اقتباس:
المشاركة الأصلية كتبت بواسطة لينة المتفائلة
اختي سطايفية الابرة عينها على يدي اليسرى او دركا عاودت جربتها تمشي شوية قيس الخيط لي مخرجاتو انا مبعدا دير صوت من جيهة الكانات او يتقطع الخيط
|
مالا لاكانات ميش راكبه مليح في بلاصتها و مني تترخف تقيس فيها لبرا هاذي لازم تديها للخدام يسيريلك لبالن ولا يبدلك البورت كانات نتاعها طوول
اقتباس:
المشاركة الأصلية كتبت بواسطة موجو جوجو
يعطيك الصحة على الطرح القيم
انت ادعي واش راكي متمنية وانا نقول أمــــــــــــــــــــــيـــــــــــــــــــــــن
|
ربي ارحم والدي و اجعل قبره روضه من رياض الجنه. ااامييين و صبر وامي على رحيله
مابغاتش تصبر طوول
اقتباس:
المشاركة الأصلية كتبت بواسطة r i a d
السطايفيةاختي يعطيك الصحة على الموضوع القييييم و الرائع
و الي اكيييد راح يفيد الكثيرااات من محبي الخياطة
و نطلب ربي يزيّن سعدك و يسعدك في الدارين امين
امييين حبيبتي الدار الاولى راني لاباس الثانيه انا و زهري
قوليلي من فضلك هذيك البياسة لازم للطرز , خاطر انا ما عنديش هذ البياسة ...نشريها ؟
لالا ميش لازمه تقدري تستغناي عليها
و نسمعكم تهدرو على السنين تاع الماشينة كيفاه  ؟....نطلعوهم و نهبطوهم و لا ما يتمسوش ؟كي نحبو نطرزو ؟و لا نشري هذيك البياسة و نحطها برك و نطرز ...ما تضحكوش عليا  اني نحس بيكم  |
لالا هاذيك في المشينه السانجار الكحله لي فيها لي يطلع و يهبط السنين خاطر تحركيها نتي بيدك اما هلذي السنين هوما لي يحركوها
اقتباس:
المشاركة الأصلية كتبت بواسطة om aya
يعطيك الصحة روووووووووعة
شوفي لوستي شارية سانجر زيقزاق نظن نسيت لاغيفيغونس بزوج ملاين و ستمية ما عرفتش تطرز بيها نسيي نفهمها بهادي واذا ما عرفناش نصورهالك
حقة في هاد النوع ما فيهاش ذاك البوشون اللي يبدل من لخياطة للطرز كيما لكحلة يطلعو السنان ويهبطو؟؟؟
|
لالا مافيهاش ام ايوش اني شرحت للي قبلك
اقتباس:
المشاركة الأصلية كتبت بواسطة rim-25
يعطيك الصحة حبيبتي
انا عندي اختها
كون نبدا نعدلك في المشاكل ما نخلصش
تقطع الخيط
تكسر الابرة
الخيط انا نحطو منين لاطونسيو مع تبدا تخدم يخرج منها الخيط او يتقطع
الخياطة على العام الخيط مرخوف
هذا واش تفكرت فقط
جربت الحلول كامل معاها
نديها نخدمها و يرجعهالي الوالد نخدم بيها 5 دقايق عادت ريمة لعادتها القديمة
لذلك قررت نشري ماشينة جديدة
و نتبع الورشات تاعك
ماشينة جديدة ولا ضغط الدم هههههههههه
يعطيك الصحة و بارك الله فيك يا ريحة الجدود
تفكريني بجدودي لان جدي من مواليد سطيف
|
الله يخليك حبيبتي مالا ديريني وحده من لافامي
المشينه تاعك ما بيها والو مسكينه نتي لي ماراكيش تفهمي عليها زيتيها و ابداي الريقلاج من اول تركاب الخيط. للكانات لازم تتاكدي من بلاصتها و فيريفي لاطونسين بالاك كشما ناقصها بياسه تحت البوشون علابيها ماكاشحه تحكم الخيط و يطير منها و بالتالي لخياطه جيك مرخوفه لاكتن ماقدرتيلهاش روحينتيللخدام و اقعدي عند راسو و تبعي نصايحو راح تتعلمي وحدك تريقلي مشاكلها. بلاما ضلي جيبيلها ضره و تزيد تشيطك الجديده !!
اقتباس:
المشاركة الأصلية كتبت بواسطة فايزة1207
موضوع رااااااااااااااااااائع بارك الله فيك
راح نجرب طريقتك في الطرز كنت نلبز وحدي وماعرفتش كيفاه
حبيت تفاهميني النفذة نتاع الخياطة تجيني صغيرة كي نجي نحلها يتقطع الكتان
نديرها في رقم 4
 |
ديريها 3,5 مليحه عمرك تستعملي الصغيره غير لكنتي رايحه تخيطي جاجه رقيقه و ايلاستيك فقط و لا في حالة الطرز اكييد
اقتباس:
المشاركة الأصلية كتبت بواسطة ميمي مانو
فرحني موضوعك ربي يبارك فيك ويعطيك قد قلبك حبيبتي
كنت طلبت من اخت هنا وعاونتني لكن ماكملتش الموضوع وراكي زدتي حوايج الف شكرررررررررررررر
|
شكرااا ميمي
اقتباس:
المشاركة الأصلية كتبت بواسطة الماضوية
مشكورة استادة واش هادى الغيبة حبيت نسقسيك على مشبنة toyotaواض رايك فيها
|
اهلا ام ادريس مانيش غايبه راني هنا تويوتا مانحبهاش كانت عندي وحده والله مرضتني بعتها
بنص نص نص السومه
اقتباس:
المشاركة الأصلية كتبت بواسطة ام هناء
الله يفتح عليك ويقضي ما في بالك افدتيني بهدا الموضوع بصح عندي سؤال انا شريت مشينة كيما هيا بصح مستعملة ومامعهاش لبياس ممكن نلقا لبياس تاعها يتباع
|
تلقايهم عند الخدام ب عشرين نلف الرجل و لا ثلاثين برك
اقتباس:
المشاركة الأصلية كتبت بواسطة ندى قدور
|
ههه مليحه هاذي لالا كاين ماتلاقيتيش بيهم برك
اقتباس:
المشاركة الأصلية كتبت بواسطة fifiarch
ماذا عساي اقول اختي السطايفية
حطيتي يد ك على الشيء لي عندي زمان نحوس عليه
عندي اخت هاذ الماشينة شريتها من سنتين ونصف
بدات تخدم ممتاز
شفتي كي نركب الخيط في الجهة وين كاين نتاع لاطونسيو هاذيك كان فيها سيلان رقيق ينظم الخيط
طارلي ومن هنا بدات مشاكلي معاها
اداها باب للخدام قالو نورمال تمشي بلا هاذاك الخيط
يعني بدات تمشي شوي نورمال
تقطع الخيط وتمشي وانا نكره حياتي يعني ساعات تمشي مدة لاباس وساعات بالشوي وقطع الخيط
كرهتلي حياتي ومالقيت وين نبعثها تتخدم
بعدها اتكسرولي الابر لي جاو معاها شريت جدد علبتهم زرقاء ونظن رقمهم 10
ميش كل القماشات تخيطهم خاصة البيزو بيزو
قالولي على الابرة لي راسها اصفر شريتها زعمة نخيط بيها البيزو السع والو انا نحطها وهي تقطع الخيط
فهميني وينا رقم نتاع ابرة نشري
رقم 14 مناسب بصح اشري الخوظر ماشي الزورق
وكيفاه ندير لبلاصة هاذاك السيلان هل هو مهم
انا طارلي و راني نخيط بلابيه واشنهي شفتي القفله لي فيرقم 3 ندور عليها الخيط قبل ما نهبطو للاطونسي ن هو يساعدني في تثبيتها
ومكان لا طونسيو نحيت القفلة وواش يتبعها
اذا تقدري توريلنا كيفاه نرجعو القطع بطريقة صحيحة لانو رجعتهم وما نعرف اذا صحيح
هاذي غير لكان رجع خويا من الفاكونص راهم غيبين. باش نقدر نصورهالك
كثرت عليك بالاسئلة
ربي يحفظك راني نتاع الصح هبلت منها
ونحب نشكرك الف شكر على ما تقدميه لنا بارك الله فيك
وربي يرحم الوالد ويسكنه فسيح جناته ان شاء الله
|
امين امين اميين
ماتشكرينيش هذا واجبي. فيفي ختي
اقتباس:
المشاركة الأصلية كتبت بواسطة chafia82
 شكرا حبيبتي انا حبيت نسالك على هذا الرجل نقدر نخدم بيه الكورد ولا نشري الرجل لخاص بالكورد وشكرا للمرة الالف |
لا لا ما تقدريش كاين تاع الكوردون وحدو يتباع
اقتباس:
المشاركة الأصلية كتبت بواسطة mami19
امشكورة اختي السطايفية انت استاذتنا في الخياطة وطبيبتنا في الماشينة
|
ههه طبيبه ؟؟
اقتباس:
المشاركة الأصلية كتبت بواسطة فاطمة شمس الاصيل
بارك الله فيك
دائما سباقة للعطاء و الخير
الله يجزيك خير ويعطيك على قد نيتك
الله يرحم الوالد ويحفظ الام لي جابت وربات
كل الكلام لا يوفيك حقك حبيبتي
جزاك الله خيرا
وقر عينك بكل شيء جميل
اسعدك المولى ووفقك
شكراااااااااااااااا حبيبتي
|
الله يحفظك فاطمه خيتي
اقتباس:
المشاركة الأصلية كتبت بواسطة مريم سلمى الجزائرية
السلام عليكمو رحمته تعالى و بركاته:
بارك الله فيك أختي،وضعت يدك على الجرح .
عندي واحدة كيما لي في الموضوع كانت تخيط الخياطة العادية مليح "مع مشكل صغير ما نقدرش نغيَّر النفدة و الزيقزاق ما تخدموش مليح مع الأنواع الأخرى من النفدات" أما من بعد عادت تقطع الخيط،زَيَّتْهَا السمانة اللي فاتت و مازال ما جربتهاش.
سؤالي: كيفاش نضبط عمل المشينة باش تخرجلى les points لخرين ملاح "وين كاين السهم"و ما تقطعليش الخيط ؟
|
اهلا مريم كيف الحاال. ياختي مشينته ويز الله يبارك لازم تفهميها باش هي ثاني تعاونك ممكن عندك خلل في البوتون نفسو لازملها خدام باش يعرف الخلل استحفظي بيها راهي نعمه
اقتباس:
المشاركة الأصلية كتبت بواسطة صفية الاوراس
جزاكي الله خيرا اختي حبيت نسقسيك واش هي الاماكن الي ندهنوها بالزيت في هذا الماشينة ؟؟؟؟
|
ههه واااش تدهني يا بنتي لا رايحه ديريلها مساج يا و فرغي الزيت و ماتهابيش وين تلقاي ثقب كبي فيه راح توليلك جديده
اقتباس:
المشاركة الأصلية كتبت بواسطة midou23annabi
بارك الله فيك يااختي السطايفية ارجوا المزيد عن سوبر زقزاق
|
واش نزيد قولي واش حاب تعرف ؟؟ باريقزومبل
اقتباس:
المشاركة الأصلية كتبت بواسطة om hazar
شكرا سطوفه ربي يجعلها في ميزان حسناتك
|
او صحا لافامي البراكه فيك المشينه نتاعك لي درنالها تشريح ههه
اقتباس:
المشاركة الأصلية كتبت بواسطة miss-khadij
يمكن الابرة راها راكبة بالمقلوب اختي او يمكن الراس ديالها راه مكسر حاولي كدلك تبدلي الكانات ساعات تكون السبب
|
انا قلتلها بالا المشكل راه في البورت كانات مرخوف ؟؟
اقتباس:
المشاركة الأصلية كتبت بواسطة الصمت حكمة
راكي مثل البصمة ، ما كانش منك زوج
صدقيني و الله غير راني ندعي لك من قلبي و كل دعاوي الخير نتاع الدنيا و الآخرة قليلة عليك
ربي يجعل كل مجهوداتك في ميزان الحسنات و صدقة جارية ان شاء الله ، تعلمنا منك بزاف صوالح
ربي يرحم و يغفر للوالد و يسكنه فسيح الجنان
|
ااامييين شكرا حبيبتي
اقتباس:
المشاركة الأصلية كتبت بواسطة ام دينة
ربي يجازيك 1000000000000000000 خير حبيبتي السطايفية
انا من بكري نموت على مواضيعك و اليوم زدتي شرحتيلي كيفاش نستعمل ماشينتي بارك الله فيك ورحم من انجبوك
|
الله يحفظك ختي
اقتباس:
المشاركة الأصلية كتبت بواسطة ميساء ميساء
بارك الله فيك ربي يجازيك كل خير
|
شكراً ميسو
اقتباس:
المشاركة الأصلية كتبت بواسطة الصمت حكمة
نسيت باه نسقسيك نقدر نقص لها السرعة ولا لالا . مشكورة مسبقا
|
لالا ماراهيش تزرب بزاف علاش نتاعك تزرب؟ بلاك راكي تلضي بزااف على رجل المشينه ارخفي رجلك شوي بصح باش تنقصي من السرعه لازم تتعودي عليها
اقتباس:
المشاركة الأصلية كتبت بواسطة ام اياد2
شكرا على كل المعلومات اذا تقدري تنعتيلي في مشينتي gemsi ودير الطرز بصح معرفتش
|
صوريهالي ختي نشوفها
( تقرير عن مشاركة سيئة )، و الموجودة أسفل كل مشاركة .
2014-06-07, 08:54
العرض العادي
