مشكلة لم استطع طرحها من قبل

[نارينا]

المشاركة الأصلية كتبت بواسطة محمد جديدي التبسي

أنت راك عكس أغلب الفتيات تلقايها في بداية العشرينات وبدأت التجاعيد تظهر على وجهها
حلك في لبس جلباب كبير وفضفاض وإذا كملتيها بغطاء وجه او نقاب يكون أفضل وبهذا يشعر من يكلمك بهيبة ويحترمك أكثر .. ربي يوفقك

صراحة لم أضحك منذ مدة طويلة ....الله يعطيك الخير ....نصيحة غير كل النصائح

[كلنا راحلون]

السلام عليكم جميييييييييييييعاااااااااا

المشاركة الأصلية كتبت بواسطة كاميلا

السلام عليكم
مشكلتي مع مرور السنوات راني نكبر في العمر وميبانش عليا فمثلا انا الان راني في 26 سنة يعني رايحة لثلاثين ومازالني نبان كي جماعة الليسي
وين نروح نتحقر يحقروني يحسبوني صغير خلاص
درك تقولوا راهي قصيرة او قزمة او ... راني ندير متر 67 امتوسطة في الصحة بصح المشكل راه في وجهي الطفولي وخدود الوليدات الصغار ملقيت واش ندير لدرجة انه كي نروح نصلي في رمضان صرالي حادثة حطوني طفلة تاع اعدادي
كيفاش لازم ندبر نولي نخزر كي نمشي والا كيفاش والله غير كرهت
حتى كي جيت نعقد قالي المفوض انت قاصر هنا قريب درت انفجار
واش لازم ندير كاش وصفة

انت مرأة من صنف تكبر 40 الى 45 سنة وتبقى جميلة برافوووووو زوجك ما راح يفكر هيك او هيك و ذرية صالحة ....................10/10

المشاركة الأصلية كتبت بواسطة marryangelina

نفس مشكلتي مي انا بسبب الطول
الحمد لله و الله ماهي مقلقتني بالعكس راهو يعجبني الحال ههههه
في الاول كنت نكره و نقلق مي ربي جامي يمدلك حاجة بلا عبرة و تكون فيها الفايدة
انا كيما بديت ندر في التربص في التعليم في الاول التلاميد حطوني تلميدة زيهم كي دخلت و انا صراحة قلقت مي مع الوقت حبيتهم و هوما حبوني و يجيتهم كاني وحدة قدهم هنايا عرفت بلي ربي مخلقنيش قصيرة بلا سبب
الحمد لله اني عندي 22 سنة و طولي مترا و 50
تفاءلي اختي و قولي الحمد لله وتفكري بلي كاينة وحدة زيك ههههه

......................ناقص واحد ..............5/20

المشاركة الأصلية كتبت بواسطة fati57

انا كنت كما انت كان عمري 18 سنة و رحت للعرس عطاوني حلوى تع الدراري صغار ما كانش يعجبني الحال و تغيضني عمري و بزاف مواقف هكا بصح درك راني ف 32 سنة نبان 24 مع الوقت يعجبك الحال و في العام الاول من زواجي حبسونا باراج انا و زوجي طلبو كوارطي حسبوني قاصر هههههه ما تخميش بزاف عادي و شحال من وحدة تتمنى هاد الشي .

.................................9/10

المشاركة الأصلية كتبت بواسطة أبو عبود";3991762601][b][size=&quot

اظن أنك قليلة الخروج إلى الشمس ولو تغسلي وجهك بالماء وتخرجي إلى الشمس سوف تتغير ملامحك بنسبة 80% لان الخدود الطفولية تكون بسبب البياض ونظارة البشرة والشمس كفيلة بأن تجعلها تفقد نظارتها لكني ربما تندمين لاحقا.[/size][/b]

................ناقص واحد....................5/10

المشاركة الأصلية كتبت بواسطة hodayena

اختي عادي متتقلقيش كامل كيفكيف انا المحامي غلط بيني وبين يما حسب يما هي الي رح تتطلق وكي كان يهدر معاه ابي قالو الطفلة وين راهيالي هدرت معايا قالو هذي عليا انا قالو بصح صغيرة كيفه زوجتها قتلو عندي 25نخلع مي معليش مليحة اختي والله مليحة تقعدي نباني صغيرة انا 1 متر و55 وام لطفل كي نقولها ميامنوش

........................6/10

المشاركة الأصلية كتبت بواسطة مريم الصابرة

السلام عليكم اختي
ههههههه واشبيك كاميلا تحوسي تكبري ريحي صغيرة خوذي برايي راكي تكبري وتندمي خليك ديما تباني صغيرة ختك مريم تبان صغيرة مي على جال الطول ههههههه لكن عاجبني الحال روعة خليكي يا طفلة وخلي خدودك في حالهم لما تتزوجي وتجيبي الأاولاد راح تولي تحوسي وصفة ترجعي صغيرة هههههه
ما تتقلقيش لو انا منك معاهم قاع وين الكبار نقعد وين الصغار ندور هههههههه
شكرا

..............................10/10

المشاركة الأصلية كتبت بواسطة maiar

اختي ما تقلقيشروحك انا كيما حكيتي نفس الطول و الصحة و كلش مثلك و نبان اقل منعمري بزاف لدرجة ان المتربصين يحطوني نقرا معاهم من بع باه يفيقو بلي نقريهم هههههههه

....................ناقص واحد......7/10

المشاركة الأصلية كتبت بواسطة ailemak

hahahahahah, wech kamela, normalement teferhi, pske maghadich tekebri belkhof
ana teni la meme chose, g 169cm w 58kg, w nelbes ghir lbas, welah yahasbouni etudiante,
merra derou greve makhalewch les ensegnants yedolkhlou la fac, ana ki ji dkhalt, 3yit nessena fi les etudiants bech yedokhlou ya9raw, hata gali l agent wech raki tesseney hda labo, goultlou nesssena n9ari, gali koiiiiiiiiiiiiiiiii, k nti enseignante hahahah, galli kifech khalawek tedokhli lol
w merra un prof gali jibili les copies 3la hadek l enseignant, aya galli non yji houwa , manatikch nti, hata ki goultlou ana senseignate , galli ahhhhhhhhh semhili welah hssebtek etudiante,
w merra etudiante gatli eske ntiya m3ana fi l groupe haahaha
pske ana mandirch makillage w mandirch talon, w les etudiantes derwek rahoum tehsseb jayin lel3ers machi ya9raw, makillage complet w les tallons, etc, c pour ca manbench
fi debut sah kount netgena, mais aprés normal waleft
donc madabik tsselfili chwiya khdoud pske ana dabouli , kenou ygoulouli 3andek lakhdoud hata rahou ma3awdou welew
donc lazem koul wahda tahmed rabbi, w surtout 3la la santé, pske hiya sah

..................ناقص اثنان الخط ...............10/10

المشاركة الأصلية كتبت بواسطة fella111

عادي اختي و من لا يحب ان يبدو اقل من سنه ..............انا الجميع يعتقد اني اقل من اختي الصغرى بالعكس هذا بفرحني
تبقى مسألة احترام الناس لك لا اعتقد انها بسبب ان وجهك يبدو اقل سنا ............................الاحترام يكتسب بالتظاهر بانك جدية لكن انتبهي ان تبالغي ........يعني خير الامور اوسطها ...........ربما انت شديدة المزاح مما يجعلك لا تكسبين احترام الاخرين ...بالتوفيق.

.................................8/10

المشاركة الأصلية كتبت بواسطة *رحيق الجوري*

نتي راكي مهبولة كاش وحدة متحبش تبان صغيرة

............................9/10

المشاركة الأصلية كتبت بواسطة نارينا

المهم في الصحة والقناعة والرضا ....

........................ناقص واحد.......10/10

المشاركة الأصلية كتبت بواسطة محمد جديدي التبسي

أنت راك عكس أغلب الفتيات تلقايها في بداية العشرينات وبدأت التجاعيد تظهر على وجهها
حلك في لبس جلباب كبير وفضفاض وإذا كملتيها بغطاء وجه او نقاب يكون أفضل وبهذا يشعر من يكلمك بهيبة ويحترمك أكثر .. ربي يوفقك

.............................10/10




لمن نقصتله نقطة هل تعلمون استاذة جامعيين عذبوني اذن واحدة بواحدة




تحياااااااااااااااااااتي

[ايمان نور الجزائر]

ياااااااه يا ختي راكي في نعمة
الصغر مليح انا تاني نبان صغيرة لا بسبب الطول ولا غيرو
هكا وفقط ويعجبني الحال وجامي لا تقلقت
احيانا يجوني مواطنين لمقر العمل يقولولي اين صاحبة المكتب يا بنتي هههه وانا يجيني الضحك
ما يأمنوش كي يعرفوني بلي انا هي
لكن لما نخدم سيريوز يتخلعو عقلية واحدة اخرى
تاني عندي صحابات كيما انا راها الحالة منتشرة بكثرة ديفوا رانا نمشو وتجي كاش عجوزة تدعي
ربي يوفقكم وتجيبو الباااك هههههه ياااااا حشراه نقولها امين ونخليها في نيتها
ومواقف كثيرة لكن نظن الانسان الذي تظهر على ملامحه اثار الطفولة هو انسان مرح وطفولي

[النجمة القطبية]

بالعكس حبيبتى راهى نعمة وبالوقت تحسي بيها
انا رانى مثلك عندي وجه طفولى لكن بصراحة منزعفش بالعكس نحمد ربي بزاااف كنت نزعف لما كنت مراهقة لانى كنت حابة نكبر بسرعة اما الان اصبحت نعمة
تبقاى ديما مدللة ديما كيوت والناس ميقلقوكش يحطوك مزالك صغيرة ويبقى وجهك فيه براءة
ربي يوفقك كاميلا وهذا مراهش مشكل خلاص

[Basketteuse]

ماتقلقيش روحك، درك كي تتزوجي وتولدي يروحو لخدود، كيما حالتي ؟ كيما قالي راجلي هدا وين وليتي تباني امرأة ،!!!!!!!!!
كان يحشم يخرج معايا يقولي تباني تاع الليسي!!!!!!!!، وكي نروح نضرب الابرة يقولولي روحي جيبي ماماك!!!!! بالرغم من أني طويلة 169سم، بصح جامي تقلقت بلعكس نفرح خطراكش المراة تكبر قبل الراجل، وانا راجلي اكبر مني ب 10 سنوات وزيد انبان ااقل من عمري بكثير يعني الفارق يصبح 15 سنة،يعني ديما راح نبقى في عينو صغيرة

[كاميلا]

المشاركة الأصلية كتبت بواسطة fati57

انا كنت كما انت كان عمري 18 سنة و رحت للعرس عطاوني حلوى تع الدراري صغار ما كانش يعجبني الحال و تغيضني عمري و بزاف مواقف هكا بصح درك راني ف 32 سنة نبان 24 مع الوقت يعجبك الحال و في العام الاول من زواجي حبسونا باراج انا و زوجي طلبو كوارطي حسبوني قاصر هههههه ما تخميش بزاف عادي و شحال من وحدة تتمنى هاد الشي .

عجبتني تاع حكموكم باراج ههههههههه راني علابالي رح تصرالي عن قريب هههههههه

[كاميلا]

المشاركة الأصلية كتبت بواسطة أبو عبود";3991762564][b][size=&quot

هههههههههههههه واش بيكم ديما تشتكاو يا النسا؟ لي مسينة تحوس تنقص ولي نقاصة تحوس تسمن لي صغيرة في الشكل تحوس تكبر لي كبيرة تحوس تصغر؟ هههههههههههههه الحمد لله احنا الرجال داير كيما كازامودو وعاجبو الحال. وانت من 26 رايحة تقفزي ل30؟ علاه تظيدي باربع سنوات هههههههههه
المهم اولا الموضوع والله ما يستاهل بالعكس هذي راعي نعمة من ربي وأنت مش مضطرة ااعاملي مع قاع الناس. يهمك زوجك وانتهى كي يكون هو راضي عليك وانت راضية على روحك بقاي العالم ما يعنيكش أمرهم. لكن طبعا هناك ادوية تعالج هذه المشكلة. ران فهمت كي قلت وجه طفولي. صدقيني راكي في نعمة[/size][/b]

لاااااااااااااا مش نحوس نكبر نحوس نولي قد عمري

[كاميلا]

المشاركة الأصلية كتبت بواسطة أبو عبود";3991762601][b][size=&quot

اظن أنك قليلة الخروج إلى الشمس ولو تغسلي وجهك بالماء وتخرجي إلى الشمس سوف تتغير ملامحك بنسبة 80% لان الخدود الطفولية تكون بسبب البياض ونظارة البشرة والشمس كفيلة بأن تجعلها تفقد نظارتها لكني ربما تندمين لاحقا.[/size][/b]

لا والله نخرج راني الشوفور تاع الدار خاصة الوالد بصح منتعرضش للشمس بزاف

[كاميلا]

المشاركة الأصلية كتبت بواسطة hodayena

اختي عادي متتقلقيش كامل كيفكيف انا المحامي غلط بيني وبين يما حسب يما هي الي رح تتطلق وكي كان يهدر معاه ابي قالو الطفلة وين راهيالي هدرت معايا قالو هذي عليا انا قالو بصح صغيرة كيفه زوجتها قتلو عندي 25نخلع مي معليش مليحة اختي والله مليحة تقعدي نباني صغيرة انا 1 متر و55 وام لطفل كي نقولها ميامنوش

حاجة تقلل صح انا ساعات نولي كي التنين نقرب نخرج النار من فمي هههههههههه

[كاميلا]

المشاركة الأصلية كتبت بواسطة مريم الصابرة

السلام عليكم اختي
ههههههه واشبيك كاميلا تحوسي تكبري ريحي صغيرة خوذي برايي راكي تكبري وتندمي خليك ديما تباني صغيرة ختك مريم تبان صغيرة مي على جال الطول ههههههه لكن عاجبني الحال روعة خليكي يا طفلة وخلي خدودك في حالهم لما تتزوجي وتجيبي الأاولاد راح تولي تحوسي وصفة ترجعي صغيرة هههههه
ما تتقلقيش لو انا منك معاهم قاع وين الكبار نقعد وين الصغار ندور هههههههه
شكرا

ههههههههههههه وشراكي مريم وعليكم السلام ورحمة الله تعالى وبركاته
والله العظيم اتذكر في صائفة مضات كنت في المدرسة الصيفية لتعليم الاحكام والقرآن والله منزيد عليك قاعدة مع لوليدات الصغار وطفيلة صغيرة قاتلي ديتي السيزيام هنا وليت حشاكم تنين قلتلها هيه يا بنتي ديت السيزيام والبيام والباك والليسونس هههههههه والاستاذة غير تضحك

[sarl02]

زعمة قاع اتبانو صغار وانوشات انتم ولا كيفاش ؟؟..زعمة قاع راكم كيما مولات الموضوع؟؟..بصح فالواقع ما رانا انشوفو والو....مكاش قاع الي قالت انا نبان كثر من عمري....وعلى بالي مستحيل ومن سابع المستحيلات وحدة تعترف بهذا الشيء ...لان هاته اكبر عقدة تواجه المراة وهي عقدة الملامح والسن ...عموما انا عمري 30 سنة ونبان مولا 50 لدرجة ان البعض اعيطلي الحاج فلان ...وانا مازلت لا دار لا دوار .

[جمعي البشاري]

المشاركة الأصلية كتبت بواسطة sarl02

زعمة قاع اتبانو صغار وانوشات انتم ولا كيفاش ؟؟..زعمة قاع راكم كيما مولات الموضوع؟؟..بصح فالواقع ما رانا انشوفو والو....مكاش قاع الي قالت انا نبان كثر من عمري....وعلى بالي مستحيل ومن سابع المستحيلات وحدة تعترف بهذا الشيء ...لان هاته اكبر عقدة تواجه المراة وهي عقدة الملامح والسن ...عموما انا عمري 30 سنة ونبان مولا 50 لدرجة ان البعض اعيطلي الحاج فلان ...وانا مازلت لا دار لا دوار .

هههههههههههههههههه
صحكتني انا عكسك
الحمد لله على النعمة
اهم شيء هو الاخلاق والدين ...وحسن المعاملة

[hanin h]

شيء مضحك و مبكي في نفس الوقت أنا في 31 من عمري طولي 1.60م و وزني 56كغ يعني عادي كي الناس اللي يقلقني أني كل ما نحط ملف الاستخلاف يحسبوني مازال ما كملتش 20 سنة و ما يقيمونيش حتى يشوفو كشف النقاط تتعدل شوي نظرتهم...........غلبت بصح ما عليش.

[abb leila]

خلصوا كامل المشاكل ؟؟

[Hind_dz]

يا أختي هذي نعمة من عند ربي !! الصراحة جامي شفت امرأة حابة تزيد عمرها كامل يحبو ينقصو و يبانو صغار ،، يعني تخيلي كي تولي 40 سنة الناس يحسبوك بنت ال20 ههههه والله حاجة مليحة ،، ارضاي بروحك كيما راكي ماكاش خير من القناعة ..