بخصوص الحماية المدنية - لي فهم يفهمنا

[mohamed 1992]

السلام عليكم يوم الاربعاء الماضي رحت باش ندفع دوسي في الحماية المدية انا واحد من ناس نستنا فيها من ماي الماضي المهم وصلت ليهم قالي اعطيني دوسي قعد يشوف فيه ومن بعد رتب الدوسي واعطاهلي باش نروح ندفعو دخلت على واحد لعبد ثما بدا يشد في دوسي تصاور شاهدة مدرسية .......... ولغريب شوف العقلية نتاع بعض ناس يحوس يليكيديني قالي نتا راك زايد في تيارت ماشي في جلفة قتلو شوف بطاقة تعريف ساكن في جلفة قالي لازمك شهادة اقامة لي يوقعها المير !!!!!! قتلو شوف لاكارت راني ساكن في الجلفة قالي صايي اعطيني بطاقة اقامة انا ديتلهم كامل لكواغط لورقة نتاع الماء نتاع الكهرباء نتاع التيليفون ولغاز ما عندو ما يلكيدي يعطيتلو بطاقة اقامة قالي احكم دوسيك ارجع على الواحدة ونصف على الوحدة ونص رجعت ليهم قالولنا نقبلو غير ثانية ثانوي ؟؟؟؟؟ ايه واخر سن كما يعلم الجميع هو 25 سنة صحا واحد في عمرو 25 سنة ولازم المستوى يكون ثانية ثانوي من وين يجيب سورسي بفففففففففففففففففففففف الحمد الله كاين لموت .

[titou-tamer]

ربي يجيب الخير يا أخي حاول نجيب شهادة ثانية ثانوي ما تفقدش الأمل ربي يكون معاك خويا أوكي

[رشيد32]

لاتفقد الامل عاود رجع نهار الحد و دي معاك شهادة تاع الثانية وربي يوفقنا جميعا

[الطالب المسلم]

هل ارجاء التجنيذ ينتهي في 14 مارس مقبول

[yacine-08]

هادي بالاك شافوا ناس بزاااف

قالوا لي مستوى اكبر يرفض الملف نتاعه

وباينة الاغلبية الساحقة غادي تكون عندها مستوى اكبر