اقتباس:
المشاركة الأصلية كتبت بواسطة mtoussa
لسلام عليكم و رحمة الله تعالى و بركاته
اخي رايح نجاوبك من تجربتي الصغيرة جدا في التجارة
1- قبل ما نهدرو على الاحباط نهدرو شوية على انواع النشاطات: التجارات
1- النشاط الصناعي او التحويلي تجيب مادة اولية و تحولها منتوج نهائي هذا النوع يحتاج راس مال و خبرة كبيرة يعني ماشي تاع مبتدا
2- النشاط الترويجي:الشراء و اعادة البيع: امثلة محلات تجارية على اختلاف انواعها، راس المال يعتمد على حجم النشاط لكن لازم خبرة في المجال هذا النوع من النشاطاطت مربح ودورة راس المال تاعو صغير - دور اس المال بالزرب-
3- النشاط الخدمي: طبيب، محامي، مكتب هندسة الخ... يبالي واصحة الامور تاعو....
2- الخبرة: راس الخيط
درك لازم تمارس نشاط انت عندك خبرة فيه و الا تربص ولا ناوي دير تربص فيه
* انت كي تسقسي الناس و تستفسر منهم كاين لي يشجع و كاين لي يطح المورال و كاين لي يقولك ما علبليش، بصح سقسيت روحك هل الناس هادوما خبراء في المجال- 99 بالمئة والله ماهم خبراء يعني راك تعب في روحك و الحل يا اخي حوس في الانترنيت و الله تلقى الشيئ لي تحوس عليه
مثال: كيف ابدا مشروع ..... او how to start a example business ....
**** نصيحة ابدا تجارة اشريع و بيع - في رايي
3- راس المال هو لي يقولك كيفاش تبدا مثال : تكري محل او بائع جوال او الفايس بوك و الخير و الله يقدرو لي يعرف حقو
نقولك على فكرة تعلمتها انا " نهدر على نفسي" راس المال قسمو على 2 نص خبيه و نص تاجر بيه و دوك نرجعو لنص لي خبيتو
- النص لي تاجر بيه شوف كيفاش تقسمو:
* 1- مصاريف اقل شيئ 4 اشهر - شهرية تاعك مصاريف النقل - القهاوي و الدخان هههههه ماكش راح بيع من النهار الاول اسمحلي من الشهر الاول باش نكونو صرحاء مع انفسنا
2- السلعة : نعطيك مثال مش محتم تتقيد بيه
من كل حوض زهرة ابدأ رزمة من كل حاجة - بصح لازم يمشيو مع بعضاهم- سروال + قمجة شوية ملابس داخلية لازم لي يشري عليك يلقى الحوايج كل مع بعظاهم
3- الحاجة الاهم : جيب حاجة مليحة و ادي فيها غير فايدة تغطي المصاريف تاعك في بداية المشروع – لي يحب الربح العام طويل –
نرجعو للاسباب لي طيح المورااااااال
1- الاسباب لي راك تقرا فيهم راهم غير في المنتدى و المنتدي يكتب في الناس من جميع انحاء الجزائر كل واحد يكتب على التجربة الفاشلة تاعو – ما تعممش –
2- المشروع لي ما صلح لشخص ما او في منطقة ما ما يعنيش انو ما هو راح يصلحلك
-3- اخدم عند كاش واحد ياو حتى بلاش باش تتعلم و من بعد تجر انت
4 – الخبرة في المجال هي الراس المال الحقيقي و الفكري هي أي تقولك واش راح دير و كيفاش
5- نص راس المال لي خبيتو
اما توسع بيه النشاط تاعك
2- لا قدر الله فشلت في المرحلة تقدر تصلح بيه الاخطاء في المرحلة الثانية
نتمنى اني جاوبت على بعض من تساولات تاع خويا ، خطراكش خوك راح مر بنفس التجربة تاعك و ما زال يتعلم هذي 3 سنوات- ما تفشلش برك
تعبت باش كتبت هذا الكلمات ففف
|
السلام عليكم اخي سمحيلي على اني لم ارد من وقت مادخلتش وشكرااااا على المشاركة
شوف اخي انت حكيتي على الخبرة بزاف وهي شي ينقص الكثير من الناس نعم هي راس المال المطلوب في اي مشروع واحباط ناس اخي يخلوك تفشل حتى ما قبل ما تبدا ولزم واحد اخي يصدم ما يباقش خايف من كلام الناس وغيره رانا كبرنا وما درنا الوا كل شي بكتبت ربي سبحانه