عقود ما قبل التشغيل

["راجية الجنة"]

المشاركة الأصلية كتبت بواسطة ouna2006

الى كل من ساعدني شكرا ربي يجازيكم و شكر خاص للاخت قلم الحرية ربي يحفظك و يجعلها في ميزان حسناتك
من كان في عون أخيه كان الله في عونه

يلا مزية اختي الكريمةouna 2006 من دواعي سروري المساعدتك ربي يسهللك ان شاء الله ويسهللي انا ثاني درت كيفك ودرك نسنة في كنترا ادعلي يزربولي به

وفقنا الله

[ouna2006]

ربي يوفقنا انشاء الله و شكرا مرة أخرى للجميع

[هواري مسوسي]

المشاركة الأصلية كتبت بواسطة ouna2006

انا راني حابة ندير كونترا عند طبيبة و هي قاتلي وجدي الملف كامل باش دخلني عندها كونترا تاع anem
و كيرحت سقسيت قالولي لازم هي تحط offre كيشغل demande و لا مالرانيش عارفة alors انا حبيت كاش واحد ينصحني و يساعدني prcq ماراني فاهما والو
merciiiiiiiiiiiiiiiiiiii

السلام عليكم

انا مستشار تشغيل بوكالة محلية

ردا على تساؤل الاخت

انها تتقدم الطبيبة الى الوكالة المحلية و تملا استمارة العرض الموجود لدى الوكالة(استمارة العرض وثيقة خاصة بالادارة)

وفي استمارة العرض تحدد شروط االعرض اي انها تختار الشهادة الخاصة بك انك وتخصصك انت


ومن ثم تقوم الوكالة باعطاءك رسالة توجيه لامضائها من الطبيبة

ومن ثم يحرر لك عقد يمضى من طرف الطبيبة ومن مدير التشغيل


ارجو ان اكون وضحت لك ولكل الاخوة

[ouna2006]

ربي يحفظك انشاء الله

[رمضان جمال]

السلام عليكم ورحمة الله وبركاته

صلوا على معلمنا ورسولنا ونبينا محمد صلى الله عليه وسلم

إخواني أخواتي في الله أردت في هذه العجالة أن أطرح عليكم السؤال التالي:

- ما معنى نظام التشغيل cta الذي يأتي في المرحلة الثانية من الإدماج المهني وما هي إمتيازاته؟
- ماهي عيوب هذا النظام ؟

وفي الأخير أرجوا من الله أن أجد الإجابة عندكم ......... والسلام عليكم ورحمة الله وبركاته

[bababi]

السلام عليكم

الحاجة اللولا بصحت عيدكم كامل كيما راكم تعيدو بالصحة والهنا

عندي برك وحد الاستفسار دورك انا تحصلت على موافقة من عند مؤسسة عمومية

دورك واش ندير لازم نخدم لاكارت بلو قبل ؟ولا نحط الدوسي ديريكت ؟

وواش هو الدوسي لي نحطو ؟ وشحال نستنى باش يخدمولي الكونترا ونبدا نخدم ؟

مادا بيكم تفهموني باسكو ماني فاهمة والو

[sofiane.my11]

و عليكم السلام
صح عيدك
اجيبك حسب ما اعرف :
اول شئ لازم تخدمي لاكارت بلو ،
ثاني شئ لازم المؤسسة هاذي ادير عرض طلب لمكتب التشغيل بالتخصص نتاعك
ثالث شئ لازم تكون معريفة باش يعطولك هذا العقد ليك (بلادنا)
يعطولك مكتب التشغيل ما يسمى "برسالة توجيه" ، تديها للمؤسسة الوطنية يديرولك كاشي باللي راهم قابلين
ترجعيها لمكتب التشغيل ، يقولولك جيبيلنا ملف
بعدها توقعي العقد ، و مبروك عليك عقد التشغيل ، غير توقعي تبداي الخدمة "
نصيحة : ما تفورسيش على روحك فالخدمة
و

[a.bounab]

السلام عليكم
بالنسبة لعقود ما قبل التشغيل وبحسب معرفتي هي كالتالي:
1انشاء البطاقة الزرقاء لدى مكتب التشغيل وهي يست بالامر الصعب
2 تكوين ملف العقود وبحسب معرفتي هو كالاتي
-شهادة ميلاد
-شهادة شخصية للحالة المدني
-شهادة اثبات الوضعية ازاء الخدة الوطنية للذكور
-شهادة الانتساب أو عدم الانتساب من cnas
-شهادة الانتساب أو غدم الانتساب من casnos
-نسخة مصادق عنها من الدبلوم
-2 صور شمسية
-نسخة مصادق عنها عن بطاقة التعريف
-نسخة مصادق عنها عن البطاقة الزرقاء(بطاقة العمل)
-صك بريدي مشطوب

3الحصول على الموافقة من احدى المؤسسات و اضافتها الى الملف
وضع الملف لدى مكتب التشغيل وانتظارقبول ملفك لبدء العمل وهنا هو المشكل "الانتظار" عليك اما بالصبر أو تخطي الحواجز ان امكنكي ذلك

[ندرومة49]

المشاركة الأصلية كتبت بواسطة bababi

السلام عليكم

الحاجة اللولا بصحت عيدكم كامل كيما راكم تعيدو بالصحة والهنا

عندي برك وحد الاستفسار دورك انا تحصلت على موافقة من عند مؤسسة عمومية

دورك واش ندير لازم نخدم لاكارت بلو قبل ؟ولا نحط الدوسي ديريكت ؟

وواش هو الدوسي لي نحطو ؟ وشحال نستنى باش يخدمولي الكونترا ونبدا نخدم ؟

مادا بيكم تفهموني باسكو ماني فاهمة والو

خويا البطاقة الزرقاء تخدمها في لحظات بالديبلوم وبطاقة التعريف نتاعك
يجب أن تذهب باكرا وتسجل ( في بوسعادة لكثرة المسجلين يسجلوا بداية من 7 صباحا ثم يقفلون القائمة على 9 و 30 دقيقة أو 10 حسب عدد المسجلين ) إذا سجل ويعطوك بطاقة زرقاء وأخبر المستشار في الوكالة بأني وجدت عملا '( لا تخبرهم عن مكان اعمل قادرين يطيرولك بيه إذا كان معاهم واحد م بن فاميلية يوظف حبيبو ويخليك ................... يعطوك قصاصة صغيرة فيها مما يتكون الملف

[chamssou89]

نزيدك نصيحة اختي ما تتمشايش بلا عرف ما ديري والو انا درت وحد الـ 10 كونترات ما كاش لي فاق ههههههههههه

["راجية الجنة"]

السلام عليكم

مكالاه تخوفواالطفلة

شوفي اختي
على كنترا يمدهولك وراسكهم على رجليهم خاطر حقك مكفول لا معريفة لا والوا لكن اصبري عليهم شهر مننهار حطيتي الدوسي خاطر مكش انت برك الي حطيتي كاين بزاف الدوسيات اصبري فقط وادعي الله عز وجل

بالتوفيق

["راجية الجنة"]

حقة
حابة نسقسيك

العقد الي راح اديريه daip
ولا cta

[a.bounab]

بارك الله فيك يا قلم الحرية فأنا أرى ان هذا النوع من العقود ليس بالامر المستحيل في الجزائر والقضية هي في الصبر وهذا ما نفتقر اليه للأسف

[عبدالقادر 02]

شاركي في لي كونكور سي ميو ليم وانشاء الله تربحي

[BAROUD]

ياااااااااااحسراه في بلادنا حقك و تديه بالمعريفة