاش ريدوا ويكون كيما تاع النافدة .ياتحبي قوس وتعمليلوا كاش ريدوا ياتحبي الأبواب لي تنسحب مثل هذه

يعني نتي وإمكانياتك

وتقدري تفصلي بين الجلستين بقطعة من الأثات مثل هذه .إذا متقدريش تبني القوس

إن شاء الله يكون الرسم التخطيطي واضح بلا مانشرح .وماتنسيش ليتابل دوكوا.

chic.lady · 2013-02-28, 14:50

يعطيكم الصحة خياتي جيجلية / نسائم الصباح و الله عجبوني الإقتراحات تاعكم
شفتو تالمو كبير حرنا فيه
بارك الله فيكم

السَّحابة البيضاءْ · 2013-03-01, 08:48

السلام عليكم

لآخذ فكرة عن تقسيم الصالون يمكنك إستغلالها للتقسيم وأيضاً لوضع قطع إكسسوارية عليها يعني 2 في واحد

لقيت هاذ الصالون في طريقي قلت نجيبلك تشوفيه ممكن تدي فكرة تفيدك في تنظيمه [ أنا مع فكرة نسائم في ترتيب الصالون ]

chic.lady · 2013-03-02, 01:52

سلااام
يعطيك الصحة اختي السحاب الأبيض عجبتني فكرة التقسيم
هبّلتك معايا سامحيني ^^
ربي يحفظك و يحفظ كاااامل لي عانوني في هاد المشكل العوييييص