موفن بالشكلاطا أسهل ما يكون من مطبخي

lahna moka · 2014-09-05, 14:10

هاذي الوصفة عندي بزاااف و انا معتامدتها و صورتها منذ مدة لكن اليوم حبيت اليوم نفيدكم بيها لأ نها حقا سهلة و مذاقها روووعة
نبداو على بركة الله:

2 حبات بيض_ كأس حليب (250ملل)_ نصف كأس زيت_ كأس ناقص 2 أصابع سكر عادي_ رشة ملح_ 2 ملاعق كبيرة كاكاو _ كيس خميرة _ نصف ملعقة صغيرة بيكاربونات _ ملعقة صغيرة فانيلا_ كمية شكلاطا مقطعة صغير جدا ( حوالي كأس)_ 2 كأس فرينة مغربلة

الطريقة سهلة جدا جدا نحتاج فقط اناءين
في الاناء الاول نخلط المقادير السائلة (حليب+ زيت+ بيض+ فانيلا+ ملح)

و في الاناء الثاني نخلط المكونات الجافة (فرينة+ كاكاو+ سكر+بيكاربونات+ خميرة)

هاهي بعدما مزجت كل واحد لوحدو

ثم نخلط المزيجين مع بعض و نضيف الشكلاطا المقطعة صغير
ملاحظة هاااامة: اخلطي المزيجين لتدخل المكونات فيما بينها فقط لان سر نجاح الموفن هو انك ما تخلطيش بزاف و الّا ستحصلين على موفن يابس ماشي هش

صبي الخليط في مول الموفن أو المادلان اللي كنتي درتي فيه حاويات ورقية و ديريه فالفرن حتى يطيب. و مدة طيابو تكون 10 الى 12 دقيقة فقط و في بعض الأفران 15 دقيقة و هاذا السر الثاني لنجاح هاذي الوصفة . راقبي النضج باستعمال السكين

شوفو الهشاشة من الداخل

هاهي واجدة بالصحة و العافية

تقدري تزينيها بالكريمة شانتيلي و شكلاطا مبشورة من فوق كيما عملت انا مممممممم

نتمنى تجربوها و تعجبكم غالياتي
لا تنسو التقييم