طارطة بالكريم باتيسيير مع الفراولة و الموز

راجية غفران ربها · 2012-08-18, 17:05

طورطة بالكريم باتيسيير الفريز و البنان

المقادير :

العجين :

250 غرام دقيق فورص
125 غرام زبدة
50 غرام سكر ( للي بغات العجينة حلوة تزيد )
رشة ملح
بيضة
1 ساشي خميرة الحلوة
1ساشي فاني

الحشو و التزيين :

نصف لتر حليب
2 معالق كبار بودرة كريم باتيسيير ( جاهزة)
سكر حسب الذوق انا عملت ملعقة كبيرة
فريز
بنان
2 معالق كبيرة ڭليكوز
2 معالق ماء دافي
ملعقة كبيرة ممسوحة سكر

الطريقة :

كنحضرو العجين المرمل :

فاناء كنخلطو الدقيق مع الزبدة (درجة حرارة المطبخ)
و نفتلوه حتى يترمل مزيان
و بعدها نضيفو عليهم خميرة الحلوة
و البيضة و رشة الملح و السكر و الفاني
و نعجنو الكل حتى يتجانس ،

انا خدمتها فالعجان حتى دلكها مزيـان

بعدها سرحتها بسمك 1 سنتيمتر
و فرشتها فمول مدهون
و قطعت الزائد
و تكيتها بالفرشيطة باش متنفخ

و دخلتها للفرن حتى طابت و كتاسبات لون ذهبي

لما قربت نخرجها من الفرن ، و جدت الكريم باتيسيير

كنعمل الجاهز بودة ،

2معالق كبيرة بودة كريم باتيسيير
دوبتها مع السكر و نصف لتر حليب

و درتها فوق عافية مهيلة

مع التحريك حتى عقدات

و لما طابت الفون ديال الطرطة

كبيت عليها كريمة الباتيسيير سخونة و خليتها تبرد

و دخلتها للثلاجة حتى جمدت الكريمة و ثبتت

و فهاذ الوقت حضرت الزينة :

قطعت الفريز و البنان شرائح رقيقة ،
و حضرت الڭليكوز
2 معالق كبيرة الڭليكوز
دوبتها مع ملعقة سكر
و 2 معالق ماء دافي

بعد مخرجت الطرطة من الثلاجة و عقدات الكريم باتيسيير

بديت فالتزيين من الخارج بالتجاه الداخل
طبعا كلا يزين على ذوقو و حسب المتوفر

بعد مكملت تستاف الفريز و البنان على وجه الطرطة

دهنتها بخليط الڭليكوز للي حضرت
باش تحافظ على شكلها و يعطيه المعان

التقديم :

منقوووووووووووول