مشكلة ابني

ملك الروح · 2015-09-16, 21:24

السلام عليكم ورحمة الله وبركاته
لدي ولد عمره سنتين ونصف مشكلته المستمرة هي الامساك مع العلم ان غذائه الاساسي الحليب ولا ياكل الخضار والمشكلة بدات تتفاقم لما نزعت له الحفاظة فهو يتعمد ان يمسك البراز_اعزكم الله_ ولا يتبرز الا في الحفاظة واوقات ب 3 ايام لا يتبرز الا بالادوية والملينات ثم نعود لنفس المشكلة ,صار يخاف من التبرز
انا الان حامل في الشهر الثامن واحترت ماذا افعل معه
ساعدوني ارجوكم

رَكان · 2015-09-16, 21:54

أنقذيه ...
قومي بفطامه تدرجا ..الخضر والفواكه ..مليئة بالألياف ..ولن يعتدل نظام هضمه الا بتناولها وبكميات معتبرة تدخل في نظام غذائه اليومي هذا من خزان التجربة وسيفيدك أهل الإختصاص بأكثر منه ...

أم شهد* · 2015-09-17, 01:46

يشرب في الحليب من صدرك !!
هذي غلطة كبيرة درتيها المراة كي تعرف روح بلي حامل و بيكون عندها رضيع من احسن مترضعوش لان الحليب يكون مش مليح و زيدي سقسي عليع طبيب انتاعك

أم شهد* · 2015-09-17, 01:48

و بالك المشكلة راه نفسي راه حاس بل بيبي لي راح جاي

ابداع جزائرية · 2015-09-17, 09:18

السلام عليكم
اختي اذا عندك الاله اللي تستخرج العصائر من الفواكه والخضر
la centrifugeuse

وارحيله البتراف وزيدي صفيه
جربي في الحليب او ديريهوله وحده مع شوية عسل وشوية ماءمعدني
البتراف حتى هو ملين ويمشي الكرش
وفيه فوائد عظيمة

كي تشوفيه استساغهه كعصير وكرشه بدات تمشي
زيدي الجزر وتفاح .و...
وتقدري ثاني اديريه في هاذ النوع من الاكواب
الاولاد يحبو هاذ المصاصات

وحتى هاذي الحقيقة نفعتني مع العصيدة بكل انواعها تاع العجائن والخضر
تكون شوية جارية ومستساغة الطعم
تباع عند اللي يبيعو حوايج الرضع

بالاك تعسفي عليه باه ياكل؟؟
كما البطاطا وسمك ابيض طيبيهم وديريهم كريات صغار
وحطيله غير زوج في صحن مايتكسرش
وحطيهم بحذاه وروحي خليه
خاصة كي يعود جيعان
راح يلعب بيهم المرةالاولى ومبعد وحده وحده يبدا ياكل
فقط في الاول ماتحتميش عليه
كي ياكل وحدة برك فيها بركة
بالعقل بالعقل ابداي دخليله في هاذوك الكريات جزر طايب ومرحي .سلق مرحي ...كابوية
حتى المعجنات كي اتطيبي مقرون حطيله زوج او ثلاث حبات فقط في صحن وتولهي من بعيد
في الاول راح يلعب ومبعد يلوحهم في فمه ويستسيغهم خاصة كي يعود جيعان
كي تشوفيه كلاهم زيدي 3 او 4 حبات فقط وهكذا...
هاذي كانت تجربتي مع وليدي ربي يشافيه ونجحت نتمنى تنجح معاك
حتى هو كان مايحبش المغرف ومايحبش الماكلة
واحترت كفاه نفطمه ..لكن بالحيلة حب السع الماكلة والان حتى المغرف ماشاء الله ياكل وحده
فقط لازم توسعي بالك حتى ودار فوضى ..حاولي تنضفي على قد ماتقدري
وخلاص
ربي يباركلك فيه

رجائي فيك · 2015-09-17, 10:25

بالباركة عليك اختي ننصحك تحاولي تنقصيله لحليب و تعوضية بالخضر و اللحم و الفواكة و شربيه عصير الطماطم اذا ما بداش ياكل راح تبقي في نفس المشكل ة راح يزيدله مشاكل اخرى كيما فقر الدم و سوء الغذية

ملك الروح · 2015-09-17, 22:02

اشكركم اخوتي على الرد
لكن ابني هو مفطوم اقصد انه يشرب الحليب الذي نشربه بكثرة مما يسبب له الغازات والانتفاخ والمشكلة انه لا يتبرز كالطفل العادي فهو يتعمد يمسكه ولا يضعه الا في الحقاظة
يعني اذا مادرتلوش الحفاظ يبقى مبلوكيها ال(caca) حاشاكم حتى تولي يابسة وكبيرة وباه تخرج يمرض ويمرضنا معاه حتى اني عاودت رجعتلو الحقاظ كي يخرج من الدار نديرهولو وهو ينتهز الفرصة باه يوسخ فيه .

lina23 · 2015-09-18, 13:56

عندي نفس المشكل وقاتلي الطبيبة راه حاس بلي في كرشك يعني الغيرة هي السبب ومادبيه يبقى بالكوش باه تشوفولو كانو صغير ماكبرش

Basketteuse · 2015-09-20, 14:03

يااختي ساعفيه راهو غاير من خوه ، في رايي خليلو ديريلو الكوش مره في اليوم باه يخمج فيها حاشاك ، وكي تولدي بخير ان شاء الله ، وللي بالشوي كي تجي تبدلي لاكوش للبيبي ، قولي للبيبي زعما: شوف خوك فحل مايخمجش في لاكوش، ولا رويجل واحنا نحبو الفحولا،،،، وانت خامج ماشي فحل دير كاكا تحتك واضحكي عليه، درك بالشوي يتبدل يوللي يحشم يديرها في الحفاظة