همزة وصل بين المعلم و الولي : انت تسأل والمربي يجيبك

[سمراءشو]

يا اخي عبد الناصر اريد مساعدة منك ارجوك ابني دخلناه سنة1ابتدائي على5ونصف يعني تاريخ الزدياد نتاعو 19 فيفري20007 بصح راه شويه ناقص وراني في حيرة البعض قالونا عاودولو العام احسن بالنسبة للكتابة يكتب بخط مقبول حتى انه يتبع السطر بدون مشكل والمعلمة دائما تشكره حتى احنا استغربناه تحسن بسرعة في الخط والحفض شويه تقيل تقريبا يحفض غير في القسم حافض الاناشيد ثلاثة سور قرانية قراوهم المشكل انه لا يفهم الاسئلة سواء في اللغة او الرياضيات مثلا اللغة لا يفهم التمارن على قد ما حاولت معاه بدون جدوى مثلا اضافة الحرف الناقص او ترتيب كلمات جملة او اي شى اخر الاملاء شويه معايا في الدار لاني نملي عليه بالشويه ونعاودلو الكلمة عدة مرات اما المعلمة مانيش علابالي كفاش تدير ولا قداش تعاودلهم الكلمة الحروف يعرفم لي قراوهم ومشكل اخر الرياضيات يعرف يعد الى30 حسب ما وصلو ليه لكن ميعرفش يحل التمارن ودائما يجيبهم غالطين كيما نتاع اللغة عندو مشكل في اكبر من او اصغر من تساوي درتلو جميع الطرق بصح والو كدلك ترتيب الرقام متلا كيمايعطيوهم في مربعات راني في حيرة اخي واريد المساعة لانهم يديرو في تقويم والعلامة نتاعو في اللغة 5من 10 معرفش يرتب الجملة انصحني اخي واطيني طريقة نديرهامعاه راني وليت نضربو بزاف وهل نعاودولو العام ولا نكملوهلو

[أم عبدو-]

أختي العزيزة السلام عليك ورحمة الله تعالى وبركاته ، إذا كان ابنك يميز بين الحروف التي درسها ويستطيع قراءتها بمختلف الحركات القصيرة والطويلة وأيضا التنوين ويقرأ الكلمات التي تشمل الحروف المدروسة ، أما بالنسبة للكتابة كماقلت فخطه واضح ومعلمته تشكره على ذلك ،ويحفظ السور ولأناشيد ، فهذا يعني أنه لآبأس به ، أما بالنسبة لعدم فهم السؤال في اللغة والرياضيات فهذا مشكل يعاني منه الكثير من التلاميذ حتى الذين يدرسون في السنة 2 وس3 ...في نظري ابنك يحتاج فقط إالى دعمك له دون اللجوء إلى العنف ولديك الوقت الكافي لذلك لأننا مازلنا في الفصل الثاني فلا تحكمي عليه مبكرا بالفشل , بالنسبة للقارنة في الرياضيات مثلا لنقارن بين 15 و23 في هذه الحالة نقارن بين رقمي العشرات 1و2 لأنهما مختلفان ونقول 1أصغر من 2 إذن 15 أصغر من 23 ، أما إذكان رقما العشرات متساويين ، نقارن بين رقمي الآحاد مثلا :نقارن بين 25و 21 نقول 5 أكبر من 1 إذن 25 أكبر من 21 ,أما بالنسبة لإعادة السنة فلا تفكري فيها مراة أخرى لأن ذلك سيؤثر أكثر على ابنك بل حاولي تشجيعه وتحفيزه وستنالين مرادك إن شاء الله .

[~ حراير ~]

المشاركة الأصلية كتبت بواسطة سمراءشو

يا اخي عبد الناصر اريد مساعدة منك ارجوك ابني دخلناه سنة1ابتدائي على5ونصف يعني تاريخ الزدياد نتاعو 19 فيفري20007 بصح راه شويه ناقص وراني في حيرة البعض قالونا عاودولو العام احسن بالنسبة للكتابة يكتب بخط مقبول حتى انه يتبع السطر بدون مشكل والمعلمة دائما تشكره حتى احنا استغربناه تحسن بسرعة في الخط والحفض شويه تقيل تقريبا يحفض غير في القسم حافض الاناشيد ثلاثة سور قرانية قراوهم المشكل انه لا يفهم الاسئلة سواء في اللغة او الرياضيات مثلا اللغة لا يفهم التمارن على قد ما حاولت معاه بدون جدوى مثلا اضافة الحرف الناقص او ترتيب كلمات جملة او اي شى اخر الاملاء شويه معايا في الدار لاني نملي عليه بالشويه ونعاودلو الكلمة عدة مرات اما المعلمة مانيش علابالي كفاش تدير ولا قداش تعاودلهم الكلمة الحروف يعرفم لي قراوهم ومشكل اخر الرياضيات يعرف يعد الى30 حسب ما وصلو ليه لكن ميعرفش يحل التمارن ودائما يجيبهم غالطين كيما نتاع اللغة عندو مشكل في اكبر من او اصغر من تساوي درتلو جميع الطرق بصح والو كدلك ترتيب الرقام متلا كيمايعطيوهم في مربعات راني في حيرة اخي واريد المساعة لانهم يديرو في تقويم والعلامة نتاعو في اللغة 5من 10 معرفش يرتب الجملة انصحني اخي واطيني طريقة نديرهامعاه راني وليت نضربو بزاف وهل نعاودولو العام ولا نكملوهلو

السلام عليكم و رحمة الله تعالى و بركاته
اختي سمراء هدي نفسك و بلعقل على رويحتك و على وليدك
هاد الشي الي تحكي فيه كامل فات عليا و على معظم الأمهات و انا وليداتي دخلو يدرسو في سنهم الطبيعي يعني اكبر من وليدك
انا مش حابة نوجهك و نقولك وش ديري لأني متأكدة انه الشيخ عبد الناصر ربي يبارك فيه راح يوجهك احسن توجيه
و لكن حبيتك تعرفي انه مازال الوقت مافاتش و مازال ماحانش وقت اخذ القرار باش تعاوديلو العام و الا تخليه يستمر .... و بالتالي لاداعي انك تقلقي روحك لهذه الدرجة و خلي الوقت يفوت يمكن يتحسن وليدك
انا كون تجي ليا نقولك ولدك عادي جدا لأنك تقولي خطه لاباس بيه و في الإملاء ايضا معناها انه يعرف الحروف
اما فهم السؤال فهي مشكلة معظم التلاميذ على هك يجب عليك انك تبسطيلو السؤال و تعطيهولو بصيغ كثيرة باش يوالف للأسئلة
انا بنتي تدرس السنة الرابعة و نستعمل معاها هاد الطريقة باش توالف بصيغ الأسئلة او غير قولي تحفظها
اما التمارين الي مايعرفهمش ابنك فننصحك بالمداومة
يعني مثلا في ترتيب الجملة اعطيه جملة بسيطة جدا و متقاربة باش تسهلي عليه حتان يوالف فم تبداي تصعبي بالشوية بالشوية يعني تجيبيهالو بالشوية بالشوية
مثلا: للعمل - الأب- ذهب ....او : الولد - لمجته - اكل .... كي يوالف بالترتيب ديريلو حاجة اصعب
كل يوم ديريلو 3 او 4جمل و بالشوية بالشوية راح يتعود و يصير هو يقولك زيديلي
اما اضافة الحرف الناقص فضعيلو حروف مثلا قوليليو ضع : ت أو -ج- أو -ز- في الكلمة "مف.... ــاح" و قولو يبدا يجرب مفزاح /مفجاح/ مفتاح و كي يلقى الكلمة الصحيحة صفقيلو يعني جيبيهالو بلعبة و ضحكة و نفس الشيئ كثريلو من هاد التمرينات باش يوالفهم
اما الرياضيات فالخشيبات هي الي تمنعك في الجمع و في المقارنة
مثلا 17 ........ 16+10 تجيبي قريصات 17 و 10خشيبات بلون و 16 بلون ثاني و تضعي الخشيبات في جهة و القريصات في جهة اخرى و تخليه يقارن و يميز بعينيه
او 3 ....... 10 ارفعو الأصابع انت 3 و هو 10 و قولو شكون عندو اكثر راح يعرفها لوحده لما يوالف يالمقارنة بعينيه يعني عينو ميزانه صيري تبسطيهالو بأنه يقارن بين الوحدات و العشرات
اما الجمع مثلا 7+12 قولو يوضع 12 في راسو و يخبيها و يرفع 7 في يديه و يبدا الحساب من راسو
فيضغط على راسو و يقول 12- 13 14- ....19
آخر نصيحة ليك ماتزربيش روحك في اتخاذ القرار و تقعدي هازا المزقوم و الحمل و العبئ على راسك بالتفكير و هاد الشيئ راح يعصبك و ترجعي على ولدك و تكرهيه في الدراسة
على هك ننصحك ديري الي عليك و خليها على الله و ان شاء الله في آخر العام تقدري تقرري وش ديري
و زيدي اسمعي لنصيحة الشيخ عبد الناصر ربي يبارك فيه و يهنيه راهو اكيد مر عليه مثل هاد الحالات
ياله اختي ابداي بالتمارينات بهدوء و بضحك و لعب و قولينا على النتيجة لكن ماتنسايش الصبر
مش تضربيه و طيريلو التركيز و تقولي نصايحكم ماجابتش نتيجة راني غير نتمسخر معاك
بالتوفيق اختي و ربي يكون في عونك

[~ حراير ~]

المشاركة الأصلية كتبت بواسطة أم عبدو-

أختي العزيزة السلام عليك ورحمة الله تعالى وبركاته ، إذا كان ابنك يميز بين الحروف التي درسها ويستطيع قراءتها بمختلف الحركات القصيرة والطويلة وأيضا التنوين ويقرأ الكلمات التي تشمل الحروف المدروسة ، أما بالنسبة للكتابة كماقلت فخطه واضح ومعلمته تشكره على ذلك ،ويحفظ السور ولأناشيد ، فهذا يعني أنه لآبأس به ، أما بالنسبة لعدم فهم السؤال في اللغة والرياضيات فهذا مشكل يعاني منه الكثير من التلاميذ حتى الذين يدرسون في السنة 2 وس3 ...في نظري ابنك يحتاج فقط إالى دعمك له دون اللجوء إلى العنف ولديك الوقت الكافي لذلك لأننا مازلنا في الفصل الثاني فلا تحكمي عليه مبكرا بالفشل , بالنسبة للقارنة في الرياضيات مثلا لنقارن بين 15 و23 في هذه الحالة نقارن بين رقمي العشرات 1و2 لأنهما مختلفان ونقول 1أصغر من 2 إذن 15 أصغر من 23 ، أما إذكان رقما العشرات متساويين ، نقارن بين رقمي الآحاد مثلا :نقارن بين 25و 21 نقول 5 أكبر من 1 إذن 25 أكبر من 21 ,أما بالنسبة لإعادة السنة فلا تفكري فيها مراة أخرى لأن ذلك سيؤثر أكثر على ابنك بل حاولي تشجيعه وتحفيزه وستنالين مرادك إن شاء الله .

ماشاء الله عليك يا ام عبدو كلامك درر و حكم
فعلا كلام المعلمين و الأساتذة لا يعلى عليه
ربي يبارك فيك و في كلامك الطيب و ربي يحفظلك عبده
بكل صراحة لو دريتك تكتبي في كلامك الطيب ما كنتش راح نزيد عليك كلمة لأنك وفيتي و كفيتي
شكرا لك و لمرورك القيم و المفيد

[سمراءشو]

شكرا لك اختي ام عبدو والله كي دخلت على المنتدى ولقيت المشاركة نتاعك فرحت طمنتيني الله يطمنك كيما قتلك الكتابة معندوش حتى مشكل يتبع السطر مليح حتى وان تشوفيه والله غير تكدبى انه دخل السنة هادي فقط الحروف يعرفهم ويميز بيناتهم وما يروحولوش مثلاا حرف م بالفتحة والضمة والكسرة وبالمد والتنوين وكدلك يهجئ تقريبا الكلمات لي فيهم الحروف لي قراوهم يهجيهم مليح كيما قتلك الاملاء انا كي نملي عليه في البيت وبطريقتي نعاودلو بزاف الكلمة على اساس انو مزال صغير يجيبهم بصح في التقويم لي داروه جابو البارح العشية الاملاء كلمة واحدة فقط صحيحة اماباقي الكلمات ياكلها الحروف مثلا ملات عليهم كلمة معلمة كتبهالها معمة رمضان رمضا سماء سم وفي ترتيب الجمل اعطاتهم رضا الدراجة سقط من عاودهالها كيما راهي كاتبتها بصح عطاتو 0.5 كتبها بخط واضح في ما يخص اضافة الحرف الناقص جاب2 من3 وتمرين اربط جابو وتمرين ارتب الحروف لاقرا الكلمات جاب واحدة فقط وهي كرة اما زهرة مالفا نمليها عليه يجيبها بصح في التقويم كتبها كيما راهي مبعثرة وكدلك بطة ولي ستغربتها فيه اختي الرياضيات دا فيها 8 والله مافهمت كيفاش حلها في التمرين الاول الاحض واكتب في كل خانة العدد المناسب جابو التمرين2 انجز العمليات نتاع جمع جابهم التملرين 3 الاحض واكما شريط فيه بعض الارقام وهو يكمل بالترتيب من 0 الى9 جابهم التمرين الاخير نقطة واحدة العدد الدى يسبق العدد الدى يلي مثلا 13 في جدول من اليمين العددالدي يلي ومن اليسلر العدد الدي يسبق ما فهم فيه والو اصلا قريتو في تمرين يشابهه الارقام برك بدلتها وما فهمنيش يا اختي راني طولت الهدره شويه بصح هادا وين استرحت بعد لا قريت الرد نتاعك تفاءلت بزاف وموضوع اعادة السنة انا كدلك كنت مترددة فيه وقلت لباباه راني مش حابا نعاودولو ورغم انو باباه استاد في الثانوي لكن معرفش كيفاه يدير معاه

[سمراءشو]

شكرا اختي اريج المسك والله دائما نقرا التدخلات نتاعك وعجبوني بزاف طرق قلتي عليهم وكنت نستفاد بزاف كي نقر نصاحك ونعاود نشكرك بزاف لانك اهتميتي بيا وانصحتيني واكيد راها ندير الطرق لي راحين تنصحوني بيهم ويا اختي نقلك الصح ملي لقيت هده همزة وصل في المنتدى وليت نعرف حوايج مكنتش نعرفم رغم اني نتصفح منتدى الجلفة يوميا تقريبا الا ادا كان عندي ضرف بصح مكنتش شايفا هدا القسم وبصراحة لانو ولدي مازال مدخلش يقرا اما الان اصبحت نحوس عل اي نصائح او اي شيء يخص الاول ابتدائي ونقلك اختي اريج المسك واختي ام عبد و مش هدا الطفل الاول لي نقري عندو اخ واحد فقط يدرس2 متوسط وكان ناقص بزاف بصح مادرناش كيما هدا بصح دخلناه على6 لانو تعطل في النطق حتى 4سنين وباش بدا يركب كلمات خفنا عليه بزاف وكي نقول لباباه اخوه مادارناش هكدا يقلي مشفيتيش عليه مليح ويقلي انا نشفا كل يوم كيما نقولو طيحة ويا اختي انا عصبيه بزلف وقلوقة وعل فكر ابني هدا الي يقرا2 متوسط تحسن بزاف كان يدي في السنة الاولى والثانية والثالثة معدل 7 من بعد ركزت عليه بزاف ولى في السنة الرابعة والخامسة 8 تقريبا ال 9 وجاب الفحص ب7.90 راحتلو في الفرنسيه و كانت عندي انا ضروف مراجعتلوش بصح كانو يخدمو مع المعلم طول الاسبوع حتى السبت رغم النو في الرنسية كان دائما علامته محصورة بين8 و9.5 والان راه معدلو 16 الما العام اغلماضي طلع حتى 17

[أم عبدو-]

المشاركة الأصلية كتبت بواسطة اريج المسك

ماشاء الله عليك يا ام عبدو كلامك درر و حكم
فعلا كلام المعلمين و الأساتذة لا يعلى عليه
ربي يبارك فيك و في كلامك الطيب و ربي يحفظلك عبده
بكل صراحة لو دريتك تكتبي في كلامك الطيب ما كنتش راح نزيد عليك كلمة لأنك وفيتي و كفيتي
شكرا لك و لمرورك القيم و المفيد

أنابدوري أشكرك ، فأنت كلك حيوية ونشاط وكلامك أحلى وأطيب فانت من جذبتني بردودك الشيقة إلى هذا الموضوع وأتمنى لك التوفيق في تربية وتعليم أولادك . وأيضا أوجه جزيل الشكر للأستاذ عبد الناصر عن إجاباته الوافية .

[أم عبدو-]

المشاركة الأصلية كتبت بواسطة سمراءشو

شكرا اختي اريج المسك والله دائما نقرا التدخلات نتاعك وعجبوني بزاف طرق قلتي عليهم وكنت نستفاد بزاف كي نقر نصاحك ونعاود نشكرك بزاف لانك اهتميتي بيا وانصحتيني واكيد راها ندير الطرق لي راحين تنصحوني بيهم ويا اختي نقلك الصح ملي لقيت هده همزة وصل في المنتدى وليت نعرف حوايج مكنتش نعرفم رغم اني نتصفح منتدى الجلفة يوميا تقريبا الا ادا كان عندي ضرف بصح مكنتش شايفا هدا القسم وبصراحة لانو ولدي مازال مدخلش يقرا اما الان اصبحت نحوس عل اي نصائح او اي شيء يخص الاول ابتدائي ونقلك اختي اريج المسك واختي ام عبد و مش هدا الطفل الاول لي نقري عندو اخ واحد فقط يدرس2 متوسط وكان ناقص بزاف بصح مادرناش كيما هدا بصح دخلناه على6 لانو تعطل في النطق حتى 4سنين وباش بدا يركب كلمات خفنا عليه بزاف وكي نقول لباباه اخوه مادارناش هكدا يقلي مشفيتيش عليه مليح ويقلي انا نشفا كل يوم كيما نقولو طيحة ويا اختي انا عصبيه بزلف وقلوقة وعل فكر ابني هدا الي يقرا2 متوسط تحسن بزاف كان يدي في السنة الاولى والثانية والثالثة معدل 7 من بعد ركزت عليه بزاف ولى في السنة الرابعة والخامسة 8 تقريبا ال 9 وجاب الفحص ب7.90 راحتلو في الفرنسيه و كانت عندي انا ضروف مراجعتلوش بصح كانو يخدمو مع المعلم طول الاسبوع حتى السبت رغم النو في الرنسية كان دائما علامته محصورة بين8 و9.5 والان راه معدلو 16 الما العام اغلماضي طلع حتى 17

أختي سمراء أنابدوري أشكرك جزيل الشكر وأنا في الخدمة لكن فقط سامحوني فإن ردودي ستكون متأخرة نوعا ما بسبب انشغالي وأيضا أنا لست معتادة على المشاركة في المتديات فمشاركة اليوم هي أول مشاركة لي .

[أبو صهيب2011]

المشاركة الأصلية كتبت بواسطة اريج المسك

استاذنا الفاضل حبيت نستسمحك على اسلوبي في الكلام
فقد تعودنا مع معلمنا المحترم و القدير و المعطاء الشيخ عبد الناصر اننا نتكلمو بجميع اللهجات و نترحرحو في الكلام
و انا حاولت على قدر المستطاع اني نحسن من سلوبي معاك من خجلي منك لكن هذا ما لم افلح به.....

بالنسبة لملف الإدمان راني حملتو بارك الله فيك و جاني في وقته لأنه اليوم تنتهي مدة صلاحية الإدمان الي عندي
لكن ملف المراجعة لقيتهم حذفوه فارجو منك ان تعطينا رابط آخر او تعالج المشكلة
مشكورا و متفضلا علينا

استاذنا المحترم بارك الله فيك و ربي يجازيك بالخير و الهناء آمين

أخت أريج اكتبي بأية لغة شئت وشكرا لك على الإجابة الصريحة أما عن الرابط الثاني فهو موجود لعله يحتاج إلى التسجيل في الفور شارد ..حاولي أو أعيد التحميل للمرة الثانية.............

[ماريا205]

السلام عليكم ورحمة الله تعالى
اختي ام عبدو اهلا بك في همزة وصل وان شاء الله يكونو ليك مشاركات منو جاي لاننا استفدنا الكثيرمن هذ الركن جعلها الله لكم في ميزان حسناتكم

[ماريا205]

المشاركة الأصلية كتبت بواسطة سمراءشو

شكرا اختي اريج المسك والله دائما نقرا التدخلات نتاعك وعجبوني بزاف طرق قلتي عليهم وكنت نستفاد بزاف كي نقر نصاحك ونعاود نشكرك بزاف لانك اهتميتي بيا وانصحتيني واكيد راها ندير الطرق لي راحين تنصحوني بيهم ويا اختي نقلك الصح ملي لقيت هده همزة وصل في المنتدى وليت نعرف حوايج مكنتش نعرفم رغم اني نتصفح منتدى الجلفة يوميا تقريبا الا ادا كان عندي ضرف بصح مكنتش شايفا هدا القسم وبصراحة لانو ولدي مازال مدخلش يقرا اما الان اصبحت نحوس عل اي نصائح او اي شيء يخص الاول ابتدائي ونقلك اختي اريج المسك واختي ام عبد و مش هدا الطفل الاول لي نقري عندو اخ واحد فقط يدرس2 متوسط وكان ناقص بزاف بصح مادرناش كيما هدا بصح دخلناه على6 لانو تعطل في النطق حتى 4سنين وباش بدا يركب كلمات خفنا عليه بزاف وكي نقول لباباه اخوه مادارناش هكدا يقلي مشفيتيش عليه مليح ويقلي انا نشفا كل يوم كيما نقولو طيحة ويا اختي انا عصبيه بزلف وقلوقة وعل فكر ابني هدا الي يقرا2 متوسط تحسن بزاف كان يدي في السنة الاولى والثانية والثالثة معدل 7 من بعد ركزت عليه بزاف ولى في السنة الرابعة والخامسة 8 تقريبا ال 9 وجاب الفحص ب7.90 راحتلو في الفرنسيه و كانت عندي انا ضروف مراجعتلوش بصح كانو يخدمو مع المعلم طول الاسبوع حتى السبت رغم النو في الرنسية كان دائما علامته محصورة بين8 و9.5 والان راه معدلو 16 الما العام اغلماضي طلع حتى 17

اختي سمراء اولا اهلا بك في همزة وصل شحال نفرح كي ينضم عضو جديد سواء ولي او معلم هكذا يفيد ولا يستفيد
ثانيا نحييك على طولة البال وعلى المثابرة وعلى التحدي اللي عندك مع ابنك فهو احسن مثال ربي يكملك وينجحهولك

[عبد الناصر أمازيغ]

السلام عليكم و رحمة الله و بركاته

إن شاء الله تكون أحوال جميع أعضاء المنتدى عامة بخير و على خير ، و المشاركين في هذا الموضوع خاصة أتمنى لكم جميعا الغنيمة من كل بر و السلامة من كل إثم .

أختي "سمراء" مرحبا بك في هذا الموضوع ، إن شاء الله تداومي على المشاركة فيه .
أعتذر منك إن لم أرد عليك أمس ، فوالله شاهدت مشاركتك و قرأتها ، لكني كنت متعبا لدرجة الإنهيار من جني الزيتون ، و ما حبيتش "نبلعطك" بزوج كلمات كيما قالت الأخت أريج في إحدى المشاركات ، المهم الإخوة قاموا بالواجب و أجابوك بكل ما هو مناسب و مفيد لك و لابنك يعطيهم الصحة ، و الله راني فرحان بردودهم أكثر منك .

الأخت و الزميلة "أم عبدو" بارك الله فيك على الرد الشافي و الكافي ، مرحبا بك في المنتدى و في هذا الموضوع على الخصوص ، إن شاء الله تكون انطلاقتك الحقيقية في الكتابة في المنتديات من هذا الموضوع ، الحقيقة أني "حشمان " منك باش نزيد أية كلمة على ما قلت ، و إن فعلت فهذا ليس معناه أنك قصرت في شئ ، و إنما لزيادة الإيضاح .

أعود إليك أختي سمراء ، و نقول لك ما تتقلقيش بزاف على وليدك ، حسب المعلومات التي أعطيتها لنا عن نشاطه فهو مثل كل أطفال السنة الأولى ، و كل الصعوبات التي تعترضه عادية و كل الأطفال معرضون لها ، سأتناولها بالتفصيل ، لكن نصيحتي الأولى لك : ما تزعفيش على وليدك و لا ترفعي صوتك و إياك أن تضربيه ، و إلا ستسببين في نفوره من كل ما يتعلق بالتعلم و الدروس .

أولا قلت أن ابنك دخل إلى السنة الأولى و عمره ناقص لأنه ولد في شهر فيفري ، و أنا أقول لك ماذا تقولين عن المولودين في شهر ديسمبر من نفس السنة ؟ أكيد يوجد في قسم ابنك من ولد في الشهور الأخيرة من سنة 2007 ، و ابنك من أكبر التلاميذ سنا في قسمه . و التفكير في إعادة السنة بسبب العمر سابق لأوانه . إضافة لكل هذا فمعلمته تثني عليه ، و يجب أن تولوها ثقتكم ، فهي الأدرى بمستوى التلاميذ ، و ما هو مطلوب منهم أن يبلغوه من تعلم .
و بالنسبة لبعض العلامات " الضعيفة " حسب رؤيتك لها ، فلا يجب أن تحكموا من خلالها على مستوى الطفل ، لأنه من المفروض أنها هي العلامات الأولى التي تمنحها المعلمة لهم ، و قد تكون أسباب أخرى لا تدركونها تسببت في تدني علامات الصغير .

أما الصعوبة في فهم الأسئلة في الرياضيات و اللغة العربية ، فهذا يعود لنوع السؤال نفسه و قد لا يكون في مستواه ، فالدور هنا لمن يقوم بمهمة الشرح ، و لا تتصوري أن طفل السنة الأولى تطرحين عليه سؤالا مرة واحدة فيتلقفه ، يجب التبسيط ثم التبسيط ، انزلي قليلا إلى مستواه ، و قدمي له أمثلة مشابهة مع الحل ، لأن الطفل يتعلم بالتكرار ، و حاولي أن تبتعدي قدر الإمكان عن التجريد ، يجب أن يتدرب أولا على الأشياء الملموسة ، لأن الطفل يحب لمس الأشياء و تحريكها ( يلهو و يلعب ) ، مثلا : لترتيب الحروف لتكوين كلمة يجب أن تكون تلك الحروف مكتوبة في بطاقات صغيرة ، يقوم الطفل بترتيبها و إعادة رصفها و في كل مرة يحاول أن يقرأ الكلمة التي تحصل عليها حتى يتوصل للمبتغى . ( و هنا أسأل الأخت أريج أن تساعدني و توجهك للصفحة التي توجد فيها المشاركة التي كتبتها عن هذه البطاقات و الحافظة التي توضع فيها ) . و نفس الكلام يقال عن ترتيب الكلمات للحصول على جملة ، تكتبين الجملة في ورق مقوى ، ثم تقصين كل كلمة وحدها ، و تطالبينه بقراءة كل كلمة من غير ترتيب ، ثم تفسحين له المجال لتحريكها و رصفها بجانب بعضها للحصول على الجملة .
هذه الطريقة التي نستعمل فيها الأشياء الملموسة هي التي تجعل الطفل يفهم الأسئلة المجردة ، في البداية يرتب باستعمال المحسوس ، ثم تأتي مرحلة يتمكن فيها من الترتيب باستعمال الذهن . و حاولي دائما أن يكون العمل أقرب إلى اللعب منه إلى التعلم .

لاحظت أن الكلمات التي كتبها ابنك في الإملاء و أخطأ فيها ، و فهمت ضمنيا أن المعلمة احتسبتها خاطئة كليا ، لكن ابنك كتب عددا لا بأس به من الحروف في كل كلمة ( كلمتان ينقصهما حرف واحد و كلمة ينقصها حرفان ) ، فلو كنت مكان المعلمة لأعطيت ابنك حقه في الحروف التي كتبها ، لأنه في مرحلة تعلم الحروف ، بمعنى لو يكون سلم التنقيط نقطة لكل كلمة لأعطيته 0.75 عن كل كلمة ينقصها حرف واحد ، و 0.5 عن الكلمة التي ينقصها حرفان ، بمعنى ابنك يحصل على نقطتين من أصل ثلاثة في الكلمات الخاطئة فقط . و على هذا الأساس قلت لك لا تولي أهمية كبرى للعلامات لأن هناك عوامل كثيرة تتسبب في تدنيها أو في ارتفاعها .

بالنسبة للمقارنة في الرياضيات ، يجب أن تدربيه جيدا على مقارنة الأعداد من 0 إلى 9 ، و ذلك باستعمال الأشياء المحسوسة مثل القريصات ، فإذا أردت أن يقارن بين 8 و 9 يجب أن يضع على اللوحة صفا من القريصات فيه 9 ، و تحته صف فيه 8 ، ليظهر له عن طريق البصر أن الصف الذي فيه 9 قريصات أطول من الذي فيه 8 قريصات فقط ، و هكذا يدرك بالمقارنة البصرية ان 9 أكبر من 8 ، و العكس ( و هذا مهم جدا ) 8 أصغر من 9 ، مع العلم أنه لا يستعمل رمزي أكبر و أصغر ، بل يقارن شفويا فقط ، و باستعمال عبارتي : " أكبر من " و " أصغر من " كتابيا ، كما يستعمل أيضا عبارة " يساوي " .
و لما يدخل في مقارنة الأعداد التي تحتوي على العشرات ، استعملي مع القريصات حزم الخشيبات ( في كل حزمة 10 خشيبات ) ، و يجب أن يعد خشيبات كل حزمة بنفسه و تربطينها له بخيط مطاطي ، ليعرف مفهوم العشرة ، و كل عدد يمثل عشراته بالحزم و آحاده بالقريصات ، و عندما يقارن عددين ، يجب أن يمثل كل عدد بالخشيبات و القريصات ، فيقارن بين العشرات أولا ، و إذا كانت العشرات متساوية يقارن بين الآحاد .

أتمنى أني أضفت في هذه المشاركة و لو شيئا يسيرا ، لأني رغم هذا "الكوراج" الذي أبديته مازلت متعبا ، و لحد هذه اللحظة لم أنزع الملابس التي ذهبت بها إلى الحقل ، إن شاء الله ستكون لك مشاركات أخرى ، و سنبذل ما في وسعنا في إفادتك ، و ستفرحين بما سيحققه ابنك من تقدم .

[سمراءشو]

شكرا اخي عبد الناصر صحيح ان ام عبدو واريج المسك نصحوني واسترحت عندما قريت التداخلات نتاعهم بصح قعدت نستنى في الرد نتاعك والله طمنتوني وساعمل بالنصائح نتاعكم واسمحلي يا اخي لانك مرهق وانا زدت عليك واعيدها بارك الله فيك

[أسامة02]

المشاركة الأصلية كتبت بواسطة minnnaaa

السلام عليكم ورحمة الله تعالى وبركاته
الاستاد الفاضل "عبد الناصر امازيغ" عظم الله اجركم ورحم قريبكم و اسكنه فسيح جناته والهم ذويه الصبر والسلوان
ارجوا منكم استاذي الفاضل المساعدة "ابني يدرس في السنة الثانية ابتدائي وهو ضعيف في مادة التعبير "
ارجو اعطائي افكار وخطوات لكي اتبعها مع ابني لتحسين مستواه في هذا المجال واتمنى ان تاخدوا طلبي بعين الاعتبار
وشكرا

الضعف في التعبير راجع لقلة المطالعة و قلة الكتابة الحل الوحيد لذلك هو قراءة النصوص المدروسة و خصوصا في الإبتدائي
- 1 على التلميذ لما يطلب المعلم منه التحضير في البيت يقرأ النص و يفهمه لأن التعبير متعلق بالنص المدروس خلال الأسبوع
-2 على التلميذ كتابة النص في كراس خارجي أو إذا طلب منه المعلم ذلك لماذا ؟ لأن الكتابة تجعل الكلمات أو النصوص المكتوبة ترسخ في ذهن التلميذ و بذلك يحسن الكتابة و يكتسب لغة سليمة الرسم
3 - المطالعة عليه بقراءة القصص و مراجعة هذه القصص من طرف الأولياء لأن قصص اليوم فيها من الأخطاء ما لا يعد و لا يحصى إملائية نحوية و صرفية لذلك حتى لا يلتبس على التلميذ و يكتسب أخطاء بوقوف الأوليا ينجح التلميذ و الله أعلم

[~ حراير ~]

السلام عليكم و رحمة الله تعالى و بركاته
شكرا للشيخ عبد الناصر الي نبهنا لهذا الكنز العظيم حافظة الحروف
و هذا هو الرابط تاعه الي في الصفحة 15 المشاركة223

https://www.djelfa.info/vb/showpost.p...&postcount=223

و باش تتشجعي و تخدميه شوفي تطبيقاتنا
وهذا تطبيق الأخت الأمنيات صفحة 26 رقم المشاركة 379 و هذا هو رابطها
https://www.djelfa.info/vb/showpost.p...&postcount=379
و هذا تطبيق الأخت مقدسية المشاركة رقم 334 صفحة 23
https://www.djelfa.info/vb/showpost.p...&postcount=334
و هذا تطبيقي انا
https://www.djelfa.info/vb/showpost.p...&postcount=337
و نحب نقولك انه هاد الحافظة صارت عندنا لعبة ممتعة جدا للكبير و الصغير فنقترح أسئلة و الجواب يكون بحروف الحافظة او نبحث عن مرادفات الكلمات او املاء كلمات صعبة
حتى اني صنعت نسخة منها للفرنسية
بالتوفيق اختي
و حبيت نقولك حاجة بالنسبة للعصبية
اضن انه امر عادي جدا فانت في الدزاير الحبيبة و انت دزيرية دمك حامي تطمحي للكمال و لأنك تكوني فريدة من نوعك و تكوني سباقة لكل جديد
فلا تلومي نفسك رانا كامل على الهوا سوا .... و انما تعلمي و دربي نفسك انك ما تبينيش لوليداتك هاد العصبية خاصة اثناء الدراسة و في باقي الاوقات انت حرة تحبي حتى تخرجي مخالب هيهيهيهيهيه
بالتوفيق عزيزتي