السلام عليكم ورحمة الله تعالى وبركاته
اولا الاستقالة تبقى آخر حاجة يديرها يعني حتان يضمن الخدمة لهيه 100% ومنبعد ساهل الحال يخليها حتان يروح و يستقر باه يبعث الاستقالة عبر الفاكس او الايميل لا يهم.
ثانيا اذا المؤسسة الخارجية لي راح يخدم فيها راح تبعثلو invitation هنا تسهل عليه اجراءات الفيزا، يعني في الحالة هاذي يدير طلب فيزا professionnelle ويرفق معاها الوثائق اللازمة لي يستخرجها من مؤسسة العمل الحالية (fiches de paie des trois derniers mois + titre de congé + attestation de travail ....) وفي هاذ الحالة تأشيرة الفيزا مضمونة.
لكن اذا المؤسسة الخارجية ماراحش تبعثلك invitation و راح تتعامل معاك بعقد عمل مباشر عند بدأ العمل هنا لازمك فيزا touristique لي تتطلب على الاقل يكون عندك واحد في الخارج يبعثلك hébergement باه يمدولك الفيزا.
وفي كلتا الحالتين حكاية الاستقالة تبقى ديما هي آخر حاجة لانو الاجراءات هاذي تتطلب وثائق كثيرة ووقت كبير وقادر حتى يكون فيها رفض ملف الفيزا من القنصلية تزيد تحتاج وقت اكثر لمعاودة الطلب ومعاودة استخراج الوثائق.... يعني تكون ضامن خدمة في يدك هنا على الاقل حتان تصدقلك لي لهيه كيما يقولو عصفور في اليد ولا عشرة فوق الشجرة....
ربي يوفقك ان شاء الله
( تقرير عن مشاركة سيئة )، و الموجودة أسفل كل مشاركة .
2018-12-13, 16:13
سفر للعمل في فرنسا
العرض العادي
