مساعدة في تحضير الخبز العربي

[sunshine2013]

السلام عليكم اخواتي و صح فطوركم
حبيت طريقة ناجحة للخبز العربي او خبز الصاج كيما في المشرق جريت بزاف وصفات بالخميرة و دون خميرة و يخرجلي ما يتمضغش ما فهمتش علاه
ربي يحفظكم

[sunshine2013]

و لا رد من صاحبات الخبرة

[fateh_19]

الله يبارك تصومو بالصحة

[ليليا25]

اختي تفضلى هذه النصائح من الهام 07 ورابط الوصفة الف شكر لصاحبة الوصفة

شفت بزاف أخوات يشكيو من الخبز العربي و يقولو ماصلحش ، مالا دبر علي راسي قالي هاتي نجربو نلقاولهم الحل مادام راكي لاعبتها في المنتدى آينشتاين هههههه ، دخلت للمختبر بوه للمطبخ و جربت عدة مرات باش نتأكد من الحل اللي لقيتو .
كنت شفت أخت حطت وصفة الخبز العربي اللي يطيب في الفرن و قلت نجرب و لقيت طريقتها مضمونة أكثر خاصة للأخوات اللي ماعندهمش مقلاة تيفال .
شوفو هي نفس وصفة الأخت سمراء الدنيا ، هذا رابط الوصفة :
https://www.djelfa.info/vb/showthread.php?t=891320 (https://www.djelfa.info/vb/showthread.php?t=891320)
و لكن شوفو ، أنا طيبتو في الفرن ، يعني ديري العجين نورمال و تطرحيها بشوية فرينة ( ما ترقيهاش بزاف بزاف راهي ما تتنفخش ) و تخلي القرصات يريحو 10 دقائق و تبداي الطيبي .
قبل ما تبداي طياب تكوني قبل بـ30دقيقة شعلت الفرن و سخنتيه ملييييح و تحطي كاش بلاطو أو صينية مقلبة على ظهرها و تدخليها للفرن تسخن و تبداي تحطي القرصة الأولى كي تخرج فقاقيع قلبيها و ممكن دوري القرصة باش الطيب مليح من كل النواحي و انتهى ، شوفو هنا راهي في الفرن بعد ما قلبتها انتفخت :
https://www.up.djelfa.info/uploads/136178957750271.jpg
* ملاحظة : قرصوه رقيق بصح ماشي بزاف ، باش ينتفخ و يبقى طري .
* أضيف ملاحظة هامة قالتها الأخت وهي أنكم تعجنوه مليح باش يطلع

أرجو أن يكون هذا الحل النهائي لمشكلة الخبز العربي بالتوفيق اختي

[طيور الجنان]

مانعرفش الطريقة ان شاء الله تكون الاخت ليليا فادتك و ينجحلك ان شاء الله

[بريق الدجى]

انا مجربة تع اختي سمراء الدنيا مليح

[Jaguar55]

+++++++++++++++++++++++++