بعد عشرين سنة يطلب الزواج من ثانية

[نارينا]

المشاركة الأصلية كتبت بواسطة naamane3

ما دام في رضى الله فلا تخافي
ايعجبك اذا وقع في الحرام

ولم لم يقع في الحرام منذ 20 سنة ....وان وقع فيه فهو زاني اصلا .......لم لاتقع الزوجة في الحرام اذا أهملها زوجها؟؟ نفس الحجة الواهية ..........الحرام في اهماله لها وصبرها كما صبرت الكثيرات من امهاتنا وجداتنا وفي الاخير تحصل على جزاء سنيمار........تكتبون من وراء شاشاتكم وهمكم الوحيد معاندة المخلوق المسمى امرأة ..........تخيل فقط أنها أمك أو أختك وأحكم على زوجها بعد ذلك

[ريان 7]

السلام عليكم
قلتها مرة و نعاودها مدام حط فكرة الزواج في راسو خلاص مبقاش هدرة اكيد شاف وحدة عجباتو و يفكر فيها ضرك انت ترفضي او تقبلي نفس الشي .
و التعب لي تعبتيه عليه مراحش باطل انت رضيتيه و ارضيتي ربي و بالتالي جزاءك عند ربي مش عندو .
هو تبدل الفترة الاخيرة ليطرح عليك الفكرة و مدام دار هك فهو مصر و مقتنع .
على كل حال نظن اقبلي و خلاص هو يدير الحلال و انت تتهناي منو شوي و تريحي راسك من مشاكلو و اجرك على الله .
و نقولهالك بصريح العبارة يروح يروح و يرجعلك و ميلقاش لي تصبر عليه كيفك .
ربي يعاونك

[الفاتحة]

لا تترك بيتك ولا تهدم حياتك بل بدلي عقليتك ونظرتك لهذا الشخص ، اعتبريه نكرة وانزعي من قلبك كل رحمة اتجاهه، فقط الآن هو حنفية حتى تعيشين بكرامة وأولادك ، 20 سنة مرت من حياتك ضيعت فيها أجمل اللحظات التي تستطيع المرأة أن تعيشها ، اليوم أختي عيشي لهدفين لا ثالث لهما ، آخرتك ، صلي ، صومي، قومي ، تصدقي ، اعتمري ، أخرتك ثم أخرتك أما الهدف الثاني فلذة اكبادك ، زوجك لا تبال به عامليه دون مستوى الحيوانات لانه أثبت بتصرفه أن حيوان ناطق.

[mimi souma]

المشاركة الأصلية كتبت بواسطة abdallah111

من خلال الردود - وخاصة النساء - يظهر و كأن هذا الرجل سيرتكب جريمة أو سيقوم بفعل محرم ؟؟؟؟؟؟؟؟؟؟؟؟؟؟؟؟

.
من حقه الرجل أن يتزوج 1 و 2 و 3 و 4 . هذا حقه . طبعا اذا توافرت الشروط

.

سبحان الله .... الوقت هذا رجع الحلال حرام و الحرام حلال

والحبس لي كان معيشها فيه هداك حلال ولا حرام ولا كي فتح عليه ربي ولا يعرف الحلال شرعلو 4 نسا كاين مرا كان راميها فالدار ربي وصاه عليها راهو عمر شكارة ذنوب علاجالها حق ما صبرت هدا هو جزاتها ماقلناش جريمة بصح قد مايديرلها الخير مايرجعلهاش خيرها كيما ضحات بروحها علاجال باش ماتقيسوش كان قادر يضحي شوية ومايجرحهاش كان راميها فالدار كانت صغيرة قادرة تتزوج سيد سيدو وتعيش فالهنا بصح صبرت حتى لوكان تطلقت وعاودت الزواج ماشي حرام بصح ماحبتش تكوي راجلها بصح نقوللكم حاجة العيب ماشي فالرجال العيب فالنسا اللي يصبر على حقهم ربي عطاك حقك بالحلال ماتحرميش روحك منو اللي ماشي قادر اعيشك مليح ماكالاه يتزوج ونتي مايشقاش تسمحي في حقك خاطر هوما مايسمحوش في حقهم علا هادي اللي ولات قيمتك عندو ماتبانش وكلي عليه ربي وخليه وراني سور راح اطيح في وحدة تشربلو الخل اللي ذقتي منو يمهل ولا يهمل وكما تدين تدان وراني حاسة بلي هاد الزواج هو اللي راح يفرجك فيه اقبلي يا ختي وارمي همومك على الله وماتزعفيش وماتقنطيش ماشي تاع وجهو وحدة كيما نتي

[سماح 26]

اصبري ثم اصبري كيما مرت 20سنة راح يمر لي باقي من عمرك فلن يصبنا إلا ماكتب الله لنا
وزوجك خليه يتزوج أصلا ماشي هذا لي تندمي عليه أطلبي بيت خاص بك وعيشة طيبة مع أولادك وأكثري الدعاء
نعلم يارجال الأمة ان التعدد حلال لكن ماتنسوش لازم العدل وهذا الرجل اشك انه يعرف هاته التسميه* العدل* وشبه متاكدة انه مراحش يتقيد بهذا الأخير
تأكدي اختي هذه نزوة عابرة وراكي تشوفي الشارع مليء بالفتن فحب يعيش ايام مثل المسلسلات التركية خاطرش المال راهو كاين
وكي يضربو الريح يرجعلك ويقولك سامحيني هاذي غير نزوة وفاتت (إذا دارها وجديلو هذي )
أصبري اختي راهو يعيش فترة مراهقة ولا تطلبي الطلاق كيما قالولك عليكي بدينك ثم اولادك
الله يعينك

[جزايرية]

الحمد لله التعدد شرع ربي لااعتراض عليه ومادام خمم فيه صدقيني غير يديروا يعوم بحرو الله يسهل عليه المهم ماتلحقش المراة الجديدة لانه الخوف كله من النساء والمهم انه يعدل بيناتكم
هي صح حاجة توجع بالصح الله غالب هوقرر بالحلال ماعندك ماتعترضي لانك هاكدا تعترضي على شرع ربي وماعندكش الحق في هاد الشيء وانا قبلك ذقت معنى الضرة = الزوجة الثانية والثالثة في زوج جاو عليا وراني صابرة ومحتسبة الاجر عند الله
على بالك باللي حتى الغيرة اللي بين النساء ياجرك ربي عليها -اذا قدرتي تتحكمي فيها طبعا-
وربي ياجرك خير على ماصبرتي ويبارك لك في اولادك

[رجوت عفوك]

أختي..

أعلم ان التعدد امر قاسي على المراة خاصة التي تكون في قد عانت الكثير مثلك ..

لكن انا أنصحك أن تبقي في بيتك و مع زوجك اللذي صبرته من اجله 20 سنة و تذكري ان "" التعدد "" - شئنا ام ابينا - هو أمر شرعه الله ( لسبب و لغير سبب )

.. كما ان الرجل - على حد علمي - عندما تنغرس في راسه فكرة التعدد فسوف ينفذها برضاك او بغيره ( آسفة هذه هي الحقيقة المرة )

و حاولي ان تنظري للامر من جانب آخر مثلا ان تقبلي تعدد زوجك بنية طلب رضى الله .

لا تعلمين قد يكون لك خيرا وراء ذلك