مشكله والدي

[مشكلتي]

السلام عليكم
حبيت نحكيلكم حكايتي باش الناس اللي جازت على خير مشكل كما هذا تحكيلي واش دارت او واش الحل.
انا امرأه متزوجه من زواج تقليدي كتب المكتوب وتزوجت بعد كان عندي الكثير من الطموحات بقريتي ولكن شاء الله القدر انني ماننجحش ولكن جامي افقدت الأمل في نجاحي.
المهم كي جا اخطبني هذا الرجل كنت رافضه بس من أجل هذا المشكل. ولكن بعد تأثير العايله أقبلت. في الحقيقه شاب عادي ومتدين ودارو وحدو.
ولكن بعد فتره الخطوبه ندمت بعدما اعرفت عقليتو. صارحت والديا. ولكن رفضو لأنهم قالو لي الوقت فات وطمعتيه وحاولت مرار. ولن أقبلت في خاطر والديا.
وانا الحمد لله جامي درت حاجه حرام ومصليه ونحفظ القرآن.
أقبلت بواش اكتب ربي.
ولكن مشكلتي اني منذ اتزوجت وراجلي ظالمني ويبحثلي عن أي خطأ.
والمشكله الأكبر انو عايلتي عمرهم ولا دافعو عني خاصه والدي. مفهمتش اذا ضعيف الشخصيه او مايحبنيش. وانا متمنيه فقط انو يوقف معايا وياخذلي حقي لأنني مقهوره. ونحس نفسي وحيده وماعندي حتى انا امل. حتى انا وصلت انو جاتني حالت ضعف ووليت في حاله نفسيه صعيبه جدا. ادعولي ربي ينصرني
. كيفاش نقنع والدي يوقف معايا بدون مانجرحو لأنني نخاف ربي.
لانو ضحيت من اجلو بزاف وفي الاخير ومانلت والو.

[malakasma]

الله يفرج عنك بنيتي

[أثر]

اختي اسمحيلي ولكن مكانش شيئ اسمه قبلت في خاطر والديا ولاّ قبلت في خاطر الناس
طاعة الوالدين شيئ وحياتك الخاصة شيئ تاني تماما قولي له خليه يتحمل مسؤولية زواجك بالغصب مالقري الغلط منك نت تاني لي تزوجتي راجل لاعلاقة !
يا اختي وعلاه تستناي والدك يجيب لك حقك جيبيه وحدك حاولي مع راجل تهدري معاه بهدوء فهم روحو اللهم بارك مافهمش قال وصلني لدارنا أو اتصلي بأهلك يجوك ثم ويهدروا معاه يريقل روحو بالحلاوة ياسيدي مانفعتش لحلاوة معاه 2كلمات حارين وهو تريقل
مانفعوش هذوا الحلول كل المحكمة بيناتكم وخيروا في غيروا
علاه تمرّضي في روحك يا اختي ووصلتي لحالة ضعف علاجال راجل !!!!
السيد عايش حياتو ياكل يشرب يتقلش ونت ديري مرض القلب لعمرك !!
القراية عمرها ولا كان ليها عمر معين منجحتيش بكري تقدري تنجحي ضرك ولاّ روحي ديري تكوين التسجيلات راهي مزالت
أنفضي الغبار على روحك يا اختي وتأكدي حقك لو ماتجيبيه نت حد لاراهو سامع بيك لاتقولي لا والديا لا خاوتي كل هذا مايخمم غير في روحو الا قليل جداا يخموا صح في بناتهم وخواتاتهم .
المهم صلي وادعي ربي يهديه وحاولي كيما قلت لك تهدري مع أهلك يلقاولك حل .
ربي يفرج عليك ....

[تاج الوقار16]

اختي العزيزة
اقرأي كلامي النابع من قلب اخت ليك تحبلك الخير
أظن المشكل فيك لا في زوجك ولا في ابوك
والدليل ما حكيتيش موقف خاص وإنما هدرتي بالتعميم
انت لم تذكري أي مشكل خاص حدث لك
اما المشاكل التافهة فلا يخلو منها أي بيت
ثم ماذا تريدين من ابيك
أي مشكل يتدخل فيه؟؟!
انت واعية وحلي مشاكلك بنفسك
خلي والديك يرتاحو تعبو عليك صغيرة بزاف
تدخل الأهل يكون في حالات مستعصية جدا
اما النزاعات خفيفة فتدخلهم سفاهة
ابوك يحوس عليك تصبري في دارك كيما صبرت امك معاك وامه مع ابيه وكل زوجات المسلمين
وديري في بالك ما كانش زوج احسن من زوجك وكأني الف وحدة رآها تتمنى زوجك وتقول تخدم عليه وتعيشو في نعيم غير يلتفت ليها ولو كزوجة ثانية
اما الحب قبل الزواج مجرد أكذوبة تعيش فيها البنت
حتى انو اللي تزوجت عن حب تعيش صدمة كبيرة بعد الزواج بسبب الواقع بعد الزواج والعشرة وتقولي يا ريتني تزوجت زواج تقليدي
وفرضت وقف معاك باباك وتطلقت
ربما ما تعاوديش تتزوجي وراح تتهاني من طرف اقرب الناس إليك لانك مطلقة
وربما تزوجت راح تلقي مشاكل مع زوجك الثاني أسوء وتلاقي روحك مظطرة تصوري على ما لم تصبري عليه مع الأول



15_احبى زوجك فإن كان غير جذاب فى نظرك فهو جذاب فى نظر نساء اخريات
45_انتى بدون زوجك تتعبين وتتهاوشين اذ قاومى كل الظروف وحاولى الحفاظ عليه بعقل النساء ولكن غالبية النساء للاسف اغبياء ومتهورات ومندفعات وكاسولات ونائمات وغافلات تريد ان يحبها الرجل رغم عنه احبنى احبنى احبنى يا اختى الحب له دواعى واسباب الحب احساس يفرض نفسه لا تتسوليه من الرجل بل تميزى وتتطورى تلونى ثم ابدعى شخصيتك ودعيه يحبك رغما عنه ولكن ليس تجبريه على ذالك
49_ تريدينه ان يحبك فى مقابل ماذا؟قدمى له الحب والابتسامه وقدمى له انثى حقيقيه
57_اعرفى شخصية زوجك وافهميها ولا تغيريها
76_تذكرى انك تزوجتى كى تسعدى فلا تحولى زواجك الى ماساه ولا تنظرى للتوافه بل ركزى على اهدافك
87_اذا فشلت طريقه فى حل المشاكل بينكم حاولى بطريقه اخرى ولا تستسلمى
97_لا تجعلى زوجك ينام وهو زعلان لانه سوف يخون
144_لا تتعبى نفسك فى تعليم زوجك الرومانسيه ولكن استمتعى انتى برومانسيتك
هذه بعض النصائح اقتبستها لك لناعمة الهاشمي

[غنية غنية]

ربي يفرج عليك