يخرج ف النّو ؟

[novateen]

السلام عليكم ورحمة الله تعالى وبركاته
اريد ان اسالكم عن شيء يخرج اثناء المطر او بعده خاصة نقولولو" الببوش"
يا ترى واش تعيطولو انتوما؟

[تَــــــيْمَـــــآءْ ,]

قصدكْ الحلزون **escargot** ؟.؟ ..

[novateen]

المشاركة الأصلية كتبت بواسطة مطـر

قصدكْ الحلزون **escargot** ؟.؟ ..

ههههههههههه والله غير جبتيها شاطرة امالا كيفاش تعيطو للحلزون بلهجتكم؟

[يوسُف سُلطان]

..في لهجتنا يسمّى : "جغللّو"
أو "بو جغللّو" ، ولا أدري أصلا لهذه التسمية
المهم أنو "بنيـــن"

[تَــــــيْمَـــــآءْ ,]

المشاركة الأصلية كتبت بواسطة novateen

ههههههههههه والله غير جبتيها شاطرة امالا كيفاش تعيطو للحلزون بلهجتكم؟

شُكرآآ .. .

المشاركة الأصلية كتبت بواسطة يوسُف سُلطان

..في لهجتنا يسمّى : "جغللّو"
أو "بو جغللّو" ، ولا أدري أصلا لهذه التسمية
المهم أنو "بنيـــن"

حنا تاني وقيل نقولولو هكا منيش شافية ..
مي لسنسياال مذقتوش ومكليتوش ومراحش ناكلو ولو على قطع رقبتي ههه
انا نشوفو برك نخاف وكيما يقولو يقشعرّ بدني هه .. .
سَلَّآآمْ .. .

[novateen]

المشاركة الأصلية كتبت بواسطة يوسُف سُلطان

..في لهجتنا يسمّى : "جغللّو"
أو "بو جغللّو" ، ولا أدري أصلا لهذه التسمية
المهم أنو "بنيـــن"

ههههههههههه يا يمة على بوجغللو والله غير بنيييييييييين بالزعتر والحار
ممممممممممممممممم

[djanna210]

احنا ثاني نقولولو بوجغللو مافيه حتى حاجة مليحة لا طعمتو لا ريحتو

[abdou10404]

احنا نقولولو البوجغران

[نورة]

المشاركة الأصلية كتبت بواسطة يوسُف سُلطان

..في لهجتنا يسمّى : "جغللّو"
أو "بو جغللّو" ، ولا أدري أصلا لهذه التسمية
المهم أنو "بنيـــن"

نحن فى الجلفة نقلولو بش قللو ولكن لا يأكل
شكرا لصاحبة الموضوع
وبارك الله فيك

[أجمل الزهور]

بصحتك حنونة ماكلت
بوجغللو عندنا بزاف منو لنبعثلك
حنا جامي نفكرو ناكلوه
أي قوليلي شحال نبعثلك
كيلو ولا زوج
ههههههه
اسمحيلي راني غير نبسط معاك.

[« أبْجَدِيَّاتْ »]

و عَليكُمـ السلآمـ و رحمة الله

مممم يعني التسمية العآمة عندنـآ هِيَ ' ملطوشة ' ...

























هههههه نمسخر طبعًآ

أنـآ اللي علآبآلي أني نقولُّو ' حلزون ' .. و مرَّآت ' جغللُّو '

مي ' ببوش ' ؟ أوَّل مرة نسمع بيهآ في بلآدنـآ .. معلومة جديدة

/

و هذه بعض التسميآت في البلـدآن العربية :

المغرب = بآبُوشَة ..... > مُؤَنَّث ' بآبوش '

هذآ إن كَآن حي ......... عندَمآ يُصبح أكلَة شهيَّة يُسمَّى : غلآلـة !

العِرآق = زلنطح .......... ! > الشآطر ينطقهآ هههههه

مصر = بزآقــــــــة

السعوديَّة = قَوقَــــع .......... > نورمآل

فلسطين = أبو عبود ... !

سوريآ = حَلزونَـ ـةٌ ( بالتآء المربوطة )


وَ فقطْ ........ شُكرًآ 'نوفآتين' ..

[يوسُف سُلطان]

الشآطر ينطقهآ هههههه

..زز
زطنلح
زطنطح
...
..
..
.
.
والله رسمُهُ أسلمُ .. لي وأريَح

[الحوتي التلمساني]

السلام عليكم
الببوش شايع عندنا نطيبوه بالسحتر و و ناكلوه بالإبرة و المساك ... هناك من يقول له الغلال أو البوجغللو في مناطق أخرى من الجزائر .... و هناك الكثير أيضا ممن لا يأكلونه و يعافونه ...

[الكوثري]

حنا نقولو له : بوبْعــلّـــو ، وأنا بما أنني بسعيدة وهي بوابة الصحرا والتل : ناكله هو كيما ناكل لونغوست

[jemo]

حنا في لقواط نقلولو بو جقللّــو بصح عندو اسم وحداخر على خطراكش بوياتنا مني كانو يضهّـرو للتل كانو يلقاوه و ثم يسموه الببّــــــوش وقيل لاراني شافي.