الدفاع الجوي عن الاقليم بالبرواقية

kamel gn · 2014-08-11, 17:19

السلام عليكم الاخوة الكرام وصلني اليوم الاستدعاء للالتحاق بالمدرسة يوم 18 اوت من فضلكم حاب نعرف عليها الى مليحة ولالا و الميتاسيون تاعها ...لي عندو معلومة مايبخلش علينا مع العلم انا محير بينها و بين الدرك الوطني ..واش تنصحونا اهل الخبرة وبارك الله فيكم .......

*الحواس* · 2014-08-11, 17:35

نصيحة مني : روح للدفاع الجوي و ربي نجاك من الدرك الوطني

الميتاسيون مليحة , تقدر تجيك في وهران و ربما تجيك في تندوف

ربي يسهلك

kamel gn · 2014-08-11, 17:43

الله يحفظك خويا وبارك الله فيك على النصيحة

.... انا قالولي الميتاسيون تاعها الاغلبية للحدود لذلك حبيت الدرك الوطني تخدم في المدن

noeddin · 2014-08-11, 17:49

هي مدرسة في ولاية المدية وتقد في البرواقية ،اختصاص دفاع جوي عن الإقليم ، عامين تدريب ، الأول تدريب عام والثاني يتم التخصيص اما مدفعية ،او صواريخ .
الميتاسيون سال على زهرك : تندوف ، بشار، الشريعة ، جيجل، عنابة ،الجزائر ......الخ
وكالك اما وسط المدن أو خارجها

على العموم اختصاص جميل وبصحتك

والله أعلم هدا لي نعقل عليه

*الحواس* · 2014-08-11, 17:53

و حتى الدرك الوطني فيها حرس الحدود
و الخدمة تاع الدفاع الجوي في الحدود ستكون مقتصرة على المراقبة بواسطة أجهزة الرادار للمجال الجوي من الأماكن المخصصة لذلك .
أما الدرك الوطني فحرس الحدود يكون بالقيام بدوريات مكثفة على الشريط الحدودي بواسطة السيارات , و أضف إلى ذلك أن مكان الإقامة في بعض الأماكن سيكون عبارة عن مخيمات

و تبقى لك حرية الإختيار

malik031 · 2014-08-11, 18:17

ضابط
______
خويا وراك مراكش تبان قااع حتى فيسبوك معلبليش واش صرالك
خليلي رقم هاتف تاعك فالخاص راني محتاجك

" سرحات " · 2014-08-11, 18:21

خويا ظابط انا صديقك بلقاسم
راك تعرفي زين زين ابعثلي رقم هاتف نتاعك اخي
وزيد انا كنت رايح ندفع في البرواقية لكن مكنتش جايب الباك اخي انت جايب الباك
كشما قبلوا جماع لي مش جايبين الباك

*الحواس* · 2014-08-11, 18:24

صحا malik , درك راني خارج و من بعد نبعثلك في الفايس

" سرحات " · 2014-08-11, 18:27

ظابط وانا نسيتني ؟؟؟
راني صاحب نتاع فيس بوك
ورااااااااااااااااااااك ياخويـــــــــ

kamel gn · 2014-08-11, 18:36

انا عندي الباك و مانعلمش خويا ديماريا الى قبلو لي ماعندهمش الباك ............

" سرحات " · 2014-08-11, 18:43

اي مليح انت شحال جبت الباك خويـ لعزيز
لخطراكش انا مجبتوش وراني نقرر نعاوده
وفي ميزيك لي يجيب الباك بـ13 معدل يدخل بلا معريفا ولا لا ؟

kamel gn · 2014-08-11, 18:48

ياخويا انا جايب الباك بمعدل 10 ومانيش حاب نروح ليها راني نخمم مليح ب 13 راك تدخل في شرشال ضابط...............

" سرحات " · 2014-08-11, 18:52

بصح سني اخي لوكان نديب 13 معدل العام الجاي يكون سني 22
والقانون يقولك 21

kamel gn · 2014-08-11, 19:53

عندك حل جيب الباك برك وادفع في الدرك الوطني ...