زوجة اخي سليطة اللسان

[مشكلتي]

السلام عليكم انا بنت 18سنة ادرس فالثانوي مشكلتي هي زوجة اخي التي لاتستحي الكبير ولا الصغير سليطة اللسان فعلا كلما تكلم احدهم تنهال عليه بالكلام القاسي مثلا قاتلها امي نوضي بكري اتشطري اخدمي شغالاتك ومبعد ديري قيلولة كيما ندير انا وبناتي قاتلها لالا طرتو لسما صنعتو صوارخ ماشي شاطرين!
ومرة قاتلها يمة راكي عايشة خير منسا تظلي في داركم تقعدي قد متحبي قاتلها هذاك الشي بيني وبين راجلي متسالونيش
ومرة قاتلها يمة نوضي بكري نقي الحالة باش ميضحكوش عليك الناس قاتلها وش مناس قع كعايل (اسفة علمصطلح)
المهم هذو لي ران متفكرتهم
ران نعان انا فلقسم وعقلي فدار نخاف كاش نهار يتضاربو ولا كشما تقول لامي اعطوني الحل هل نوقفها عند حدها ولا كفاه ندير

[noursm]

يوميات عجوزة و كنتها
هذا من نتائج العروسة اللي تعيش مع دار راجلها للأسف !

[نوف العجلان]

لاحول ولا قوه الا بالله

[قدور بن عاشور]

و ما محل هذاك السيد من الإعراب؟

[kikimo73]

لاحول ولا قوه الا بالله

[3ab2ou]

عندها حق وش دخلكم فيها

[تاج الوقار16]

صغر سنك جعلك تضطربين من هذا الواقع وقد جربتو قبلك
في الحقيقة يجب على امك ان تجتنب المخلوقة وما تنصحهاش
اذا ولات تظلمكم تم تقول رآها سليطة اللسان
اما أنكم تتدخلو فيها فالجزاء من جنس العمل
والفنا في مجتمعنا انو الكنه لازم تكون عندها صبر أيوب على عجوزتها ولواساتها والا قبيحة!!!!
في نظري هذاك ما يستاهلو العجائز
لانو اللي عاقلة وتحشم كي حالتنا يكرازيوها ويجربو فيها كل عجب اذا اعترضت في يوم ما تولي قليلة حيا
الأولى بيك تنصحني امك ما تدخلش روحها
حتى ترتاحو وتقري قرايتك وتخلو خوك هو يكتشف مرتو على حقيقتها
هذا اذا كانت سيئة
لانو كاين نسا غير يتدخلو فيهم يتقلقو ويبداو يخسرو
قولي لامك النصيحة لمن يطلبها واذا عندها مشكل تخبر وليدها ولا داعي الاصطدام مع مرتو
وانت ربي يوفقك في دراستك حنونة

[Basketteuse]

صح هي سليطة اللسان بصح بصراحة امك تستاهل . علاه تدخل روحها في خصوصيات الغير. والله نوع امك هذا مايليقلهم غير وحدة تفحمهم خليوها والتهاو بأموركم . يجي نهار تتزوجي تفهمي ظرك مازالك صغيرة راكي تبعي في امك

[أثر]

الواضح ان امك تتدخل فيما لايخصها وورثت هذا لابنتها التي هي أنتِ
زوجة اخيك ترقد او تنوض لا اظن الامر يخصكم تقيل او ماتقيلش تاني الامر ليس من شانكم انا ساعاا تظهرلي نوض بكري وساعات نحب نرقد صباحا
المراة تتزوج باه تعيش حياتها وتتهنى وزوجها برك لي عنده حق يتصرف ويهدر ماشي ناس كل تحب تدبّر
على كل زوجة تعيش معاكم كانت باينة تكمل هكا أرضاو بعقليتها او خوك يهز مرتو ويروح يكري مدام العايلة كل تحب تدخل روحها ف المخلوقة ومن تدخل فيما لايعنيه سمع مالايرضيه
ونت تهلاي في قرايتك يابنتي مكان مادخلك في سوق النساء.

[حبيبة زوجها]

نقولهالك حتى امك تتدخل والنوع هذا نعرفو وجربتو من قبل ينطقو العبد ذراع امك تسمطها وهي تاني مش هتتبلاها

[وَحْـــ القلَمْ ـــيُ]

أمك أيضا (كحال جميع الحماوات) تدقق وتشرع كما تشاء
وانى لها ذلك!

،.
فمشكل زوجة أخيك مع أمك مش معاك
أما أنت فتحاولين تذكر هذه الأحداث عمدا عن زوجة أخيك!

دعيك منها
تذكري 4 أمور جيدة بها
ولا تجحدي خيرها

[zahra1999]

لاحول ولا قوة الا بالله

[المطمئنّة]

وعليكم السّلام ورحمة الله وبركاته

أختي بصراحة أنتم مخطؤون في حقّ هذه المرأة حتّى لو كانت سليطة اللّسان فذلك يعتبر ردّة فعل على تدخّلكم في شؤونها،
كل ما ذكرته في مشكلتك لا يدعو لانزعاجكم منها

لمّا قلتِ تذهبُ لبيت أهلها وتمكث هناك كما تشاء، مهلا يا أختي أخوكِ يسكن مع أهله ويراهم كلّ يوم، فأين المشكلة لمّا تذهب زوجة أخيك لبيت والديها؟ هل ترضين أنتِ مستقبلا أن تتدخّل حماتكِ فيكِ متى زرتِ أهلك وكم مكثت عندهم؟

ربّما زوجة أخيك من النّساء كثيرات السّهر اللواتي يفضّلن قضاء أشغال البيت متأخرات، ليس لكنّ الحقّ في التدخّل في حياتها ثمّ تقولين بعدها أنها سليطة اللسان، ألا تعلمين يا أختي أنه من تدخّل فيما لايعنيه لقي ما لا يرضيه، وألا تعلمين أنّه من حسن إسلام المرء تركه مالا يعنيه؟

وعليه أنصحكِ وأنصح الوالدة الفاضلة بأن تتركوا تلك الزّوجة وشأنها وأن تعاملونها بتقوى الله عز وجلّ، لأنه كما تدين تدان
وبما أنّ سنّك 18 سنة فأنت مازلت صغيرة وتجهلين تماما ما معنى أن تعيش المرأة في بيت أهل زوجها ويتدخّلون في كلّ كبيرة وصغيرة، وقد يبتليك الله تعالى مستقبلا بأن تكوني في هكذا موقف وربّما تنتهي حياتكِ الزوجية بالطّلاق بسبب هذه المشاكل التّافهة بينك وبين أمّ زوجكِ وأخواته

وكذلك إن كنتِ تريدين سعادة أخيك فاتركي عنكِ مراقبة زوجته في كلّ صغيرة وكبيرة، وفّري له الجو ليرتاح في زواجه


أرجو من الله القدير أن يؤلف بين قلوبكم
تقبّلي نصيحتي

[mtoussa]

المشاركة الأصلية كتبت بواسطة قدور بن عاشور

و ما محل هذاك السيد من الإعراب؟

واش راح يديرلها ه=اك السيد. يحكملها مفمها. اكيد السيد راهو بالعا و فرات.

زيد المشكلة الثانية في عجوزتها . نةرمالمو - كي ردتلها الصرف المرة الاولى تحكم فمها و ما تعاودش