طريقتي في المطلوع هش وخفيف تفضلن

[شاوية حرة 05]

انا هذي هي طريقتي في المطلوع جامي بدلتها انشالله نفيدكم ولو باالقليل انا ندير تاع السميد ماشي تاع الفرينة اولا نقيس السميد على حساب الخبزات لي راح نديرهم كاس فرينة ولكل خبزة مغرف قهوة المتوسطة خميرة نصف ملعقة كبيرة سكر وحبة بيض ونضيف الزيت حوالي مغرف كبيرة تاع الاكل وضيفي حليب دافي او نصف مغرف حليب غبرة وملح وسينوج ونعجن مليح بماء دافي حتى تولي العجينة طرية نغطيها ونخليها تخمر على حسب الجو انا صراحة ما نخليهاش المرة الاولى تطلع ياسروبعد ذللك نعاود نعجنها بشوية زبدة ونقسمها ونخليها ترتاح ثواني ونحل كل خبزةونحطهم يخمرو المرة الثانية وكي نشوف الخبزات خمروا نثقب باالوحدة ونطيب
ملاحظة:انا العجين ما نشمخوش ياسر باش ما يجونيش فيه الفقاعات المهم العجين يكون طري







انشالله نكون افدتكم ولو باالقليل

بوركتي حبيبتي وصفتك هاااااايلة الجديد هو البيضة عمري ولا درتها في المطلوع
نسييها حبيبتي ونردلك الخبر

[iaman.fr]

مشكورة اختي يعطيك الصحة

[أم شيماءْ]

تسلمي شكرا

[lyzzabel]

بارك الله فيك على الوصفة حبيبتي و اول مرة نسمع البيض فالمطلوع c'est tentant
شكرا و ننتظر منك المزيد من الأفكار الجديدة

[lamiak1]

yaatik el saha

[عطرالذهب]

شكرا حبيبتي على الوصفة

[أم يونس01]

آه تسما أختي كي شمخيه بزاف يجو الفقاعات انا كل منديرو يجيوني و ميعجبنيش

[بصيرة2]

صحيتي يا الشاوية نتاعنا ههههه

[lamis.imen]

بارك الله فيك

[R I A D]

الله يبارك عليك يا الشاوية
مالا مطلوعك يجي زي البريوش مادام فيه البيضة و الزبدة و الحليب غبرة
تسلمي حنونة
خصو غير الصور

[zamilio]

احنا هدا نقولولوخبز الدار نشربو بيه القهوة والمطلوع الى نكلو بيه الماكلة فيهالخميرة تع الخبز والسميد والماءوالملح

[شاوية حرة 05]

شكرا حبيباتي على التشجيع اختي zamilio انا هكذا ندير المطلوع ونطيبو في طاجين تاع الطين ويجني هش ياسر اما الخبز الدار نطيبو في الكوشة تاني يجني هايل و كامل يعجبهم راني حطيتو موضوع في هذا القسم

[ام فريال]

ايبان هايل يعطيك الصحة وربي يزين سعدك

[awladi]

شكرا على الوصفة