ميني بسبوسة لذيذة من مطبخي لاول ايام رمضان

[mounie dz]

السلام عليكم ورحمة الله تعالى وبركاته
بنسيم الرحمة وعبير المغفرة
نباركلكم الشهر الفضيل ونقولكم صح رمضانكم
كي العادة ولعوايد مايفوتش شهر رمضان علينا
الا وكل عائلة طيب بسوبوسة في دارها

واليوم جبتلكم وصفة بسبوسة
رائعة حقا كل من تذوقها شكر فيها
ان شاء الله نتم تاني تعجبكم وتعتمدوها ديما

المقادير

4 بيضات ، كاس سكر ، كاس زيت ، كاس حليب ، كاس لوز محمص مرحي ،

حلوة الترك (شامية) ، من 2 الى 2 ونص كاس chapelures ،

2 خميرة كيميائية

التحضير

نضربو البيض نزيدولهم السكر الزيت لحليب بالتدريج

من بعد شابلير واللوز والشامية والخميرة

ونحركوهم غير بمغرف حتى يتخلطو

نحطوهم في لي مول تاع لي بابا ونحطوهم يطيبو

من بعد مايخرجو

وهم سخونين نشربوهم بالشربات ( ومن المستحسن يكونو بلون معسل اي عسل مخفف)

ويتزينو حسب الرغبة

دوما دعوة خير لا تنسوني منها