قسم العلوم التجريبية - نصائح قيمة من اعداد الاستاذ عبعوب - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتديات التعليم الثانوي > منتدى تحضير شهادة البكالوريا 2018 > منتدى تحضير شهادة البكالوريا 2018 للشعب العلمية، الرياضية و التقنية > قسم العلوم التجريبية


في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

إضافة رد
 
أدوات الموضوع انواع عرض الموضوع
قديم 2018-06-14, 23:42   رقم المشاركة : 1
معلومات العضو
achiever.x
عضو نشيط
 
الصورة الرمزية achiever.x
 

 

 
إحصائية العضو










افتراضي نصائح قيمة من اعداد الاستاذ عبعوب

السلام عليكم اخوتي صح عيدكم كل عام و انتم بأحسن حال
ارشادات نشرها الاستاذ عبعوب في صفحته لعلها تفيدكم

When the world says 'give up'
Hope whispers 'try one more time'

1

15 نصيحة من ذهب حذاري متقراهاش على كيفية اختيار الموضوع والنفسية نتاعك خلال الامتحان
اعداد عبعوب محمد
.
.
1. اول حاجة كي تخرج من داركم هز معاك شوي حلوة ولا شيكولا على خاطر السكريات مليحة وتحسن الميزاج
2. كي تدخل لقاعة الامتحان متكثرش الهدرة بزاف مع الطلبة حاول تحكم بلاصتك وترزن روحك وتقرا الادعية وتصلي على رسول الله
3. كي يوزع عليكم السوجي بالعقل برك متخلعش روحك والله غير عادي كيما بكري كي تحكم الموضوع الاول كيما الرياضيات مثلا اقرا كامل الاسئلة والسؤال لي تعرف الحل نتاعو ديرلو اشارة âˆڑ ولي متعرفوش ديرلو x بعد ماتكمل الموضوعين احسب الاشارة âˆڑ لي لقيتو اكثر هو لي تخيرو
4. اسمعوني خاوتي حذاري كي تخير الموضوع تخيرو على حساب لي يمتحنو معاك انت عندك شخصية كن انت الاصل لا تكن التقليد
5. كي تبدا تجاوب متخدمش بالمسودة حذاري راك ضيع غير الوقت خاصة الاجابات لي تعرفهم راك لاباس عليك نورمال تقدر تجاوب ماتبقاش تشوف لناس اذا بداو باالاجابة تبدا معاهم استخدمها المسودة غير في صوالح خفاف كيما توحيد المقامات ولا تأكد من حاجة
6. كي تبدا تجاوب مثلا تبدا بالأعداد المركبة كي تلحق لسؤال لي متعرفوش متضيعش وقت بالتفكير فيه دوموندي ورقة اجابة اخرى وابدا في المتتاليات كيف كيف كي تجاوب على تعرفو كامل دوموندي ورقة اجابة وابدا في الاحتمالات مثلا كي تلحق عند سؤال لي متعرفوش خليلو بلاصتو وكمل الاجابة تاع السؤال لي بعدو وكي تكمل روح ابدا بالدالة متكسرش راسك مع الاسئلة لي متعرفهاش
7. بعد ماتجاوب على الاجابات كامل على الاسئلة لي تعرفهم كامل ارجع الى الاسئلة لي متعرفهمش بربي تجاوب عليهم على خاطر عقلك في هذه الحالة يكون مرتاح موش كيما الخطرة الاولى
8. النقطة المهمة في نص الوقت تتوسوس و تسمع واحد يقلك انت انسان غبي تخير في الموضوع الصعيب ويقلك الاعداد المركبة نتاع المووضوع الثاني عليها 5 نقاط وساهلة ووانت في هذيك الحالة تصدقو وتقول والله غير كاينة وتبدا بالموضوع الثاني بعد ماتكمل الاعداد المركبة يعاود يرجعلك ويقلك انت صح حابس المتتاليات نتاع الموضوع الاول ساهلة يخلطلك الحسابات كامل وتحس روحك منهار نفسيا ويروح الوقت وتحس بخيبة امل كبييييييرة وتولي تسرع في الاجابات وتخلطو عليك اوراق الاجابة
9. خاوتي حذاري تسمع لبليس راهو يجيك في وسط الوقت ويقولهالك هذه الكلمة مالا قولو راهم وصاوني غير مكلاه تشقي روحك وتعوذ من الشيطان ورد بالك تغير الموضوع رد بالك تغير الموضوع حذاري اذا غيرت الموضوع راح كل شيئ مووووت مع الموضوع لي خيرتو من البداية على خاطر الاختيار نتاعك كان سليم وصحيح بليس برك يلعبلك على المورال
10. بعد ماتكمل اجابتك بعقلك متخرجش بكري اقرأ مليح السوجي سؤال بسؤال والاجابة سؤال بسؤال ولعلى تكون نسيت سؤال جاي في اخر السطر
11. كي تقتنع بلي كملت الاجابة اخرج في اخر الوقت لان القاعة كي تولي ناقصة من التلاميذ كلما يكون التركيز مليح وتقل عليك الفوضى وتجاوب مليح. المهم انت لي تمد ورقة الاجابة للحارس موش هو لي يجبدهالك حبيت نقلك متخليهش هو لي يقلك هيا ازرب انت لي تمدهالو اوك والفاهم يفهم
12. كي تخرج من القاعة هناك طريق واحد اسمو الدار مكانش طرق اخرى ولي يقلك واش خدمت قولو الحمد لله واذا قالك واش خيرت قولو الحمد لله ويقلك جاك ساهل ولاصعيب قولو الحمد لله اجابتك هي الحمد لله ولئن شكرتكم لأزيدنكم
13. حذاري والمناقشة حذاااااااااااري اذا دخلت في مناقشة الحل يطيحلك المورال وتولي غدوة في اختبار العلوم كي تتفكر الرياضيات يطيحلك المورال وتبقى ساهي وعقلك متشرد اوك رد بالك تناقش حتى كون تحس روحك تدي 20 اياك اياك اياااااك
اياك اياك اياااااك والمناقشة
14. خاوتي هذه المرحلة نتاع الاختبارات ستنطلق حملة الاشاعات ويقولولكم تسرب السوجي نتاع الفيزياء ولا الشريعة اياك ان تفقد تركيزك في المراجعة رد بالك تصدق الشائعات لان هذا العام مزيرة الحالة وماتبقاش كي الجايح تعيط وتسقسي كاشما تسرب اقرا واحفظ في اخر لحظة يغيرو السوجي عادي جدا ايا مالا توكل على ربي وديرو لي عليكم منوصيكومش اكيد راكم فهمتوني وتسمعو كلامي
15. اخر وصية كل يوم كي تجي تصلي وتدعي بالنجاح ادعي لروحك وقاع المومنين ومجموعة تلاميذ الاستاذ عبعوب محمد ومتنساوش صاحب النصائح عبعوب محمد بدعوة سبيسيال خاصة في صلاتك وربي يخليكم خاوتي وربي ينجحكم وحاولو ديرو لي عليكم على خاطر كاين ناس تعبت على جالكم وكاين ناس تسنى لحظة النجاح تاعك باه تفرح بالنجاح نتاعكم متخيبوهمش كونو عند الكلمة وبربي انا نجي ناكل شخشوخة نجاح تاعكم...صحا صيامكم وصحا عيدكم
لي مشارك في مجموعات نتاع الباك يوصل الرسالة متنوسونيش بالدعاء....الاستاذ عبعوب محمد






 

رد مع اقتباس
مساحة إعلانية

قديم 2018-06-14, 23:55   رقم المشاركة : 2
معلومات العضو
* قمر*
عضو مميّز
 
الصورة الرمزية * قمر*
 

 

 
إحصائية العضو










افتراضي

جزاه خيرا الاستاذ و جعل الجنة مثواه
و بارك الله فيك اختي على النقل
بالتوفيق و ربي ينجحنا كامل







رد مع اقتباس
قديم 2018-06-15, 00:14   رقم المشاركة : 3
معلومات العضو
Qu_een
عضو مميّز
 
الصورة الرمزية Qu_een
 

 

 
إحصائية العضو










افتراضي

شكرااااا والله نصائح قيمة راح ندير بيها كــامل







رد مع اقتباس
قديم 2018-06-15, 00:28   رقم المشاركة : 4
معلومات العضو
achiever.x
عضو نشيط
 
الصورة الرمزية achiever.x
 

 

 
إحصائية العضو










افتراضي

اقتباس:
المشاركة الأصلية كتبت بواسطة * قمر* مشاهدة المشاركة
جزاه خيرا الاستاذ و جعل الجنة مثواه
و بارك الله فيك اختي على النقل
بالتوفيق و ربي ينجحنا كامل
امييين ربي يوفقنا و ييسر لنا امورنا






رد مع اقتباس
قديم 2018-06-15, 00:29   رقم المشاركة : 5
معلومات العضو
achiever.x
عضو نشيط
 
الصورة الرمزية achiever.x
 

 

 
إحصائية العضو










افتراضي

اقتباس:
المشاركة الأصلية كتبت بواسطة qu_een مشاهدة المشاركة
شكرااااا والله نصائح قيمة راح ندير بيها كــامل
ان شااااء الله وفقك الله حبيبتي






رد مع اقتباس
قديم 2018-06-15, 01:04   رقم المشاركة : 6
معلومات العضو
unknown person 1
عضو مجتهـد
 
إحصائية العضو










افتراضي

بصح يا جماعة مفهمتش هذيك تاع دوموندي ورقة اجابة انتوما كل تمرين ديروه في ورقة اجابة وحدة اخرى؟







رد مع اقتباس
قديم 2018-06-15, 12:04   رقم المشاركة : 7
معلومات العضو
achiever.x
عضو نشيط
 
الصورة الرمزية achiever.x
 

 

 
إحصائية العضو










افتراضي

اقتباس:
المشاركة الأصلية كتبت بواسطة unknown person 1 مشاهدة المشاركة
بصح يا جماعة مفهمتش هذيك تاع دوموندي ورقة اجابة انتوما كل تمرين ديروه في ورقة اجابة وحدة اخرى؟
اكيد لا كل واحد شحال يكتب على حساب وش تخلي بلاصا قد السؤال لي مافهمتوش
نصيحة اطلب منهم ورقة اضافية ملول ماتخليش حتى تخلاص المزدوجة باش ماتضيعش الوقت






رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 04:46

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2018 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright © 2018 vBulletin Solutions, Inc